1 Korinth 15

1 Male ka laÌibungngei le sarnungei, Thurchi Sa nangni ke lei ril hah atuÌn hin nangni minrietnoÌk ku nuom, male ma nin pomna chunga han nin taksoÌnna aÌnding mindet ngaÌi ani. 2 Ma hah thurchisa, nin koÌma ki misiÌr hah ani. Nin iem papai aninoa, nin pom mindet tatakin chu ma thurchisa han nangni sanminring ani zoi. 3 Moton renga ka man kai chu nangni ki misiÌr pe ngaÌi, ma hi aroiinpui tataka: Khrista hah Pathien Lekhabungeia aÌnziek angin ei nunsiengei sikin a thia; 4 Pathien Lekhabungeia aÌnziek anghan an phuÌma, suÌnthum suole kaithoiin a oma; 5 Peter koÌm aÌnlaÌra masuole tiÌrton soÌmleinik ngei naÌm koÌm aÌnlaÌr noÌk. 6 Hanchu voikhat chu ama juÌi ngaÌi ngei raza rangnga neÌka tam ngei laÌia aÌnlaÌr noÌka, mangei laÌia mi senkhat thi ta khom senla ngeia, atam uol chu an la ringa. 7 Hanchu Jacob koÌm aÌnlaÌr noÌka, masuole chu tiÌrtonngei naÌm koÌm aÌnlaÌr noÌk. 8 AnuÌktaka chu keima azora niloia suok nikhom ronga ko koÌm khom aÌnlaÌr noÌka. 9 Kei chu tiÌrtonngei laÌia achiÌntak, Pathien koiindangngei duÌk ko tho sika tiÌrton inti rang luo inhoi loi ki ni. 10 Aniatachu Pathien moroina sikin imo ki ni chu ki ni zoi, male a moroina ni peÌk ha akorong chang maka. ManeÌk han tiÌrton dangngei murdi neÌkin a sin uol tak ka la ni, nikhomsenla maha keima ki sin nimaka, hannirese Pathien moroina ko koÌma om han keÌng a sin ani. 11 Masikin, keima renga mo, anni renga mo, ma hih kin renga kin misiÌr ania, male nangni khom ma hih nin iem zoi ani. 12 AtuÌn, Khrista hah thina renga aÌnthoinoÌk ti chong nangni ki misiÌr pe hah nin iem suole khom ithomo nin laÌia mi senkhatin mithi inthoinoÌkna reng hih om mak nin ti? 13 Mithi inthoinoÌkna reng hih aom noÌnchu Khrista khom kaithoiin om mak tina ania; 14 male Khrista hih thina renga kaithoiin aom noÌnchu, ite misiÌr rang doÌn mak mea, male nin iem rang khom ite doÌn mak chei. 15 MapeÌna han, Khrista hih thina renga a kaithoi kin ti sikin Pathien chungroia milak kin minlang niÌng a ta, mithi ngei aringin kaithoiin om mak ngei ti hih adikin chu, Khrista khom a kaithoi loi niÌng atih. 16 Mithi ngei kaithoiin an om noÌnchu Khrista khom kaithoiin a la omloi niÌng atih. 17 Male Khrista hah kaithoiin aom noa aniÌnchu nan taksoÌnna hah khom kaÌmnaÌngloi niÌng a ta, male nin sietnangei han nin laÌn mang tit ani rang. 18 MapeÌna iempungei Khrista jaÌra lei thi ngei khom hah an inmang zoi tina ani sa rang. 19 AtuÌnlaÌi damsuÌng rang vaia Khrista chunga sabeina doÌna masuole chu doÌn khaÌiloi einin chu rammuola mingei naÌm neÌka inriengomtak niÌng ei tih. 20 Aniatachu chongtak chu Khrista hah thina renga kaithoiin aom ngeÌt ani, thina taka a in ngei hah kaithoiin la om ngeÌt an tih, ti khaÌmnaÌn. 21 Miriem inkhat sika thina ahong om anghan miriem inkhat sika nanaÌkin inthoinoÌkna ahong om ani. 22 Mi murdi Adam leh an inzomna sika an thi anghan mi murdi Khrista leh an inzomna sikin kaithoiin om an tih. 23 Hannirese an zora angtakin kaithoi niÌng an tih; amotontaka Khrista ania, Khrista ta ngei chu a juong noÌk tika kaithoiin om an tih. 24 Hanchu zora mongna tung a ta; rathatienga roijeÌkpungei, rachamneipungei le sinthotheinangei hah Khrista’n zoilet a ta, male ReÌngram hah Pa Pathien kuta baÌng atih zoi. 25 Pathien’n a raÌlngei a mene rieia a ke nuoia a dar maÌka chu Khrista aÌnlal tit rang ani. 26 RaÌl nuÌktaka zoia om rang chu thina hih ani. 27 Pathien Lekhabu’n atia, “Pathien’n neinunngei murdi a ke nuoia a darleta,” masikin “neinunngei murdi” ti chong hin Pathien neinunngei murdi Khrista ke nuoia darpu chu huom mak tiin aÌnlang ani. 28 Hannirese neinunngei murdi Khrista roijeÌkna nuoia a dar tika chu, NaÌipasal khom Pathien neinunngei murdi a nuoia a darpu nuoia om a ta; male Pathien chu neinuntin chunga roijeÌk atih zoi. 29 AtuÌn, mi senkhatngei an ti anghan, mithi ngei aringin inthoinoÌk mak ngei, an ti hih adikin chu, athipu sika baptis chang ngei chungroi ha imo ani rang? Imo sintho lenna ha an sabei rang? Irang mo mingei han athipu sika baptis an chang ranga? 30 Male eini rang khomin itho mo azoratina chipumin ei taÌn ngaÌi? 31 Ka laÌibungngei le sarnungei, niÌngtin thina ko tong ngaÌi! nangnia inpaÌkna ko doÌn ha, ei Pumapa Jisua Khrista leh ei ringnun inzomna han mi minlang ngaÌi ani. 32 Miriem tho ngaÌi vaia Ephesia “ram saraÌngngei” insuolpui ki niÌnchu, kei rangin imo aÌnlaÌp ranga? Hanchu, mithi ngei ha aringin kaithoiin an omloi rangin chu senkhat ngei ti ngaÌi anghan, “Tho saÌk ei ta, lei buong rei u, nangtuÌka ei thi rang ani zoi sikin." 33 Mo no roi. “Champui saloi ngeiin nunchan asa an siet ngaÌi." 34 Nin rietnangei adika han hongkiÌr noÌk ungla, male nunsietaka nin omna ngaÌi lamngei ha mak roi. Nin laÌia mi senkhat chu Pathien rietna reng nin doÌnloi sikin nin inzakna ranga mahi ki ti ani. 35 Tumakhatin, “Inmo mithi ngei hah aringin kaithoi an om rang? Kho anga takpum mo an doÌn rang?” Tiin a rekel thei. 36 Nangma amo! Pila sachi ni ling hah athi bak noÌnchu moÌng ngaÌi mak ngah. 37 Male na sachi ling khom hah a takpum la om rangin ling mak chea, aramal samsaÌi keÌng nu tuh ngaÌi duo, bu ramal mini aninoÌnchu chimu dang mini khom ani thei keÌng. 38 Pathien’n a nuom lam angtakin chimu tin takpum a min peÌla; ama’n chimu tin an takpum rang chit a peÌk ngei ngaÌi ani. 39 Iring paraÌnngei taksa naÌm hih in-ang suo maka; munisingei taksa adang, saÌngei taksa adang, vaÌngei taksa adanga, male ngangei taksa adang ani. 40 Male invaÌn takpumngei le pilchung takpumngei khom aoma; invaÌn takpumngei meÌlsana adang ania, pilchung takpumngei meÌlsana adang ani. 41 Nisa khom ameÌlsana adanga, tha meÌlsana adang, aÌrsingei meÌlsana khom adang sa; aÌrsingei laÌia khom an meÌlsana ajaÌt dadangngei aom ani. 42 Mithi ngei aringin an inthoinoÌk tika aom rang chang chu hih anghin ani. Takpum hih phuÌmin aom tika chu ma hih monthei ania, kaithoiin aom lechu montheiloi niÌng atih. 43 PhuÌmin aom han chu meÌlsietak le raÌtloi tak niÌng a ta; inthoinoÌkin aom lechu enhoitak le raÌttak niÌng atih. 44 PhuÌmin aom han chu taksatienga takpum niÌng a ta; kaithoiin aom lechu rathatienga takpum niÌng atih. Taksatienga takpum aom sikin rathatienga takpum khom aom rang ani. 45 Pathien lekhabu’n atia, “Miriem masatak, Adam, chu miringin sin ania”; AnuÌktaka Adam hih chu ringna-peÌk Ratha ani. 46 Rathatienga hah ajuong om bak nimaka, taksatienga hah ajuong om baka, masuole keÌng rathatienga hah ajuong om ani. 47 Adam masatak hah pila sin, pil renga hong ania; Adam inikna hah chu invaÌn renga juong ani. 48 Pil ta ngei chu pila sinpu hah an phuoa; invaÌn ta ngei chu invaÌn renga juongpu hah an phuo ani. 49 Pila sinpu miriem phuona eÌnsil anghan, masikin invaÌn renga miriem phuona khom ei lan sil rang ani. 50 LaÌibung le sarnungei, “Taksa le thisen hin Pathien ReÌngram luo thei no nia, thithei hin thitheiloina hah luo thei no ni,” ti hih ki tina ani. 51 Chongtak inthup hi rangaÌi roi: Ei reÌngin chu lei thi riei no ih, aniatachu bekul nuÌktaka ahoÌn ring lehan, chomolteÌn, mitmisim kongkaÌrin ei reÌngin inthuÌlin om ei tih. Bekul aÌnring tikin chu mithi ngei khom thi noÌk khaÌiloi rangin kaithoiin om an ta, male eini khom inthuÌlin om ei tih zoi. 53 Thithei hih thitheiloiin thuÌlin om ngeÌt a ta; athi ngaÌi khom hi athi ngaÌiloiin inthuÌlin om ngeÌt atih. 54 Masikin hi thithei hih thitheiloiin thuÌlin aom lechu, hanchu Pathien lekhabua mizieka om hah hong tung tatak atih zoi: “Thina hih sietminmang ani zoia; motorna hih aÌnthoÌtphar zoi!" 55 “O Thina, no motorna hih khonmo aom zoi? O Thina, ni minna theina ranga sinthotheina hih khonmo aom zoi?" 56 ThinaÌn minna theina ranga sinthotheina chu sietna renga aman ngaÌi, male sietna sinthotheina chu Balam renga aman ani. 57 Hannirese ei Pumapa Jisua Khrista jaÌra motorna mi peÌkpu Pathien koÌm raÌisaÌnchong om rese! 58 Masikin ko moroitak laÌibungngei le sarnungei, adet le ngiÌrtitin inding roi. Pumapa ta ranga nin sintho hah ningsiettakin sin tit ungla, Pumapa chuonsin hih mangmunboi chang tet ngaÌi mak, ti nin riet sikin.