Matej 4

1 Tegani o Sveto Duxo inđarda e Isuse ani pustinja, te iskušil le o beng. 2 Thaj postisada o Isus saranda (40) đive thaj raća thaj ko krajo bokhajlo. 3 Thaj avilo paše leste o beng savo iskušil thaj vaćarda lese: “Te san e Devleso Čhavo, vaćar kale barenđe te aven mangre." 4 A o Isus phenda lese: “Ano Sveto lil si pisimo: ‘O manuš ni ka avol džuvdo samo taro mangro, nego tare dži jekh lafi savo ikljol taro muj e Devleso.’" 5 Tegani o beng inđarda le ano sveto foro o Jerusalim thaj čhuta le ko emupruno than e Hrameso 6 pa vaćarda lese: “Te san e Devleso Čhavo, čhude tut katar tele, golese kaj si pisimo: ‘E anđelurenđe ka naredil baše tute, thaj ka len tut ke vasta te ma čalave tut ko bar će pingresa.’" 7 O Isus vaćarda lese: “Ano Sveto lil si pisimo: ‘Ma iskuši e Gospode, e Devle ćire!’" 8 Pale gova o beng inđarda le upre ko but učo brego thaj sikada lese sa e carstvura tare kava sveto thaj lenđi slava 9 thaj vaćarda lese: “Sa ka dav tut kava ako pere ke koča thaj pokloni tut manđe." 10 Tegani vaćarda lese o Isus: “Dža mandar, Satano! Golese kaj ano Sveto lil ačhol: ‘Pokloni tut e Gospodese e Devlese ćirese thaj lese jekhese služi.’" 11 Tegani o beng ačhada e Isuse, a sigate e anđelura avile thaj služisade le. 12 Kana šunda o Isus kaj si o Jovane o Krstitelj ano phanglipe, đelo ani Galileja. 13 Thaj ačhada o Nazaret pa đelo thaj bešlo ano Kafarnaum, pašo Galilejsko jezero ke Zavuloneso thaj e Neftalimeso krajo, 14 te bi pherdola kova so vaćarda o proroko o Isaija: 15 “Ani phuv e Zavulonesi thaj ani phuv e Neftalimesi, o drom savo inđarol pašo more, tari aver rig e Jordanesi, ani Galileja ani phuv savi si e abandžijenđi, 16 manuša save bešen ano kalipe ka dičhen svetlost baro, e manuša save bešen ano mrako, o svetlost pe lende ka sijajil." 17 Tare gova vreme o Isus lija te propovedil thaj te vaćarol: “Pokajin tumen, golese kaj si paše o Carstvo e neboso." 18 Thaj dži kaj o Isus phirda pašo Galilejsko more, dikhlja duje phralen, e Simone kas akharen Petar thaj e Andrija lese phrale, sar čhuden e mreže ano more, golese kaj sesa ribara. 19 Thaj vaćarda lenđe: “Aven mancar thaj ka ćerav tumen ribara e manušenđe." 20 Von sigate ačhade e mreže thaj đele pale leste. 21 Gothar kana đelo po dur zala, dikhlja avere dujen phralen, e Jakove thaj e Jovane e Zevedejevese čhaven, sar pe dadesa e Zevedejesa ano čamco prećeren pe mreže thaj dija len vika. 22 Von sigate ačhade o čamco thaj pe dade thaj đele palo Isus. 23 O Isus phirda ani sa i Galileja, sikada ane jevrejska sinagoge thaj vaćarda o Lačho Lafi taro Carstvo e neboso thaj sastarda dži jekh nasvalipe thaj bilačhipe so sasa ano narodo. 24 Thaj sa gova so ćerola šundilo ani sa i Sirija thaj angle leste ande e nasvalen tare dži jekh nasvalipe thaj muke, e manušen ane save sesa e bilačhe duxura, kolen so sasa paraliza, kola so naštine te phiren thaj vov sastarda len. 25 Pale leste phirena but džene tari Galileja, taro Dekapolis , taro Jerusalim, tari Judeja thaj tari phuv savi si ki aver rig e Jordanesi.