ⵉⵥⴻⵀⵀⵉⴷⴻⵏ 76
TTI1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵣⴻⵏⵣⵓⵏ ⵅ ⵉⴼⵉⵍⴰⵏ. ⴰⵣⴻⵀⵀⴻⴷ ⵏ ⴰⵙⴰⴼ, ⵉⵣⵍⵉ. 2 ⴰⵔⴻⴱⴱⵉ ⵉⵜⵜⵡⴰⵙⵙⴻⵏ ⴷⵉ ⵢⴰⵀⵓⴷⴰ, ⵉⵙⴻⵎ ⵏⵏⴻⵙ ⴷ ⴰⵎⴻⵇⵇⵔⴰⵏ ⴷⵉ ⵉⵙⵔⴰⵉⵍ. 3 ⴰⵄⵓⵛⵛⵉ ⵏⵏⴻⵙ ⴰⵇⴰ-ⵜ ⴷⵉ ⵛⴰⵍⵉⵎ, ⵜⴰⵣⴻⴷⴷⵉⵖⵜ ⵏⵏⴻⵙ ⴷⵉ ⵚⵉⵀⵢⵓⵏ. 4 ⴷⵉⵏⵏⵉ ⵢⴰⵔⵥⴰ ⴼⵍⵉⵜⵛⴰⵜ ⵢⴰⵔⴻⵇⵇⴻⵏ ⵏ ⵍⵇⴻⵡⵙ, ⵜⴰⵙⴻⴷⴷⴰⵔⵜ ⵏ ⵓⵙⴻⵍⵇⵉ ⴷ ⵙⵙⵉⴼ ⵓⵍⴰ ⴷ ⴰⵎⴻⵏⵖⵉ. ⵙⵉⵍⴰⵀ. 5 ⵜⴻⵙⵙⴰⴳⴳⵯⴰⴷⴻⴷ ⵓ ⵜⵊⴻⵀⴷⴻⴷ ⵉ ⵜⴻⴵⵉⴷ ⵅ ⵉⴷⵓⵔⴰⵔ ⵏⵏⵉ ⵉⵎⵎⴻⵥⵔⴻⵏ ⴷⵉ ⵜⴽⴻⵛⵛⴰⴹⵜ. 6 ⵉⵏⵏⵉ ⵉⵣⴻⵄⵄⴰⵎⴻⵏ ⵜⵜⵡⴰⴽⴻⵛⵛⴹⴻⵏ. ⵏⵉⵜⵏⵉ ⵏⵏⵓⴷⵎⴻⵏ, ⵟⵟⵚⴻⵏ, ⵓⵍⴰ ⴷ ⵉⵊⵊ ⵣⴻⴳ ⵉⵔⵢⴰⵣⴻⵏ ⵉⵎⴻⵃⴹⴻⵏ ⵡⴰⵔ ⵉⵣⴻⵎⵎⴰⵔ ⴰⴷ ⵉⵎⵎⵄⴰⵍⴰ. 7 ⵙ ⵓⵡⴻⴷⴷⴻⴱ ⵏⵏⴻⵛ, ⴰ ⴰⵔⴻⴱⴱⵉ ⵏ ⵢⴰⵄⵇⵓⴱ, ⵉⵖⴰⵔⵇ ⵓⴽⴰⵔⵔⵓ ⴷ ⵓⵢⵉⵙ ⴷⴻⴳ ⵢⵉⴹⴻⵚ. 8 ⵛⴻⴽ, ⵡⴰⵀ, ⵛⴻⴽ ⵜⴻⵙⵙⴰⴳⴳⵯⴰⴷⴻⴷ, ⵡⵉ ⵉⵣⴻⵎⵎⴰⵔⴻⵏ ⴰⴷ ⵉⵇⵇⵉⵎ ⵉⴱⴻⴷⴷ ⵣⵣⴰⵜ ⵉ ⵡⵓⴷⴻⵎ ⵏⵏⴻⵛ, ⵅⵎⵉ ⴷⴷ ⵖⴰ ⵉⴽⴽⴰⵔ ⵡⴻⵖⴹⴰⴱ ⵏⵏⴻⵛ? 9 ⵣⴻⴳ ⵓⵊⴻⵏⵏⴰ ⵜⴻⴳⴳⵉⴷ ⴰⴷ ⵉⵜⵜⵡⴰⵙⴻⵍ ⵍⵃⵓⴽⵎ. ⵜⴻⵟⵟⴻⴼ ⵜⴻⴳⴳⵯⵓⴷⵉ ⵜⴰⵎⵎⵓⵔⵜ ⵓⵛⴰ ⵜⴻⵙⵙⴻⵖⴷ, 10 ⵓⵎⵉ ⵉⴽⴽⴰⵔ ⴰⵔⴻⴱⴱⵉ ⵎⴰⵃⴻⵏⴷ ⴰⴷ ⵉⵛⴰⵔⵔⴻⵄ, ⵃⵉⵎⴰ ⴰⴷ ⵉⴼⴻⴽⴽ ⵎⴰⵔⵔⴰ ⵉⵎⵀⵉⵏⴻⵏ ⵏ ⵜⴻⵎⵎⵓⵔⵜ. ⵙⵉⵍⴰⵀ. 11 ⵎⴰⵖⴰⵔ ⴰⴼⵓⴳⴻⵎ ⵏ ⵉⵡⴷⴰⵏ ⴰⴷ ⵢⴰⵡⵉ ⴰⵇⴰⴷⵉ ⵉ ⵛⴻⴽ, ⵎⵉⵏ ⵉⵇⵇⵉⵎⴻⵏ ⵄⴰⴷ ⵏ ⵡⴻⵙⵄⴰⵔ ⴰⴷ ⵜ ⵜⵎⴻⵏⵄⴻⴷ. 12 ⵡⵛⴻⵎ ⵍⵡⵓⵄⵓⴷ ⵓ ⴳⴳⴻⵎ ⵣⵣⴰⵢⵙⴻⵏ ⵣⵣⴰⵜ ⵉ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ. ⴻⵊⵊ ⵎⴰⵔⵔⴰ ⵉⵏⵏⵉ ⴷ ⴰⵙ ⴷⴷ-ⵉⵏⵏⴹⴻⵏ ⴰⴷ ⴰⵡⵢⴻⵏ ⵚⵚⴷⴰⵇⵉ ⵉ ⵡⴻⵏⵏⵉ ⵉⵜⵜⵅⴻⵚⵚⴰ ⴰⴷ ⵣⵣⴰⵢⴻⵙ ⴳⴳⵯⴻⴷⴻⵏ, 13 ⵡⴻⵏⵏⵉ ⵉⵎⴻⵏⵏⵄⴻⵏ ⵉ ⵍⵃⵓⴽⴽⴰⵎ ⴱⵓⵃⴱⴻⵍⴰⵜ ⵏⵙⴻⵏ, ⵡⴻⵏⵏⵉ ⵣⵣⴰⵢⴻⵙ ⵜⵜⴻⴳⴳⵯⴷⴻⵏ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ.