2 Thessalonika 3

1 Azoinataka chu, kin laÌibungngei le sarnungei, kin ta rangin chubai mi tho pe roi, Pumapa thurchi hih nin laÌia aom anghan aÌnrangtakin aÌnzar tita, miritna leh poma aom theina rangin. 2 Mitinin thurchi hah an iem khaÌi loi sikin mipuoloi ngei le misaloi ngei renga Pathien’n mi keÌlsuo rang khomin chubai mi tho pe roi. 3 AninaÌka Pumapa chu taksoÌnom ania, male nangni min raÌtin Puoloipa Inkhat renga nangni mojoÌk atih. 4 Male Pumapa’n nin chunga ngamriemna mi peÌk ngaÌi, male nangni kin ril ngei hah tho nin ta, male tho mozom bang ngeÌt nin tih, tiin takinsoÌncheÌt ani. 5 Pumapa han Pathien lungkhamna rietheina lien uol le tuongdierna Khrista’n a peÌk ngaÌi tieng nangni ruoi rese. 6 Kin laÌibungngei le sarnungei, kin rilnangei juÌi nuom loia rathaboi taka om iempungei renga inkeÌm rangin Pumapa Jisua Khrista rimingin chongpeÌk nangni kin peÌk ngei ani. 7 Kin sin lam angtakin nin sin rang ani ti nangni rengin nin riet minthaÌr ani. Nin koÌm kin om laÌihan kin rathaboi ngaÌi mak. 8 Tu sanna te aman peÌk loiin laÌk pe ngaÌi mak me. ManeÌkin, nan laÌia tute ta ranga thaÌmna kin niloina rangin suÌn le jaÌn sinthoÌn kin soÌl ani. 9 Mi san rangin nangni siÌngtheina racham kin doÌnloi sika, maha kin tho nimaka, nin juÌi rang piela minenna ranga maha kin tho ani. 10 Nin koÌm kin om laÌihan, “Tukhomin sin a tho nuom noÌnchu saÌk khom saÌk no rese,” ti chong hih kin ti ngaÌi ani. 11 Nin laÌia mi senkhat chu rathaboi takin, midangngei sintho chunga chier peÌna chu ite tho riek loiin an ringnunngei mang an om ti kin riet sikin maha kin ti ani. 12 Ha mingei hah ringnunngei satak doÌna, sinthoa, an ringna rang chit lo rangin Pumapa Jisua Khrista rimingin chong kin peÌk ngei ani. 13 Aniatachu, kin laÌibungngei le sarnungei, nangni chu sin asa tho nin soÌl rang nimak. 14 Tukhomin hi lekhamuthuona kin chongbeÌ nangni kin minpeÌl hih a joÌm noÌnchu aÌnzak theina rangin mindang ungla, inloppui no roi. 15 Aniatachu nan raÌl angin chu tho no ungla; maneÌkin, iempu-champui angin inningna peÌk ngei roi. 16 Pumapa ei inngeÌina bulpui leleÌn, zoratin lam tina inngeÌina nangni peÌk rese. Pumapa hah nin reÌnga nin koÌm om rese. 17 Mahi ku kut leleÌn ki miziek ani: Paul renga chibaingei. Ma hih ke lekhamuthuon naÌma suoikai ko tho ngaÌia; ma anghin ki miziek ngaÌi ani. 18 Ei Pumapa Jisua Khrista moroina hah nin reÌnga nin koÌm om rese.