1 Korinth 9

1 ZaleÌn mi ni mu-ung mo? TiÌrton ni mu-ung mo? Ei Pumapa Jisua mu loi mo ki ni? Male nangni khom Pumapa ta ranga ki sinthona mara nimak choi mo? 2 Midangngeiin tiÌrtonin mi pom no khom rese ngeia, nangnin chu mi nin pom ngeÌt! Pumapa leh nin ringna aÌnzom zoi sikin ki tiÌrton indangna chu nangni hah nin ni. 3 MiÌn min makhalin chu hi anghin keÌn rung ngaÌi: 4 Sin ko tho theina ranga saÌkneÌk man rangin racham ko doÌn loi mo? 5 TiÌrton dangngei le Pumapa laÌibungngei le Peter ngei anghan ku khuolchaina Khristien doÌngma tuong rangin racham ko doÌn loi mo? 6 AninoÌnchu, Barnabas le keima vai mo kin ringna ranga sinthoa invaÌi rang? 7 Tu raÌlmingei mo anninanaÌk thaÌma invaÌiin raÌl an doi ngaÌi? Tu chuonsinpungei mo grapebil thoa amara saÌk ngaÌiloi? Tu belrihoÌlpungei mo belri paÌl vaÌia an runutui neÌk ngaÌiloi? 8 Balam khomin ma angdeÌn han ati sikin aniÌngtina enminkhina hih aten doÌn mu-ung ani. 9 Moses balam lekhabua han, “Sechal hah bu ni minchiÌl laÌitak han a muÌr khit pe no roh,” ti ei pore. AtuÌn, Pathien’n sechal mo a mindon? 10 Eini ranga a misiÌr nimak mo? Ani, eini rang piela a miziek, aÌlkaipu le bu aÌtpu han an chang rangtum ngaÌituiin sin an tho rang ani. 11 Nin laÌia ratha sachi kin rethea, nin koÌm renga taksa neinun ngei aÌt unglang kamaÌmom rai no ni mo? 12 Midangngei luo mana hi taksa neinun ngei hih nin koÌm renga chang rangin racham an neiin chu, keini vaÌng chu rachamneina lien uol kin doÌn nimak mo? Hannirese, ha rachamneina hah mang mak me. Khrista Thurchi Sa kin chakal loina rangin jaÌttin kin tuong zajaÌm ngaÌi. 13 Pathien Biekina sintho mingei han Biekin renga an saÌk rang an man ngaÌi ti le maÌichaÌma inboÌlnangei min tungpungei khomin maÌichaÌma neinunpeÌkngei han rangtum an doÌn ngaÌi tiin nin riet minthaÌr ani. 14 Ma angdeÌn han Pumapa’n Thurchisa hah a misiÌrpungeiin hima renga hah an saÌk rangin chong a peÌk ani. 15 Aniatachu, Keiman chu mangei hah inkhat luo ka mang loi ani, atuÌn hin khom ku chunga ma anghan nin thona ranga ki miziek ni tet mak. Tutu khom keÌn songna hih aseÌnaboi chongngei an minchang neÌkin chu thi ving inlang kei rangin asa uol! 16 Thurchisa ki misiÌr sika ririemin insong theina doÌn mu-ung. Thurchisa hih misiÌr ngeÌt ranga daÌnde keÌng ki ni. Thurchisa hih misiÌr noÌn lang chu kei rangin ichi omtak ani rang! 17 Hi sin hih keima nuom thangna sika ki sin nisenla chu thalo khoÌk thei ki tih; hannirese, Pathien’n hi sin hih mi minkol sikin ki sintum piela beÌn, ki sin ani. 18 Hanchu, kho anga thalo mo ka man rang ani zoi? Thurchi Sa rang sika ki sinthona hin ka rachamneinangei mang loia thalo boia ki sin hih thurchisa rangin zora sa ani. 19 Zalen mi ki ni, tute suok chu ni mu-ung; aniatachu thei doÌra mi tamtak ngei ka laÌkluÌt theina rangin mi murdi suok ka chang ani. 20 Judangei ka laÌkluÌt theina rangin Judangei laÌia chu Juda angin ko om ngaÌi; male Moses Balam nuoia om no khom inlang, balam nuoia om ngei koÌm chu ka laÌkluÌt ngei theina rangin balam nuoia om anghan ko om ngaÌi. 21 Ma angdeÌn han, Jentailngei ka laÌkluÌt theina rangin Jentailngei laÌia chu Jentail angin Juda balam peÌntieng ko om ngaÌi. Ma hah Pathien balam joÌm mu-ung ki tina nimaka; Khrista balam nuoia ko om tatak ani. 22 TaksoÌnna tom ngei ka laÌkluÌt theina rangin raÌtloingei laÌia chu raÌtloi angin ko om ngaÌi. Masikin kho angin mo senkhat ngei luo ka sanminring theina rangin mi murdi koÌm jaÌttin ki ni zoi. 23 Satvurna ka chang theina rangin mangei naÌm hah Thurchisa sikin ki sin ani. 24 TaÌn insiet ngei hah anreÌngin an taÌnna, hannirese inkhat vaiin keÌng raÌisaÌnman a man ngaÌi ti nin riet loi mo? RaÌisaÌnman hah nin man theina rangin ma angtak han taÌn roi. 25 Insietna akop ngeiin chu lam tina an indiÌn ngaÌi. Anni chu reÌnglukhum sietthei man rangin an insieta eini chu reÌnglukhum siet theiloi kumtuonga om rang man rang ei ni. 26 Masikin aÌnjiÌkzatin zoina tenkung tieng ka taÌn ngaÌia; masikin kuttum leh insuk ngaÌipu’n min paÌm loia a kuttum leh a suk ngaÌi angin ki ni. 27 Midangngei insietna taka ko koituÌp suole keima chukloia ko om loina rangin, ka takpum duÌk min tongin ke sep ngaÌi ani.