Sam 124

1 Vegua, be lopu tokani gita e Zihova? Mada olaṉa guahe, 2 “Be lopu tokani gita e Zihova si gita, totoso rapatani gita rina nada kana, 3 si gina kote ele va mate beto gita tu rini pa dia tinaṉazirida, 4 meke sa tinahuara pu guana totolo sapu taveteni gita rina nada kana, si be ele paleke taloani gita tu, meke nobi tamunu gita, guana kolo, 5 be ele lodu mate tu si gita pa tinasuna guana naqe." 6 Mada vahesia se Zihova sapu kopuni gita, pude lopu ta ṉoṉovala koari na nada kana. 7 Tava sare si gita, guana kurukuru tava vura taloana koasa sipata tadi na tie hata kurukuru, ta rupaha si gita koasa sipata ta huarana. 8 Sa nada tinokae si mae guana koe Zihova sapu tavetena sa maṉauru na pepeso.