2 Thessalonika 1

1 Paul, Silas, le Timothy ngei renga, Pathien ei Pa le Pumapa Jisua Khrista ta, Thessalonika koiindanga mingei koÌm: 2 Pathien ei Pa le Pumapa Jisua Khrista’n moroina le inngeÌina nangni peÌk rese. 3 Kin laÌibungngei le sarnungei, nangni rangin zoratin Pathien koÌm raÌisaÌnchong kin ril ngeÌt rang ani. Hi anga tho hih keini rangin adik ani, nin taksoÌnna hah asaÌn aÌnsoÌna, midangngei nin lungkhamna khom ahong lien uol sikin. 4 Masika han keini nanaÌkin Pathien koiindangngei laÌia nin chungroia nangni kin song ngaÌi ani. nuomlonangei le duÌktongnangei nin tuonglaÌi khomin iemnaÌn nin dier tit ngaÌi sikin nangni kin song ngaÌi ani. 5 Ma nin tuongnangei naÌm hah Pathien roijeÌkna diktie riet minthaÌr theina le ama ReÌngram mi nin hongni theina ranga ani. 6 Pathien chu adik hih tho a ta: duÌk nangni mintong ngei chunga duÌktongna juong choÌi atih, 7 male ama’n nangni le keini duÌktong ngei hih hoina mi peÌk atih. Maha Pumapa Jisua’n raÌtinchung a vaÌntiÌrtonngei leh invaÌna a juong inlang tika thoÌng a ta, 8 Pathien pomloipu ngei le ei Pumapa Jisua Khrista Thurchi Sa joÌmloi ngei hah meidon leh duÌk tho ngei atih. 9 Mangei han Pumapa makung renga le a raÌtna roiinpuitak renga sensaÌiin kumtuong inmangna duÌktongna tuong an tih, 10 a mi inthieng ngei koÌm renga roiinpuina chang rang le ama iempu ngei murdi renga miritna chang ranga a juong Nikhuo lehan. Nangni khom thurchi nangni kin misiÌr pe hah nin iem sikin nangni khom anni ngei laÌia inchel saÌng nin tih. 11 Masika han nin ta rangin zoratin chubai kin tho bang ngaÌi. Nangni a koi lam anghan pomtheiruo ringnun nin doÌn theina rang le i-ih asana rang le taksoÌnna nin sin zoina ranga nin oÌina murdia a sinthotheinaÌn tuon nangni mintung pe theina rangin Pathien koÌm kin ngeÌn ngaÌi ani. 12 Ma angdeÌnin ei Pathien le ei Pumapa Jisua Khrista moroina jaÌrin nangni renga ei Pumapa Jisua riming hah roiinpuina chang a ta, male nangni khomin a koÌm renga chang thei nin tih.