Sinthongei 14

1 Ma angdeÌn han Iconiuma khom Judangei Synagog taka an luÌta, thurchi an misiÌra, Juda le Jentail tamtakin an iem zoia. 2 Hannirese a iem nuomloi Judangei han Jentailngei an misieta an min mumaÌk zoi. 3 TiÌrtonngei han haÌitaka Pumapa thurchi misiÌrin ha khuoa han soÌttak an oma; mahan a lungkhamna chongril tiÌrtonngeiin an misiÌr hah adik ti minlangnaÌn an kuta sininkheÌlngei le sin kamaÌmruoingei an sina. 4 Khopuilien suÌnga mipuingei paÌl inikin an insen zoia. Senkhat Judangei tieng, senkhat tiÌrtonngei tieng. 5 Hanchu Jentailngei le Judangei an ruoipungei le tiÌrtonngei hah lung leh deÌnga duÌkmintong rang an boÌka. 6 TiÌrtonngeiin ma chong hah an lei riet lechu Lycaonia rama Lystra le Derbe khopuilienngei le a kol reveÌla ram ngeia an rota. 7 Mahan anniÌn Thurchi Sa an misiÌr tir zoi. 8 Lystra khuoa mi inkhat a suok renga kholra loÌn theiloi a oma. 9 Mahan ama aÌnsunga Paul thurchi misiÌr a rangaÌia. Damna ranga iemna a nei ti Paul’n a muÌn chu ama hah Paul’n a en ngita, 10 male roÌl inringtakin, “Ne ke le injiÌkzatin inding roh!” a tia. Ama hah aÌn choÌma, a loÌn titir kelen zoi. 11 Mipuingeiin Paul sintho hah an mu lechu anni Lycaonia chongin an inieka, “Pathienngei miriem changin ei koÌm an juong chum ani hih!” an tia. 12 Barnabas riming hah Zeus an tia, male Paul hah thurchi misiÌr uol ngaÌi ani sikin Hermes an tia. 13 Hanchu, Zeus pathien ochai, an biekin, khopui peÌntienga om han seraÌtchalngei le paÌrthilruÌingei mokota a hongchoÌia, mipuingei lehan tiÌrtonngei biekna ranga that rangin an mintuoa. 14 Ma anga tho ranga an mintuo hah Barnabas le Paul’n an riet lechu an puon an potkheÌra, mipui laÌi tieng taÌnin an inieka. 15 “Mahih irang mo nin tho? keini khom nangni anga miriem papai keÌng kin ni. Mahin keini hih Thurchi Sa misiÌr ranga om ke kin ni, hi kaÌmnaÌngloi neinunngei hih maÌka Pathien aring, invaÌn, pilchung, tuikhanglien le an suÌnga om murdi Sinpu tienga nin hong kop theina rangin. 16 Tiena han chu, Pathien’n mitin an lampui chit juÌi rangin a phal ngaÌia. 17 Hannirese ama aom ti rietnaÌn neinun sa nangni thopeÌn a minlang ngaÌi. InvaÌn renga ruo le chimungei azora taka nangni a peÌk ngaÌia, saÌk rang le nin mulungriÌla raÌisaÌna sip nangni a peÌk ngaÌi” an tia. 18 Ha chonga han tiÌrtonngeiin mipuingei chu an koÌm inboÌlna peÌk loi rangin an khap thei jaÌma. 19 Pisidia rama Antioch le Iconium renga Juda senkhatngei an honga; mipuingei hah an tieng an metheÌm mene zoia; Paul hah lung leh an deÌnga, a thi zoi tiin an mindona khopui renga an kai suoa. 20 Hannirese, iempungei hah a koÌla an hong indingin chu aÌnthoia, khopuia han a luÌt noÌk zoia. AnangtuÌkah chu Barnabas le Derbea an se zoi. 21 Paul le Barnabas’n Derbea han Thurchi Sa an misiÌra, ruoisi tamtak an man nuÌkin Lystra, Iconium le Pisidia rama Antioch ngeia an kiÌr noÌka. 22 “Intakna tamtak tuong ngeÌtin Pathien ReÌngrama ei luÌt rang ani,” tia minchuÌn iempungei hah an mindeta, taksoÌn dika omtit rangin an mohoÌka. 23 Koiindang tina upangei an phun pe ngei tira, bungeÌiin an chubai suole an iemna Pumapa, an taksoÌnpu kuta an baÌng tir zoia. 24 Pisidia ram an sir zoiin chu Pamphylia ram an hong tunga. 25 Perga taka thurchi an misiÌr zoiin chu Attalia an sea, 26 ma renga hah chu rukuongin Antioch an se noÌk zoia. Ha mun hah hi zora an chuonsin an zoi hih, an phut rang laÌia Pathien moroina kuta baÌnga an omna mun hah ani. 27 Antioch an tungin chu koiindangngei an koibuÌma, anni ngei manga Pathien’n sin a tho ngei murdi le Jentailngei ta ranga iemna lampui a mo-ong pe ngei tie hah an rila. 28 Mahan iempungei leh zora soÌtzan an oma.