Ɛizra 2

1 Ina d ayt n lɛamala nni dd-igeɛɛden zi tmeḥbast - imenfiyyen nni dd-iwyi Nabuxadnaṣṣar, ajeǧid n Babil, di lmenfa ɣar Babil - uca ɛeqben ɣar Urcalim d Yahuda, kuř ijj ɣar tendint nnes, 2 uca usin-dd ak-d Zarubbabil, Yahucaɛ, Nahamya, Saraya, Raɛlaya, Murdaxai, Bilcan, Misfar, Biɣway, Raḥum d Baɛna. Wa d řqedd n yeryazen n řgens n Israil. 3 Ayt n n Farɛuc, ařfayen u-mya u-tnayen u-sebɛin n yeryazen. 4 Ayt n Cafaṭya, teřt-mya u-tnayen u-sebɛin n yeryazen. 5 Ayt n Araḥ, sebɛa-mya u-xemsa u-sebɛin n yeryazen. 6 Iḥenjiren n Fahat-Mu’ab, zeg iḥenjiren n Yecuɛa d Yu’ab, ařfayen u temnem-mya u-tenɛac n yeryazen. 7 Ayt n Ɛilam, ařef u-mitayn u-arebɛa u-xemsin n yeryazen. 8 Ayt n Zattu, tesɛa-mya u-xemsa u-rebɛin n yeryazen. 9 Ayt n Zakkay, sebɛa-mya u-settin n yeryazen. 10 Ayt n Bani, setta-mya u-tnayen u-rebɛin n yeryazen. 11 Ayt n Babay, setta-mya u-třata u-ɛicrin n yeryazen. 12 Ayt n Ɛarjad, ařef u-mitayn u-tnayen u-ɛicrin n yeryazen. 13 Ayt n Aduniqam, setta-mya u-setta u-settin n yeryazen. 14 Ayt n Biɣway, ařfayen u-setta u-xemsin n yeryazen. 15 Ayt n Ɛadin, arebɛa-mya u-arebɛa u-xemsin n yeryazen. 16 Ayt n Aṭir, zi Ḥizqiya, tmenya u-tesɛin n yeryazen. 17 Ayt n Biṣay, teřt-mya u-třata u-ɛicrin n yeryazen. 18 Ayt n Yura, mya u-tenɛac n yeryazen. 19 Ayt n Ḥacum, mitayen u-třata u-ɛicrin n yeryazen. 20 Ayt n Jibbar, xemsa u-tesɛin n yeryazen. 21 Ayt n Bayt-Laḥm, mya u-třata u-ɛicrin n yeryazen. 22 Iryazen ni Naṭufa, setta u-xemsin n yeryazen. 23 Iryazen n Ɛanatut, mya u-tmenya u-ɛicrin n yeryazen. 24 Arrawen n Ɛazmawet, tnayen u-rebɛin n yeryazen. 25 Ayt n Qaryat-Ɛarim, Kafira d Biɛrut, sebɛa-mya u-třata u-rebɛin n yeryazen. 26 Ayt n Rama d Jabaɛ, setta-mya u-waḥed u-ɛicrin n yeryazen. 27 Iryazen n Mixmas, mya u-tnayen u-ɛicrin n yeryazen. 28 Iryazen n Bayt-Il d Ɛay, mitayen u-třata u-ɛicrin n yeryazen. 29 Ayt n Nabu, tnayen u-xemsin n yeryazen. 30 Ayt n Maɣbic, mya u-setta u-xemsin n yeryazen. 31 Ayt n ijj n Ɛilam nneɣni, ařef u-mitayn u-arebɛa u-xemsin n yeryazen. 32 Ayt n Ḥarim, teřt-mya u-ɛicrin n yeryazen. 33 Ayt n Lud, Ḥadid d Unu, sebɛa-mya u-xemsa u-ɛicrin n yeryazen. 34 Ayt n Ariḥa, teřt-mya u-xemsa u-rebɛin n yeryazen. 35 Ayt n Sana’a, teřt-ařaf u-setta-mya u-třatin n yeryazen. 36 Ikehhanen. Ayt n Yadaɛya, zi taddart n Yecuɛa, tesɛa-mya u-třata u-sebɛin n yeryazen. 37 Ayt n Immir, ařef u-tnayen u-xemsin n yeryazen. 38 Ayt n Facḥur, ařef u-mitayn u-sebɛa u-rebɛin n yeryazen. 39 Ayt n Ḥarim, ařef u-sbeɛṭac n yeryazen. 40 Ilawiyyen. Ayt n Yecuɛa, ayt n Qadmiyil, zeg ayt n Hudawya, arebɛa u-sebɛin n yeryazen. 41 Imedyazen. Ayt n Asaf, mya u-tmenya u-ɛicrin n yeryazen. 42 Ayt n iɛessasen n tewwura. Ayt n Callum, ayt n Aṭir, ayt n Ṭalmun, ayt n Ɛaqqub, ayt n Ḥaṭiṭa, ayt n Cubay, aqa aten jmiɛ mya u-tesɛa u-třatin n yeryazen. 43 Imsexxaren n Zzawect Tameqqrant. Ayt n Ṣiḥa, ayt n Ḥasufa, ayt n Ṭabaɛut, 44 ayt n Qiruc, ayt n Siɛaha, ayt n Fadun, 45 ayt n Labana, ayt n Ḥajaba, ayt n Ɛaqqub, 46 ayt n Ḥajab, ayt n Camlay, ayt n Ḥanan, 47 ayt n Jadil, ayt n Ḥajar, ayt n Ra’aya, 48 ayt n Raṣin, ayt n Naqquda, ayt n Jazzam, 49 ayt n Ɛuzza, ayt n Fasiḥ, ayt n Bisay, 50 ayt n Asna, ayt n Maɛunim, ayt n Nafusim, 51 ayt n Baqbuq, ayt n Ḥaqufa, ayt n Ḥarḥur, 52 ayt n Baṣlut, ayt n Maḥida, ayt n Ḥarca, 53 ayt n Barqus, ayt n Sisara, ayt n Tamaḥ, 54 ayt n Nasiḥ, ayt n Ḥaṭifa. 55 Ayt n imsexxaren n Suliman. Ayt n Suṭay, ayt n Sufarat, ayt n Faruda, 56 ayt n Yaɛala, ayt n Darqun, ayt n Jiddil, 57 ayt n Cafaṭya, ayt n Ḥaṭṭil, ayt n Fuxarat-ha-Ḍabayim d ayt n Ami. 58 Marra imsexxaren n Zzawect Tameqqrant d iḥenjiren n imsexxaren n Suliman, aqa aten jmiɛ teřt-mya u-tnayen u-tesɛin n yeryazen. 59 Ina d inni dd-igeɛɛden zi Tal-Milaḥ, Tal-Ḥarca, Karub, Addan d Immir, maca war zemmaren ad ssecnen zi jjihet n taddart n řejdud nsen niɣ zi jjihet n zzariɛet nsen, aqa nitni qarsen-dd zi Israil: 60 ayt n Dalaja, ayt n Ṭubiyya, ayt n Naquda, setta-mya u-tnayen u-xemsin n yeryazen. 61 Uca zeg ayt n ikehhanen: ayt n Ḥabaya, ayt n Haqquṣ, ayt n Barzillay, aqa zzaysen inni iwyen ict n temɣart zi yessis n Ujilɛadi Barzillay u ttwařaɣan s yisem nnes. 62 Nitni arzun x tewriqt n uzemmem nsen deg wedlis n taṣiřet, maca war tt ufin. S uyenni ttwassuffɣen nitni zi tukehhant. 63 Lwali ameqqran inna asen, war ttᵉtten zi tmesřayin iqeddsen qaɛ ař ɣa ikkar ijj n ukehhan ak-d Urim d Tummim. 64 Marra agraw n řgens tuɣa di tnayen u-rebɛin-ařef u-teřt-mya u-settin n yeryazen, 65 nhřa isemɣan d tiyya nsen. Ina tuɣa aten marra sebɛa-ařaf u-teřt-mya u-sebɛa u-třatin uca ɣarsen mitayen n imedyazen d tmedyazin. 66 Iysan nsen tuɣa aten di sebɛa-mya u-setta u-třatin, u isardan nsen tuɣa aten di mitayen u-xemsa u-rebɛin. 67 Iřeɣman nsen tuɣa aten di arebɛa-mya u-xemsa u-třatin u iɣyař nsen tuɣa aten di sebɛa-mya u-ɛicrin. 68 Umi dd-yusin ɣar Taddart n SIDI di Urcalim, wcin ca n izeǧifen x ibabaten n řaǧat s řxaḍar i Taddart n AREBBI ḥima ad tt ssbedden deg wemcan nnes. 69 Nitni wcin i ssenduq n txubay i řxedmet anect n wagřa nsen waḥit u-settin-ařef n draxmat n wureɣ d xemsa-ařaf n minayat n nnuqart d mya n tcamirat i ikehhanen. 70 Ikehhanen d Ilawiyyen d ca zi řgens d imedyazen d iɛessasen n tewwart d imsexxaren n Zzawect Tameqqrant ggin ad zedɣen di tneddam nsen u uřa d marra Israil igga ad izdeɣ di tneddam nnes.