Hebrews 12

1 Eini rangin chu, rietpuipungei mipui tamtak huolin ei om sika hin, mikhap ngaÌi neinun murdi lampui renga le sietna einia koprap hi ei thenin pai ei ta, ei motona taÌn insietna a oma hin ranak songin taÌn ei ti u. 2 Jisua ei taksoÌnna minngamna phutna le mongna tieng ei mitin enngit ei ti u. Khros sika han mong uol maka! Ama han a motona raÌisaÌnnaÌn a lei ngaÌk sika han khros chunga intemtaka a thi rang hah iteÌn mindon maka, male atuÌn chu Pathien reÌngsukmun changtieng a hon sung zoi. 3 Masikin, nin thenin nin inzala nin maÌk loina rangin nunsie ngei eseÌlna-natak tuongpu lei palna hah mindon roi! 4 Sietna nin doina hin thi ngam rak rang doÌrin la song mak chei. 5 Pathien’n a naÌingei anga nangni a mohoÌkna chong ngei hah nin mingil mo zoi? “Ka naÌipasal, Pumapa nang a mindik laÌihan lunghaÌng thoÌn la, male nang a ngo laÌi khomin inzal no roh. 6 Asikchu Pumapa’n a lungkham ngei kai chu a mindik ngaÌia, male naÌi anga a pomngei kai chu a sepngei ngaÌi." 7 PaÌn sepna anga nangni a mintuong hi dier roi; nin tuongna hin Pathien’n naÌingei anga nangni a bena hih aÌnlang ani. Pa’n a naÌingei a sep ngaÌiloi tu mo a oma? 8 A naÌingei murdi’n sepna an tong ngaÌi anga nin tong noÌn chu, naÌi tatak ngei ni mak cheia, jaÌinaÌi keÌng nin ni, tina ani. 9 Ei munisi nina tienga ei pa ngei khom min sep ngaÌia male ei jaÌ ngei ngaÌi ani. KhodoÌr tak mo, nonte, ei Ratha tienga Pa koÌm vangte inpeÌkluÌtin ei om rang anaÌng ni zoi! 10 Ei munisi tienga pa ngeiin chu chomolte, asa an ti lam takin min sep ngaÌia; aniatachu Pathien’n chu ei satna rang le aÌnthiengna ei chang theina rangin keÌng mi sep ngaÌi. 11 Sepna ei tuong laÌiin chu raÌisaÌna ni loiin, khoi mini innguÌinaÌn ma zora han chu ei ta rangin aÌnlang ngaÌi. Nikhomsenla, nuÌka chu, ma anga sepna tuonga nunchansoÌia omngeiin chu rathanngamom ringnun diktak ha raÌisaÌnman an aÌt ngaÌi. 12 Nin kut khamngei hah laÌng ungla, nin minkhuÌk aÌnniÌk ngei hah minngiÌr roi. 13 Kholrangei hah loÌntheiloia an omloina rangin, mindama an om theina rangin lam tuÌna loÌn roi. 14 Mi tiin leh inngeÌia leÌng rang puÌt ungla, inthiengna doÌn rangin puÌt sa roi, asikchu maha boiin tuteÌn Pumapa mu thei noni ngei. 15 Tute Pathien moroina renga kiÌr noÌka, thingkung kha hoÌnchera, a tuÌr sika baiinkhamna tamtak suok anga mi omloi rangin inrung roi. 16 Tute indit song mi mo noÌnchu Esau anga ratha mi niloia, om anghan hong om no roi. Ama hah naÌipasal ulien nina hah voikhat buneÌkna rangin a juor ani. 17 NuÌka han, a Pa satvurna la chang rang nuomin mitrithi taÌkpumin zong khomresea, a sin lei tho hah thuÌl rangin ite lampui dang reng a man khaÌiloi sikin hengin aom zoi, ti nin riet. 18 Nangni chu nin rietphaÌk thei Israel mipui ngei hong anghan Sinai TaÌnga hong nimak cheia, mahan meichuongngei, ijiÌngngei le suÌmdukngei, phaÌivuopuingei, 19 bekul miring inringtak ngei, le roÌl miring ngei a oma. Mipui ngeiin ma roÌl hah an riet laÌihan, chongbaÌi dang riet noÌk khaÌiloi rangin an ngeÌna. 20 “SaÌ tena luo khom taÌng hah a toÌnin chu lunga deÌng that ngeÌt rang ani,” ti chongpeÌk hah an tuong theiloi sika ani. 21 An mu hah chi a om sabaka, Moses luon, “Ki chia keÌn niÌknat!” a ti ani. 22 ManeÌkin, nangni chu Zion TaÌng, Pathien Ring khopuilien, invaÌn Jerusalem leh vaÌntiÌrtonngei isaÌng tamtak ngei omna hong nin ni. 23 Nangni chu Pathien naÌilutiÌr ngei invaÌna an riming chuongsai ngei raÌisaÌna an intuÌpna hong nin ni. Mi murdi ngei roijeÌkpu le misa ngei ratha achukphara sinpu Pathien koÌm hong nin ni. 24 Nangni chu Jisua, chonginkhit thar minsuÌkpu thisen rethe, Abel thisen neÌka neinun sa uol chonginkhaÌmpu koÌm nin hong ani. 25 Hanchu, thurchi misiÌrpu hah lei rangaÌi nuomloia nin om loina rangin singthei roi. Tukhom pilchunga pathien thurchi misiÌrpu lei rangaÌi nuomloi ngei chu rotpai thei mak ngei. Eini invaÌn renga thurchi misiÌrpu nuÌksongngei vang hinte kho angin mo ei rotpai thei ranga! 26 Ma zora han, a roÌl han pilchung aÌnniÌka, aniatachu atuÌn chu, “Voikhat chu pilchung vai niloiin invaÌn khom ka la min niÌk sa rang tiin chong aÌnkhaÌm ani." 27 Masikin, “TuÌn voikhat” ti chongbaÌi hin neinun sinngei hah min niÌkin thonpai la niÌng an ta, neinun aÌnniÌk theiloingei chu om bang an tih, tiin aÌnthaÌrin a minlang ani. 28 Hanchu, reÌngram inniÌk theiloi ei man sika hin ei raÌiminsaÌn ei ti u. RaÌisaÌnin, a lungdo lamin leh rintak le chipumin Pathien chubaimuÌk ei ti u; 29 asikchu ei Pathien hi adiktakin mi kaÌngminmang ngaÌi mei ani.