Sam 122

1 Qetu si rau sipu zamau rina qua baere, “Aria mada la pa vetu hope te Zihova." 2 Kei Zerusalema, kamahire si turu si gami pa sasadana sa mua bara. 3 Zerusalema si keke vasileana nomana sapu ta kuri valeana na varitata sisigiti sari na vetu pa vari korapana. 4 Vasina si la sari na butubutu Izireli, meke sari na tinoni te Zihova, pude la vahesia si Asa, gua sapu ta zamae pa Nana tinarae. 5 Vasina si koa sari na habohabotuana varipitui tadi na baṉara Izireli, pude varipitui ni sari na dia tie. 6 Mi varavara nia sa binule pa Zerusalema, mi zama guahe: “Madi koa valeana sarini pu tataru nigo si goi. 7 Sa binule si mani koa pa korapana sa mua bara, meke na vinasare koari na tie nomadi pa dia vetu!" 8 Pa ginuadi ri kasa turaṉaqu na qua butubutu pu koa vasina, si zama si rau koasa popoa Zerusalema, “Na binule si mani koa koa goi!" 9 Pa ginuana sa vetu hope te Zihova sa nada Tamasa, si varavara nia rau sa kinoa valeana tamugamu pu koa vasina.