Sinthongei 18

1 Masuole han, Paul hah Athens renga Korinth a se zoia. 2 Mahan Juda inkhat a riming Aquila a mua, ha mi hah Pontus rama suok ania, Claudius Juda murdi Rom renga joÌkpai rangin chong a peÌk sikin a loÌmnu Priscilla le Italy ram renga hong inthon bil an ni. Paul an koÌm a sea. 3 Ha ngei khom hah Paul anga puon in sin ngaÌi anni sikin an koÌm a oma, munkhatin sin an tho zoi. 4 Sabbathni racham Synagog taka chong a mintukpui ngaÌia. Judangei le Greekngei hah min riet minthaÌr rang a boÌk ngaÌia. 5 Silas le Timothy Macedonia ram renga an juong tungin chu Paul hah thurchi misiÌr injiÌen a zora a mang zoia, Jisua chu Messiah ani tiin Judangei koÌm a ril minthaÌr ngaÌia. 6 Hannirese an doia an ril minsieta masuole, chu Paul’n a puona rababngei hah thikin chongnatakin a thuona, an koÌm, “Nin thina chungroi chu nangnin peÌl roi, keima chu ko joÌk ani, atuÌn renga chu Jentailngei koÌm se ki tih,” a tia. 7 Masikin a joÌka Jentail inkhat a riming Titius Justus ina a luÌta, ha mi hah Pathien biek ngaÌi mi ania, a in khom Synagog le aÌntoÌn chak. 8 Crispus Synagog ruoipu han a inmingei murdi le Pumapa an iema, Korinth khopuia mi tamtak khomin an rieta, an iema baptisma an chang zoi. 9 JaÌn khat chu Paul’n inlaÌrna a mua, mahan Pumapa’n a koÌm, “Chi no roh, daÌirek loiin thurchi misiÌr tit roh, 10 asikchu nang ko ompui tit nang minna rangin tuteÌn nu chunga an kut musum noni ngei, hi khopuia hin mi tamtak ko doÌn keÌng,” a tia. 11 Masik han, Paul hah ma khopuiliena han Pathien chong minchuÌn kum khat in-ang a oma. 12 Gallio ha Achaia rama raÌioÌt a chang laÌiin Judangei an inruola, Paul an suÌra, roijeÌknamuna an tuonga. 13 “Hi mi hin balam niloia Pathien biek rangin mi metheÌm rang a boÌk ngaÌi,” an tia. 14 Paul hong chong rang a ti lehan, Gallio han Judangei koÌm, “Judangei, mahi neinun dikloi mini, aninoÌnchu tho minchaÌina mini luo nirese chu, inkheÌl loiin nangni mindon pe ki tih. 15 Hannirese, chongngei, rimingngei le nin balam chungroia inkhalna papai keÌng ania, nangnin jeÌk roi. Kei chu ha anga neinunngei kai chu jeÌk no ning,” a tia. 16 RoijeÌkna mun renga a rujuÌlpai ngei zoia. 17 AnreÌngin an Synagog ruoipu Sosthenes an suÌra, roijeÌknamun maÌia an jeÌma. Aniatachu Gallio han ma anga an tho ha iteÌn rangaÌi pe ngei tet mak. 18 Masuole han Paul hah iempungei leh suÌn tamtak a la oma, hanchu iempungei hah a mathaÌn ngeia Syria ram tieng rukuongin a se zoia, a koÌm Priscilla le Aquila khom an se sa. Paul’n chonginkhaÌm a lei doÌn sikin Cenchreae a se maÌn a sam a ep baka. 19 Ephesus’a an tunga, mahan Priscilla le Aquila chu a maÌka, ama chu Synagog taka a luÌta Judangei hah chong a la mintukpui ngeia. 20 Anni han asoÌtzan om rangin an ngeÌna, hannirese pom pe ngei maka. 21 ManeÌkin, an koÌm se khom inlang “Pathien lungdo aniÌn chu nin koÌm la hong noÌk ki tih,” tiin chong hoiin a maÌk ngeia, Ephesus’a renga rukuongin a se zoia. 22 Caesarea a tungin chu Jerusalema a sea, koiindang chibai a muÌka, masuole chu Antioch taka a se zoia. 23 Mahan suÌn tamtak a om suo nuÌkin a se noÌka, iempungei mindet tiÌrin Galatia ram le Phragia ram a sir suo zoi. 24 Ha laÌia han Juda inkhat a riming Apollos, Alexandria taka suok Ephesus’a a juonga. Ama hah thurchi misiÌr theitak ania, Pathien Lekhabungei khom a riet oka. 25 Ama hah Pumapa lampui chong aÌnchu zoisai ania, mulungriÌla satna tak inheiin Jisua thurchi a misiÌr ngaÌia, Nikhomrese, John baptisma vai keÌng ala riet. 26 Synagog taka haÌitakin thurchi misiÌr a phuta, hanchu Priscilla le Aquila hah a thurchi misiÌr an rietin chu an ina an tuonga, a koÌm, Pathien lampui roi adik uolin an rilminthaÌr pea. 27 Hanchu ama hah Achaia rama se rang a boÌk sikin Ephesus’a iempungeiin an mohoÌka ama an lei modoÌmna rangin Achaia rama iempungei koÌm lekha an miziek pea. A tungin chu Pathien moroina sika iempu hong chang ngei ta rangin a sanpu satak a changa. 28 Loko rieta Judangei hah a makhal mindoka, Pathien lekhabu mangin Jisua chu Messiah ani ti a minlang ngaÌi.