Izehhiden 67

1 I umeqqran n imeɣnajen. Ak-d uzenzun x ifiřan. Azehhed. Izři. 2 Ad xaneɣ iḥinn AREBBI. Netta ittejja udem nnes ad xaneɣ yarɣ - Silah - 3 maḥend ad ssnen abrid nnec x temmurt, ad ssnen asenjem nnec jar marra řegnus! 4 Řegnus ad Cek qadan, a AREBBI, marra řegnus ad Cek qadan. 5 Řegnus ad farḥen, ad sřiweřwen, maɣar Cek ad tḥekmed x řegnus nican, Cek ad tessuyured ccuɛub x temmurt - Silah - 6 řegnus ad Cek qadan, a AREBBI, marra řegnus ad Cek qadan. 7 Tammurt tᵉttic řɣiǧet nnes. AREBBI, AREBBI nneɣ, ad aneɣ ibarek. 8 AREBBI ad aneɣ ibarek u marra tineggura n temmurt ad zzayes ggʷedent.