1 Peter 3

1 Ma angdeÌn han nangni loÌmnu ngei, nin loÌmpa ngei koÌma nin inpeÌkluÌt ngeÌt rang ani, hanke an laÌia mi Pathien chong iemloi an om le khoma nin nunchan han mene ngei a ta, iem an tih. Chongin nin ti rang naÌng no nih, 2 nin nunchan inthieng le mirit hah an mu rang sikin. 3 Nin invona hah peÌntienga nin meÌlsana rangin nin invona sam mini, aninoÌnchu raÌngkachak invona ngei mini, aninoÌnchu silbomngei mini nin mang rang nimak. 4 ManeÌkin, nin mulungriÌla meÌlsana hah, nin mulungriÌla ratha daÌiriem le nunneÌmna invona dik tar ngaÌiloi nirese, mahah Pathien mitmua chu alut tak ani. 5 Zora lei vunsaia nupangngei, Pathien koÌma inpeÌka ama chunga an sabeina baÌng ngaÌi ngei han an loÌmpa ngei koÌma enhoitakin an inpeÌkluÌt ngaÌi ani. 6 Sarah hah ma anghan ania, Abraham chong a joÌma, ka puma, tiin a koi ngaÌi ani. AtuÌn khom asa nin sina, ite china reng nin doÌnin chu Sarah naÌinupangngei nin ni. 7 Ma angdeÌn han nangni loÌmpangei khom, nin loÌmnungei hah nangni ranga raÌtloi uol anni iti riettheiin nin leÌngpui ngei rang ani. Jana doÌn pumin ompui ngei ungla, asikchu anni khom nangni leh munkhatin Pathien manboipeÌk ringna hah an man sa rang ani. Nin chubai tho aÌnkalpui loina rangin mahah tho roi. 8 ChongkhaÌrna rangin: mulung munkhatin om ngeÌt ungla, laÌibungngei le sarnungei anghan inkhat le inkhat inlungkham ungla, inkhat le inkhat inuoina doÌnin inlungkham inloÌmin om roi. 9 Saloi hah saloiin thuon no ungla, khomaÌksaÌm hah khomaÌksaÌmin thuon no roi; maneÌkin satvurnaÌn thuon roi, asikchu Pathien’n nangni a koi laÌia han sat nangni vur rangin keÌng aÌnkhaÌm. 10 Pathien lekhabu’n; “Tukhom ahoitaka ringna mang anuom le zora sa ngei mu a nuomin chu chongsie ril maÌkin milak tho mong rese. 11 Sietna renga inheiin asa an sin ngeÌt rang ani; InngeÌina rangin an mulungriÌl murdi’n an putriÌt ngeÌt rang ani. 12 Asikchu Pumapa’n midik ngei chu a ensuia male an chubaithona khom a rangaÌi pe ngei ngaÌi. Aniatachu, saloi sin ngei chu adoi ngaÌi,” ai ti anghan. 13 Asa sin rang nin joÌta anin chu tumo duÌk nangni tho ranga? 14 Hannirese asa nin sin sikin chu tuong ta ngaÌn khom ungla, satvur nin ni. Tute chi no ungla, nin kaÌngmindoi no roi. 15 Aniatachu, Khrista hah nin mulungriÌla maÌn inthiengin Pumapa mirit tho roi. Male tukhomin nin sabeina chungroia chong nangni an rekelin zoratin thuon rangin inthok titin om roi, 16 nikhomrese, inneÌmtak le miritin thuon roi. Asielesarietna inthaÌr nei ungla, hanchu nangni an eÌrona tienga han, Khrista nuÌkjuÌi ngei nin nina nin nunchan asa rilsiet ngei hah an chong ti han inzak an tih. 17 Saloi sin sika tuong neÌkin chu Pathien nuomlam aniÌn chu asa sin sika tuong chu asa uol. 18 Asikchu Pathien koÌm nangni a tuong theina rangin Khrista midik han nunsiengei murdi ruthuÌlin minunsie ngei sikin voikhatin ai thi ani. Taksatieng thatin a oma, hannirese rathatieng chu minringin a oma, 19 ma ratha hong om sika han intaÌng ina ratha omngei koÌm khom chong a juong misiÌr ani. 20 Ma ratha ngei hah Noah nikhuoa rukuong a sin laÌia Pathien’n tuongdiertaka a ngaÌk suÌnga chongjoÌm nuomloi hah an ni. Ma rukuonga han mi toÌmte, anreÌngin mi iriet vai tui renga minringin an om ani. 21 Maha chu baptisma akhiÌn minenna ania, atuÌna hin Jisua Khrista inthoinoÌkna sikin nangni a minring ani. Ma hah takpuma aÌnnim minsaÌina ni maka, asaleasierietna diktak Pathien koÌma chongkhaÌm hah ani. 22 Jisua Khrista hah invaÌna a sea, Pathien changtienga insungin vaÌntiÌrtonngei, rachamneinangei le sinthotheinangei, ama racham takin a jeÌk zoi ani.