Hebrews 9

1 Chonginkhit masa khom chubaimuÌkna balamngei le miriem sin chubaimuÌkna mun a lei doÌn ani. 2 Puon-in an sina, khaÌltan peÌninta hah Mun Inthieng an tia. Ma suÌnga han meiserdarna le dosaÌng leh Pathiena an peÌksai vaÌipoÌlngei hah an oma. 3 PuonduÌng inikna nuÌktieng han Mun Inthiengtak an ti hah aom. 4 AsuÌnga han mirimhoi haÌlna mun raÌngkachak maÌichaÌm le raÌngkachaka minluon Chonginkhit sumduk a oma, Ma suÌnga han “Manna” omna raÌngkachak sungkola ngei, Aaron sunrol abuo hoÌn cher ngei le chongpeÌkngei a chunga aÌnziek lungpeÌk inik ngei hah an om. 5 Ma sumduk chunga han Pathien roiinpuina minlangin iringparaÌn mantha doÌn ngei hah sietnangei ngaÌidamna muna an mantha pharin an om sa. Aniatachu, atuÌn chu ma thurchi ha chu akip akoÌiin rilsensaÌi zora la ni mak. 6 Ha neinunngei hah hi anghin an lei minsuÌk ani. Ochai ngei hah aniÌngtin apeÌninta puon-in suÌng han an sintum sin rangin an se ngaÌia, 7 aniatachu asuÌnginta Puon-in han chu Ochai Inlaltak vai keÌng akuma voikhat thisen choÌi ngeÌtin a luÌt ngaÌi. Ma thisen a choÌi hah ama rang le mipui ngeiin an riet loi kaÌra sietna an sinngei ruthuÌlin Pathien koÌm an peÌk ngaÌi. 8 Hi minsuÌkna ngei murdi renga hin Ratha Inthiengin aÌnthaÌrtakin a minchu ngaÌia; apeÌninta Puon-in hah a la omsuÌng kaÌr chu Mun Inthiengtak lampui hah laÌn ong mak. 9 Maha atuÌnlaÌi minteÌkna ani. Aomtie chu neinunpeÌkngei le sa inboÌlnangei Pathien koÌma peÌk han a biekpu ngei mulungriÌl min chukphar thei maka, 10 saÌk rang, neÌk rang le minthieng-minthaÌrna balam tamtak roi ngei vai ani sikin. Mangei murdi hah peÌntienga balam korong an nia, Pathien’n chongpeÌk athar a peÌk maÌka mang rang ani. 11 Aniatachu Khrista chu neinun sa ngei hi taka lei omsai piel Ochai Inlaltakin a juong ani. Puon-ina sin a thona ngaÌi ha a roiinpui uol le achukphara; miriem sin puon-in nimak, ma hih rammuola sinngei laÌia nimak tina ani. 12 Khrista hah Mun Inthiengtaka voikhatin a luÌtpat laÌihan, inboÌlna rangin keÌlngei le sielngei thisen choÌi maka, ama thisen nanaÌk choÌiin eita rangin kumtuong sanminringna a man zoi ani. 13 KeÌlngei le sechalngei le setuoi ngei haÌlminvaÌmin mi innim chunga an rethe luon an taksa innimna a minsaÌi pe ngei theia a minthieng thei ngeiin te, 14 Khrista thisen vangin te athei uol ok rang na! Kumtuong Ratha ruoinaÌn Pathien koÌm ama nanaÌkin inboÌlna achukpharin aÌnpeÌk zoi sikin, Pathien ring sin ei tho theina rangin a thisenin thina mintung ngaÌi ngei sin renga ei sielesarietna minthieng a tih. 15 Hi sika hin Khrista hih chonginkhit athar minsuÌkpu ani, Pathien’n a koi ngei hah kumtuong satvurna aÌnkhaÌm an man theina ranga ani. Maha anitheina chu chonginkhit masa a la om suÌnga miriemngei minchaÌina renga kelsuoa, thina a lei omsai sikin ani. 16 ChongmaÌk roi chu a maÌkpu hah athi le thiloi enmindik bak anaÌng, 17 chongmaÌkpu a la ringsuÌngin chu ite amangna la om loiin a thi suonuÌkin keÌng amangna a la om ngaÌi. 18 Ma sika han chonginkhit masa khom hah thisen an mang tena keÌng mang a la chang ani. 19 Amotona Moses’n Balam ChongpeÌkngei hah mipui ngei koÌm a phuong baka. Masuole chu sechalngei le keÌlngei thisen hah tui leh minpolin, hyssop machang le samul sen mangin Balam Lekhabu le mipui ngei murdi hah a thika. 20 An koÌm, “Mahi Pathien’n nin joÌm ranga nangni a peÌk Chonginkhit nammindetpu thisen hah ani” a tia. 21 Ma angdeÌn han Moses’n Puon-in Inthieng le biekna mangruongei murdi khom hah thisen a thik sa. 22 Adiktakin, Balam dungjuÌiin neinunngei murdi hih thisenin a minthieng thei leta, male sietnangei chu thisen suok vaiin keÌng ngaÌidam ani thei. 23 Ma neinunngei, invaÌna a taktaka a om rimilngei hah ma anghan minthieng an ni rang ani. Aniatachu invaÌna neinunngei ha chu inboÌlna sa uol ok an naÌng ani. 24 Asikchu Khrista chu miriem sin Mun Inthieng atak rimila han luÌt mak. AtuÌna Pathien makunga ei ruthuÌla aÌn dingna invaÌn khin a luÌt kelen ani. 25 Juda Ochai Inlaltak han sa thisen choÌiin Mun Inthiengtak han kumtin a se ngaÌia. Aniatachu Khrista chu ama nanaÌk inpeÌk rangin voi tamtak luÌt maka, 26 ma anghan nino senla chu rammuol sinphut renga voi tamtak a tuong rang ani zoi. ManeÌkin, atuÌn zora mong rangtoa hin aÌnboÌlna sika sietna a minhek theina rangin voikhatin a juon lang ani. 27 Mitin voikhat chu thi ngeÌt an ta, masuole Pathien’n an chungroi jeÌkin om an tih. 28 Ma angdeÌn han Khrista khom ha mi tamtakngei sietna min hek rangin voikhat inboÌlnaÌn peÌk ani zoi. Sietna min hek rang ni khaÌi loiin ama lei ngakngei sanminring rangin avoi niknaÌn juon lang noÌk atih.