إِزهِّيذنْ 93

1 سِيذِي إِحكّمْ، نتَّا يَارْضْ س لْعَاضَامَا، سِيذِي يَارْضْ س جّهْذْ أَمْ س يِيجّْ ن ؤُحزَّامْ. وَاهْ، دُّونشْثْ ثْبدّْ ثمْثنْ، وَارْ ثتّنْهزِّي شَا. 2 ڒْكُورْسِي إِڭلّْذنْ نّشْ إِمْثنْ زِي مشْحَاڒْ ؤُيَا، شكْ ثدْجِيذْ زِي ڒبْذَا. 3 إِغزْرَانْ سّْڭعّْذنْ، أَ سِيذِي، إِغزْرَانْ سّْڭعّْذنْ ثْمِيجَّا نْسنْ. إِغزْرَانْ أَذْ سّْڭعّْذنْ ڒْْحسّْ ن زّْهِيرْ نْسنْ. 4 سِيذِي ذِي ڒُوعْڒَا إِجْهذْ خْ زّْهِيرْ ن وَاطَّاسْ ن وَامَانْ إِجهْذنْ ؤُ خْ ؤُهَاجِي ن ڒبْحَارْ. 5 شّْهَاذَاثْ نّشْ أَقَا ذَايْسنْثْ ڒَامَانْ. ثَاقدَّاسْثْ ثْزهّجْ إِ ثَادَّارْثْ نّشْ، أَ سِيذِي، أَڒْ مَارَّا ؤُسَّانْ.