2 Korinth 5

1 Hi ei omna pilchung puon-in ei takpum hi rammuol chunga hih sietchit khomsenla, invaÌna omna rang in Pathien’n ama nanaÌkin mi sin pe, tuonsoÌta aom tit rang in det ei doÌn tiin ei riet. 2 Male atuÌn hin invaÌna ei omna rang in renga han mi mukhuÌ rang oÌi tatakin ei inrum tatak ngaÌi ani; 3 Maha ei insilin chu takpum boiin om no uh. 4 Hi pilchung puon-ina ei om laÌihin sirdeÌna sikin chapin ei inrum tatak ngaÌi ania; hi ei pilchung takpum hih maÌk ei nuom sika niloiin, aniatachu invaÌna in mi mukhuÌ rang ei nuom sika ani, masikin hi thithei hi ringnaÌn aÌnthuÌl rang ani. 5 Hi inthuÌlna rang mi mintuo pepu chu Pathien ania, male eita ranga neinun a lei mintuÌp murdi hah khaÌmna anghan Ratha mi peÌk zoi ani. 6 Masikin zoratin haÌinaÌn kin sip tit ngaÌi ani. Takpum ina ei om kaÌr chu Pumapa ina om mak me ti ei riet. 7 Ei ringnun hih mu theia om niloiin, taksoÌnnaÌn keÌng ei om ani. 8 HaÌinaÌn ei sipa, ei takpum in hih maÌkin Pumapa ina om rang ei nuom uol ok ani. 9 Neinun dadang neÌkin, hi taka ei omna ina mo, khi khin mo, ama a raÌiminsaÌn rang ei nuom ani. 10 Khrista han ei roijeÌk rangin amakunga ei reÌngin ei laÌn lang pak rang ani. Ei rammuol ringnuna ei sintho ngei murdi asa mo, asie mo, ei man rang rohoingei dungjuÌiin ei man rang ani. 11 Pumapa china chang kin rieta, male midangngei khom kin metheÌm ngaÌi ania, Pathien’n mi riet minthaÌr let, male nangnin khom nin mulungriÌlngeia mi nin riet minthaÌr tiin ka sabei. 12 Nin koÌm keini nanaÌkin rilminsana ranga kin puÌt nimaka; maneÌk han, nunchan tieng niloia achungtieng ririema aÌnsong ngaÌi ngei hah nin thuon theina rangin keini mi nin songna rang abi nangni peÌk rang kin puÌt ani. 13 Kin mo tatak mini? Maha Pathien jaÌra ani. AninoÌnchu kin vaÌr mini? Hanchu maha nangni jaÌra ani. 14 Khrista lungkhamna han mi jeÌk ani, mi murdi ta rangin mi inkhat a thia, maha aomtie chu an reÌngin a thina han an inlopui sa ani tiin atuÌn chu kin riet minthaÌr zoi. 15 Ama chu mi murdi rangin a thia, masikin a ring ngei han anni ta ranga ring ni khaÌi loiin, an ta ranga thia aÌn thoinoÌkpu ta rang vaia ring keÌng an ni zoi ani. 16 Hanchu, atuÌn peÌna chu munisi vaÌrnaÌn tute jeÌk khaÌi noni ung. Munisi vaÌrnaÌn moton han Khrista hah lei jeÌk ta khom unglang, atuÌn peÌna chu jeÌk khaÌi noning ung. 17 Tukhom Khrista hah a zomin chu mi thar ani zoia; amuruo chu ahek zoia; athar keÌng a hongni zoi. 18 Ma ngei murdi hah ei raÌlinchangna renga Khrista jaÌra a malngei mi minchanga, midangngei khom a malngei minchang theina sin mi peÌkpu Pathien han a sin ani. 19 Kin thurchi misiÌr chu mahi ani, Pathien’n khrista jaÌrin munisingei murdi a ruolngeiin a minchang zoi. Pathien’n an sietnangei hah mindon pe ngei khaÌi loiin, male kho angin mo a ruolngeiin a sin ngei chang thurchi hah, keini mi peÌk ani zoi. 20 Hanchu, mahin keini hih, Pathien’n nangni a ngeÌna hah kin chunga a baÌng anghan, Khrista ranga chong kin ni. Khrista ruthuÌlin nangni kin ngeÌn: Pathien raÌlngei nin nina renga a ruolngeiin nangni thuÌl rese! 21 Khrista han sietna doÌn mak, aniatachu ama leh inzoma Pathien dikna hah ei chang sa theina rangin Pathien’n ei sietna hah a minchang sa ani.