Izehhiden 8

1 I umeqqran n imeɣnajen. S teɣnint n Ujtti, weryaz zi Jat. Azehhed n Dawud. 2 A SIDI, Arebbi nneɣ, mammec ijhed Yisem nnec x marra tammurt, Cek d wenni iggin lɛaḍama nnec sennej i ijenwan. 3 Zeg uqemmum n iḥenjiren d iseyman, teggid dsas ijhed zi ssibbet n yinni Cek iḥeṣṣaren, ḥima ad tbellɛed abrid x řeɛdu u x wenni yarezzun ad ixřef. 4 Mařa twařiɣ ajenna, řxedmet n iḍewḍan nnec, taziri d yetran, inni teggid, 5 min iɛna xenni bnadem, aqa Cek txarrṣed dayes, mmis n bnadem, aqa Cek txezzared ɣares? 6 Cek tarrid t mɣir cwayt waha qell i AREBBI, tewcid as ttaj n uɛuǧi d řɛezz. 7 Cek tarrid t ad iḥkem x tmegga n ifassen nnec, tessarsed marra swadday i iḍaren nnes: 8 uǧi d ifunasen, marra ina, uřa d řmař n yeyyar, 9 ijḍaḍ n ujenna d iseřman n řebḥar, marra min ittcuqan ibriden n řebḥur. 10 A SIDI, Siditneɣ, mammec ijhed Yisem nnec di marra tammurt!