ⵉⵥⴻⵀⵀⵉⴷⴻⵏ 70

1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵏ ⴷⴰⵡⵓⴷ. ⵉ ⵍⵉⴷⴰⵔⴻⵜ. 2 ⴰ ⴰⵔⴻⴱⴱⵉ, ⴷⴻⵖⵢⴰⵜ ⵃⵉⵎⴰ ⴰⴷ ⴰⵢⵉ ⵜⴼⴻⴽⴽⴻⴷ, ⵃⵉⵎⴰ ⴰⴷ ⴰⵢⵉ ⵜⵄⴰⵡⵏⴻⴷ, ⴰ ⵙⵉⴷⵉ. 3 ⴻⵊⵊ ⵉⵏⵏⵉ ⵢⴰⵔⴻⵣⵣⵓⵏ ⵍⴻⵄⵎⴰⵔ ⵉⵏⵓ ⴰⴷ ⵜⵜⵡⴰⵅⴰⵔⴻⵡⴹⴻⵏ ⵓ ⴰⴷ ⵙⵙⵏⵓⴼⴼⴰⵔⴻⵏ ⵉⵅⴻⴼ ⵏⵙⴻⵏ, ⴻⵊⵊ ⵉⵏⵏⵉ ⵢⴰⵔⴻⵟⵟⴰⵏ ⵅ ⵍⵖⴰⵔ ⵉ ⴷⴰⵢⵉ ⵉⵍⴻⵇⵇⴼⴻⵏ, ⴰⴷ ⴷⴻⵡⵍⴻⵏ ⵖⴰⵔ ⴹⴻⴼⴼⴰⵔ ⵓ ⴰⴷ ⵜⵜⵡⴰⵙⵙⴱⴻⵀⴷⵍⴻⵏ. 4 ⴻⵊⵊ ⵉ-ⵜⴻⵏ ⴰⴷ ⵄⴻⵇⴱⴻⵏ ⵣⵉ ⵙⵙⵉⴱⴱⴻⵜ ⵏ ⵓⴱⴻⵀⴷⴻⵍ, ⵉⵏⵏⵉ ⴷⵉⵏ ⵉⵇⵇⴰⵔⴻⵏ: “ⵀⴰ, ⵀⴰ!" 5 ⴻⵊⵊ ⵎⴰⵔⵔⴰ ⵉⵏⵏⵉ ⵅⴰⴽ ⵢⴰⵔⴻⵣⵣⵓⵏ, ⴰⴷ ⴰⵔⵛⵇⴻⵏ, ⴰⴷ ⵣⵣⴰⵢⴻⴽ ⴼⴰⵔⵃⴻⵏ. ⴻⵊⵊ ⵉⵏⵏⵉ ⵉⵜⵜⴻⵅⵙⴻⵏ ⴰⵙⴻⵏⵊⴻⵎ ⵏⵏⴻⵛ, ⴰⴷ ⵉⵏⵉⵏ ⵍⴻⴱⴷⴰ: “ⴰⵔⴻⴱⴱⵉ ⴷ ⴰⵎⴻⵇⵇⵔⴰⵏ!" 6 ⵎⴰⵛⴰ ⵏⴻⵛⵛ ⴷⵉ ⵍⴻⵖⴱⴻⵏ ⵓ ⵣⴻⵍⴹⴻⵖ, ⴰ ⴰⵔⴻⴱⴱⵉ, ⴷⴻⵖⵢⴰⵜ ⵖⴰⵔⵉ. ⵛⴻⴽ ⴷ ⵜⵡⵉⵣⴰ ⵉⵏⵓ ⴷ ⴰⵎⵙⴻⵏⵊⴻⵎ ⵉⵏⵓ, ⴰ ⵙⵉⴷⵉ, ⵡⴰⵔ ⵜⵜⵄⴻⵟⵟⴰⵍ ⵛⴰ!