ⵉⵥⴻⵀⵀⵉⴷⴻⵏ 111
TTI1 ⵀⴰⵍⵍⵉⵍⵓ-ⵢⴰⵀ! ⴰⵍⵉⴼ. ⴰⴷ ⵇⴰⴷⴻⵖ ⵙⵉⴷⵉ ⵙ ⵎⴰⵔⵔⴰ ⵓⵍ ⵉⵏⵓ, ⴱⵉⵜ. ⴷⵉ ⵍⴰⵎⴰⵏ ⵏ ⵡⴻⴳⵔⴰⵡ ⵏ ⵢⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ, ⴷⵉ ⵜⵎⴻⵙⵎⵓⵏⵜ. 2 ⴳⵉⵎⴻⵍ. ⵍⴻⴼⵄⴰⵢⴻⵍ ⵏ ⵙⵉⴷⵉ ⴷ ⵉⵎⴻⵇⵇⵔⴰⵏⴻⵏ, ⴷⴰⵍⵉⵜ. ⴰⵇⴰ ⵜⵡⴰⵔⴻⵣⵣⵓⵏ ⵣⵉ ⵎⴰⵔⵔⴰ ⵉⵏⵏⵉ ⵣⵣⴰⵢⵙⴻⵏ ⵉⴼⴰⵔⵔⵃⴻⵏ. 3 ⵀⵉ. ⵏⴻⵜⵜⴰ ⵉⴳⴳⴰ ⵙ ⵍⵄⴰⴹⴰⵎⴰ ⴷ ⵍⵄⴻⵣⵣ, ⵡⴰⵡ. ⵜⴰⵙⴻⴳⴷⴰ ⵏⵏⴻⵙ ⵜᵉⵜⵜⵖⵉⵎⴰ ⵉ ⵍⴻⴱⴷⴰ. 4 ⵣⴰⵢⵉⵏ. ⵏⴻⵜⵜⴰ ⵉⴳⴳⴰ ⵉⵊⵊ ⵏ ⵍⵄⵉⴷ ⵉ ⵍⵉⴷⴰⵔⴻⵜ ⵏ ⵍⵎⵓⵄⵊⵉⵣⴰⵜ ⵏⵏⴻⵙ. ⵅⵉⵜ. ⵙⵉⴷⵉ ⴷ ⴰⵃⵏⵉⵏ ⴷ ⴰⵔⵃⵉⵎ. 5 ⵜⵉⵜ. ⵏⴻⵜⵜⴰ ⵉⵡⵛⴰ ⵎⴰⵛⵛⴰ ⵉ ⵢⵉⵏⵏⵉ ⵜ ⵉⵜⵜⴻⴳⴳⵯⴻⴷⴻⵏ, ⵢⵓⴷ. ⵉⵜⵜⵉⴷⴰⵔ ⵍⵄⴰⵀⴷ ⵏⵏⴻⵙ ⵉ ⵍⴻⴱⴷⴰ. 6 ⴽⴰⴼ. ⵏⴻⵜⵜⴰ ⵉⵙⵙⵛⴻⵏ ⵉ ⵍⴳⴻⵏⵙ ⵏⵏⴻⵙ ⵜⵉⵎⴻⴳⴳⴰ ⵏⵏⴻⵙ ⵉⵊⴻⵀⴷⴻⵏ, ⵍⴰⵎⵉⴷ. ⵃⵉⵎⴰ ⴰⴷ ⴰⵙⴻⵏ ⵉⵡⵛ ⵜⴰⵙⵖⴰⵔⵜ ⵏ ⵍⴻⴳⵏⵓⵙ. 7 ⵎⵉⵎ. ⵍⴻⴼⵄⴰⵢⴻⵍ ⵏ ⵉⴼⴰⵙⵙⴻⵏ ⵏⵏⴻⵙ ⴷ ⵜⵉⴷⴻⵜⵜ ⴷ ⵍⵃⴻⵇⵇ, ⵏⵓⵏ. ⵎⴰⵔⵔⴰ ⵜⵉⵡⴻⵚⵚⴰ ⵏⵏⴻⵙ ⴷⴰⵢⵙⴻⵏⵜ ⵍⴰⵎⴰⵏ, 8 ⵙⴰⵎⵉⵅ. ⴰⵇⴰ ⴰⵜⴻⵏ ⴱⴻⴷⴷⴻⵏ ⵉ ⵍⴻⴱⴷⴰ, ⵄⴰⵢⵉⵏ. ⵜⵜⵡⴰⴳⴳⴻⵏ ⴷⵉ ⵜⵉⴷⴻⵜⵜ ⵓ ⵙ ⵍⴻⵚⴼⴰⵢⴻⵜ. 9 ⴱⵉ. ⵏⴻⵜⵜⴰ ⵉⵙⵙⴻⵡⵊⴻⴷ ⵜⵜⴰⵎⴰⵏ ⵏ ⵡⴻⵚⵍⴰⵃ ⵉ ⵍⴳⴻⵏⵙ ⵏⵏⴻⵙ, ⵜⵙⴰⴷⵉ. ⵉⴳⴳⴰ ⵍⵄⴰⵀⴷ ⵏⵏⴻⵙ ⵉ ⵍⴻⴱⴷⴰ. ⵇⵓⴼ. ⵉⵙⴻⵎ ⵏⵏⴻⵙ ⴷ ⴰⵎⵇⴻⴷⴷⴰⵙ ⴷ ⵉⵙⵙⴻⴳⴳⵯⴰⴷⴻⵏ. 10 ⵔⵉⵅ. ⵜⵉⴳⴳⵯⵓⴷⵉ ⵏ ⵙⵉⴷⵉ ⴷ ⴱⴻⴷⴷⵓ ⵏ ⵜⵉⵖⵉⵜ. ⵛⵉⵏ. ⵎⴰⵔⵔⴰ ⵉⵏⵏⵉ ⵉⵜⵜⴻⴳⴳⴻⵏ ⴰⵎⴻⵏⵏⵉ, ⴰⵇⴰ ⵖⴰⵔⵙⴻⵏ ⵍⴻⵄⵇⴻⵍ ⴷ ⵍⴻⵎⵍⵉⵃ. ⵜⴰⴼ. ⵛⵛⴰⵏ ⵏⵏⴻⵙ ⵉⵜⵜⵖⵉⵎⴰ ⵉ ⵍⴻⴱⴷⴰ.