1 JOHN 2

1 Ka naÌingei nunsie nin tho loina rangin hi chong hih ki miziek ani; aniatachu tukhom nunsie a thoÌn chu, Pa koÌm ei ruthuÌla mi ngeÌn pepu Jisua Khrista, mi dik hah ei doÌn. 2 Male Khrista hih ei nunsie ngei ngaÌidama ei omna ani; eini nunsie vai ni maka, mi murdi nunsie khom ani sa. 3 Pathien chongpeÌkngei ei joÌmin chu ama ei riet ti ei riet minthaÌr ani. 4 Einin ama ki riet tiin a chongpeÌkngei joÌm no ila, eini hah milak ei nia, eini han chongtak a om loi ani. 5 Tutu khom a chong joÌmpu ngei chu Pathien lungkhamna hah an mikhip tatak ani. Pathien leh inzomin ei om ti mahin ei riet minthaÌr thei ani: 6 tukhom Pathien leh inzomin ko om ei tiin chu Jisua Khrista om anghan ei om sa rang ani. 7 Ka mal moroitak ngei, hi chongpeÌk nin koÌma ki miziek hi athar ni mak; chongpeÌk muruo aphut renga nin doÌn hah ani. Ma chongpeÌk muruo hah nin lei riet sai thurchi ani. 8 Hannoma, chongpeÌk atuÌna nin koÌma ki miziek hi chu athar ani, asikchu chongtak hah Khrista taka le nangni ngeia hin aÌnlang. AjiÌng hah ahek tira male avaÌr tatak hah a juong vaÌr zoi ani. 9 Tukhomin avaÌra kin om tiin an laÌibung ngei le sarnu ngei an la mumaÌk titin chu, atuÌn tena hin ijiÌnga an la om bang ani. 10 Tukhomin an laÌibungngei le sarnu ngei an lungkhamin chu avaÌra an om tita, annia han sietna inpalna rang reng om mak. 11 Ania tukhom ei laÌibungngei le ei sarnu ngei la mumaÌkpu chu ajiÌnga ei oma; ajiÌnga ei loÌn banga, ajiÌngin ei mit a mincho zoi sikin ei sena khom riet ngaÌi mak me. 12 Ka naÌingei, Khrista jaÌrin nin nunsie ngei ngaÌidamin a om zoi sikin nin koÌm ki miziek ani. 13 Pa ngei, ama hah aphut renga a omtit hah nin riet sikin nin koÌm ki miziek ani. VaÌnglaÌingei, Saloi Inkhat hah nin mene zoi sikin nin koÌm ki miziek ani. 14 Ka naÌingei, Pa hah nin riet sikin nin koÌm ki miziek ani. Pa ngei ama hah aphut renga a omtit hah nin riet sikin nin koÌm ki miziek ani. VaÌnglaÌingei, nin raÌta; Pathien chong nin suÌnga a om tita, male Saloi Inkhat hah nin mene zoi sikin nin koÌm ki miziek ani. 15 Rammuol hi midit no ungla, hanchu rammuola neinun ngei khom ite midit no roi. Rammuol nin miditin chu Pa nin lungkham loi ani. 16 Rammuola neinun a omngei murdi taksa oÌina ngei, miriem mita mu theingei le anaÌng ngei, male miriem damsuÌng insongpuina ngei hi khote Pa renga juong nimak ngei; hima ngei murdi hi rammuol renga korong an ni. 17 Rammuol le a suÌnga neinunngei murdi miriemin an oÌingei hih aÌnmang tir ani; aniatachu Pathien lungdo sinngei chu tuonsoÌtin om tit an tih. 18 Ka naÌingei, zora mongna anaÌi zoi! Khrista RaÌl la hong om atih, tia rila nin om anghan; Khrista raÌlngei tamtak an inlang zoi, masikin zora mongna anaÌi zoi tiin ei riet ani. 19 Hi mingei hih ei paÌla mi reng ni mak ngei, masika han min maÌksan ani; ei paÌla mi nisenla ngei chu, ei koÌm om tit an tih. Aniatachu min maÌksan sikin ei paÌla mi ni tatak mak ngei ti chu aÌnthaÌr thei ani. 20 Hannirese Khrista’n Ratha Inthieng nin chunga a vur zoi sikin nin reÌngin chongtak nin riet ani. 21 Hanchu chongtak riet mak chei ti sika nin koÌm ki miziek ni maka; maneÌkin, chongtak nin riet sik le chongtak renga milak reng suok ngaÌi mak ti khom nin riet sika ani. 22 NoÌnte, tumo milak ani? Tukhom Jisua chu Messiah ni mak tipu hah ani. Ma anga mi ngei hah Khrista RaÌlngei an nia Pa le NaÌipasal anni innikin an heng ani. 23 Tukhom NaÌipasal hengpu chu Pa khom a heng ani; tukhom NaÌipasal pom chu Pa khom a pom sa ani. 24 Nangni chu aphut renga nin chong riet hah nin mulungriÌla vong tit rangin mindon roi. Hanchu ma chong hah nin vong titin chu NaÌipasal le Pa leh inzomin om tit nin tih. 25 Male mahi ani Khrista leleÌn kumtuong ringna mi peÌk ranga aÌnkhaÌm hah. 26 Ma nangni huong ranga boÌk ngei thurchi hah nin koÌm ki miziek ani. 27 Aniatachu nangni chu, Khrista’n ama Ratha nin chunga a vur zoia, ama Ratha hah nin suÌnga a om tena chu, tute minchu rang naÌng mak chei. Ama Ratha han neinun murdi nangni a minchua, male nangni minchu ngei khom adika, adikloi nimak. Ratha minchuna hah joÌm ungla, male Khrista leh inzomin omtit roi. 28 Ani, ka naÌingei, ama leh inzomin omtit roi, hanchu ama a juong inlaÌr Nikhuo han inzaka inthup loiin haÌitakin om thei nin tih. 29 Khrista chu midik ani; ti nin riet sikin tukhom adik sinpu chu Pathien naÌi ani ti nin riet rang ani.