ⵉⵥⴻⵀⵀⵉⴷⴻⵏ 6

1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵣⴻⵏⵣⵓⵏ ⵅ ⵓⴼⵉⵍⵓ ⵡⵉⵙⵙ ⵜⵎⴻⵏⵢⴰ. ⴰⵣⴻⵀⵀⴻⴷ ⵏ ⴷⴰⵡⵓⴷ. 2 ⴰ ⵙⵉⴷⵉ, ⵡⴰⵔ ⴷ ⴰⵢⵉ ⵜⵜⵡⴻⴷⴷⴰⴱ ⴷⴻⴳ ⵡⴻⵖⴹⴰⴱ ⵏⵏⴻⵛ, ⵡⴰⵔ ⴷ ⴰⵢⵉ ⵜⵜⴰⵔⴻⴱⴱⵉ ⵛⴰ ⴷⴻⴳ ⵡⴻⵙⵄⴰⵔ ⵏⵏⴻⵛ! 3 ⵃⵉⵏⵏ ⵅⴰⴼⵉ, ⴰ ⵙⵉⴷⵉ, ⵎⴰⵖⴰⵔ ⵏⴻⵛⵛ ⴰⵇⴰ ⴰⵔⵅⵓⵖ. ⵙⴳⴻⵏⴼⴰ ⴰⵢⵉ, ⴰ ⵙⵉⴷⵉ, ⵎⴰⵖⴰⵔ ⵉⵖⵙⴰⵏ ⵉⵏⵓ ⵜⵜⴰⵔⵊⵉⵊⵉⵏ! 4 ⵡⴰⵀ, ⵍⴻⵄⵎⴰⵔ ⵉⵏⵓ ⵢⴰⵔⵊⴻⴼ ⴰⵟⵟⴰⵙ, ⵓ ⵛⴻⴽ, ⴰ ⵙⵉⴷⵉ, ⴰⵍ ⵎⴻⵍⵎⵉ? 5 ⴷⵡⴻⵍ-ⴷⴷ, ⴰ ⵙⵉⴷⵉ, ⴼⴻⴽⴽ ⵍⴻⵄⵎⴰⵔ ⵉⵏⵓ, ⵙⴻⵏⵊⴻⵎ ⴰⵢⵉ ⴷⵉ ⵟⵟⵡⴻⵄ ⵏ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ. 6 ⵎⵉⵏⵣⵉ ⴷⵉ ⵍⵎⴻⵡⵜ ⵡⴰⵔ ⴷⵉⵏⵏⵉ ⴱⵓ ⵍⵉⴷⴰⵔⴻⵜ ⵏⵏⴻⵛ. ⵡⵉ ⵛⴻⴽ ⵉ ⵖⴰ ⵉⵇⴰⴷⴰⵏ ⴷⵉ ⵍⴰⵅⴰⵔⵜ? 7 ⵏⴻⵛⵛ ⵓⵃⵍⴻⵖ ⵙ ⵉⵏⵉⵅⵙⵉⵙⴻⵏ ⵉⵏⵓ. ⴵⵉⵍⴻⵜ ⵜⴻⴽⵎⴻⵍ ⵙⵙⵓⴼⴼⴻⵖ ⵇⴰⵎⴰ ⵉⵏⵓ, ⵓⵍⴰ ⴷ ⵜⴰⵙⵙⵓⵜ ⵉⵏⵓ ⵜᵉⵟⵟⴻⴱⵟⴻⴱ ⵇⴰⵄ ⵙ ⵉⵎⴻⵟⵟⴰⵡⴻⵏ. 8 ⵜⵉⵟⵟ ⵉⵏⵓ ⵜⴻⵖⵍⵉ ⵙ ⵡⴻⵛⴹⴰⵏ, ⵊⵊⴻⵀⴷ ⵏⵏⴻⵙ ⵉⵔⵓⵃ ⵣⵉ ⵎⴰⵔⵔⴰ ⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ. 9 ⴰⴳⴳⵯⴻⵊⴻⵎ ⵅⴰⴼⵉ, ⵎⴰⵔⵔⴰ ⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ, ⵎⵉⵏⵣⵉ ⵙⵉⴷⵉ ⵉⵙⵍⴰ ⵉ ⵜⵎⵉⵊⵊⴰ ⵏ ⵉⵎⴻⵟⵟⴰⵡⴻⵏ ⵉⵏⵓ. 10 ⵙⵉⴷⵉ ⵉⵙⵍⴰ ⵉ ⵜⵓⵜⵔⴰ ⵉⵏⵓ, ⵙⵉⴷⵉ ⴰⴷ ⵉⵇⴱⴻⵍ ⵜⴰⵥⴰⴵⵉⵜ ⵉⵏⵓ. 11 ⵎⴰⵔⵔⴰ ⵍⵄⴻⴷⵢⴰⵏ ⵉⵏⵓ ⴰⴷ ⵜⴻⵏ ⵜⴻⵍⵇⴻⴼ ⵍⴻⴼⴹⵉⵃⴻⵜ ⴷ ⵓⵏⴻⵅⵍⵉⵄ, ⴰⴷ ⴷⴷ-ⴷⴻⵡⵍⴻⵏ ⵖⴰⵔ ⴹⴻⴼⴼⴰⵔ, ⴰⴽ-ⴷ ⵡⴻⵔⵎⴰⵛ ⵏ ⵡⴰⴱⵍⵉⵡⴻⵏ ⴰⴷ ⵙⴻⴹⵃⴰⵏ.