Ephesi Mingei 6

1 NaÌipangngei, Pumapa taka han nin nulepangei chongdon roi, maha nin Khristien sintum tak, le neinun dik tak ani. 2 “Nin nuÌ le pa ngei mirit tho roi,” ti hih chongpeÌk masataka lei khaÌm ani: 3 “Masikin ninta rangin saÌng a ta, pilchunga nin dam soÌt atih." 4 Nulepangei, nin naÌingei ningthik rang lamin tho pe no ungla. ManeÌkin, Khristien rilna le minchuna han kairuoi ngei roi. 5 Suokngei, Khrista sintho anghan ichi le inniÌk pumin mulungriÌl diktakin taksa tienga nin pungei chongdon roi. 6 Nangni an modoÌmna rangin, an mitmu kaÌrin vai sin no ungla, Khrista suokngei anghan Pathien’n a nuomna hah nin mulungriÌl murdi’n joÌm roi. 7 Miriem sin vai niloia, Pumapa sintho asa anghan nin sin hah suok angin taÌihieiin sin roi. 8 Mitinin suok khom suok niloi khom sin asa an tho lam angtakin Pumapa’n raÌisaÌnman peÌk atih, ti hih riettit roi. 9 Suok pumangei, nin suokngei tieng khom ha ang nanaÌk han tho ungla, misi ngei khaÌi no roi. Nangni le nin suokngei puma hah, invaÌna aoma, mi murdi chunga aÌn-angsaÌra roijeÌkpu ta nin ni, ti riettit roi. 10 AnuÌktaka chu, Pumapa taka sinthotheina lien lehan nin ranak minding roi. 11 Diabol huongvaÌr saloingei nin doi zoi theina rangin, Pathien’n nangni a peÌk raÌlrovo murdia han invo roi. 12 Ei inbuonpui ngei hih taksa le thisen nimak ngeia, invaÌnrama ranak, ratha saloingei, roijeÌkpungei, rachamneipungei, hi ijiÌng chunga rammuola ratha saloi ranakngei hi an ni. 13 Masikin atuÌn Pathien raÌlrovo invo ta roi. Hanchu, nikhuo saloi ahong tungin, raÌlngei ranak song hah nin khap zoia, among deÌna nin insuolpui ngei suonuÌk khomin laÌnding thei tit nin tih. 14 Masikin, indingdet ungla, chongtak hah kongkhit angin nin konga khit ungla, dikna hah roÌpphoa mangin, 15 inngeÌina Thurchi Sa misiÌr ranga inthokna hah kekok angin mang roi. 16 Zoratin taksoÌnna hah pho angin mang ungla, mahan Saloi Inkhatpa renga thal kaÌp meichuong murdi ngei hah that thei nin tih. 17 Sanminringna hah thiÌr tapor angin laÌk ungla, Ratha’n nangni a peÌk Pathien chong hah khandai angin laÌk roi. 18 Ha ngei murdi hah chubaithoa Pathien koÌm ngeÌn pumin tho roi. KhotiklaÌi khomin, Ratha’n nangni aruoi lam takin chubaitho ngaÌi roi. Masika han maÌk tet loiin inning tit ungla, zoratin Pathien mingei ta rangin chubaitho sa ngaÌi roi. 19 HaÌitakin thurchi ki misiÌra, thurchisa taka inthup hah ki min riet theina ranga phuong ranga keÌn ding tika, Pathien chong mi peÌkna rangin keima rang khomin chubai ni tho pe sa ngaÌi roi. 20 AtuÌn intaÌngina om khom inlang, ha thurchisa palaÌi hah ki ni. Masikin thurchisa misiÌrna lama ka haÌi rang lam angtaka ka haÌi theina rangin chubai mi tho pe sa ngaÌi roi. 21 Ku chungroi nin riet theina rangin Tychicus, laÌibung moroitak le Pumapa sinthona taka tiÌrlaÌm taksoÌnomtakpu han, ku thurchi anreÌngin nangni lei ril a tih. 22 Masik taka hin ama hah ko hongtiÌr ani, kin reÌnga kin chungroi nangni ril rang le nangni mohoÌk rangin. 23 Khristien suÌngsuokngei naÌm chunga, Pa Pathien le Pumapa Jisua Khrista’n taksoÌnna lehan, inngeÌina le lungkhamna, nangni peÌk rese. 24 Lungkhamna thiloi leh ei Pumapa Jisua Khrista lungkham titpu ngei murdi koÌm han Pathien moroina hah om rese.