John 1

1 Aphutna taka han chong alei oma; ma chong ha Pathien koÌm aoma, Chong ha ke Pathien ani. 2 Aphutna tak renga han chong hah Pathien koÌm ke aom ani. 3 Neinunngei murdi Pathien sin riempet an nia, ama sin loi neinun inkhat luo omak. 4 Ma Chong ha ke ringna bulpui ani, male ma ringna hah munisi ngei minvaÌrpu ani. 5 Ma vaÌr han ijiÌng a eÌlminvaÌra, ijiÌng han lei khap thei mak. 6 Pathien’n a thangtheipu inkhat a juong tiÌra, a riming chu John ani, 7 ha mi han vaÌr thurchi mingei min riet ranga juong ani, ama sikin mitinin an iem theina rangin. 8 Ama hah vaÌr chu nimaka; vaÌr thurchi mingei min riet ranga juong ani. 9 Mahi vaÌr diktak chu ani; rammuola a juonga mingei murdi minvaÌrpu hi. 10 Chong hah rammuola aoma, male Pathien’n Chong mangin rammuol ha sin khomsenla, rammuolin lei riet thei maka. 11 A mingei nanaÌk koÌm a juonga, aniatachu a mingeiin lei modoÌm mak ngei. 12 Hankhoma ama modoÌm ngei kai le ama iem ngei chu Pathien naÌi nina a peÌk ngei zoi. 13 Ha mingei hah chu thisena inzir nimak ngeia, taksa nuomlama aÌnzir khom nimak ngeia, munisi ngei pa nuomlama aÌnzir khom ni uol mak ngei; Pathien ha keÌng an Pa ani. 14 Hanchu, Chong hah munisi juong changin, moroina le chongtaka sipin ei laÌia a juong om zoi. A roiinpuina ei mua, Pathien NaÌikhaÌt roiinpuina a man hah. 15 John’n a chungroi a misiÌra, aÌn ieka, Hi mi thurchi hih ki misiÌr ani, “Ku nuÌka juong rangpu hi keima neÌka lien uol ani, keÌn zir maÌna a lei om sai ani sikin,” a tia. 16 A lungkham satvurna akipin ei reÌngin ei changa, moroina chunga moroi noÌkna. 17 Pathien’n Balam chongpeÌk Moses a peÌka, aniatachu moroina le chongtak chu Jisua Khrista sikin ahong om ani. 18 TuteÌn Pathien la mu mak ngeia. A NaÌikhaÌt vai, Pathien aÌn angpui le Pa tienga om ngeÌt han, a thurchi a min riet zoi. 19 Jerusalema Juda rachamneipungei han, “John, hah tumo ani?” ti rekel rangin ochaingei le Levi richisuonpaÌrngei an tiÌra. 20 John’n aÌnthaÌrtakin, “Messiah chu ni mu-ung” a lei tipe ngeia. 21 “NoÌnte, Tumo ni ni? Elijah mo ni ni?” tiin an rekela. “Ni mu-ung,” tiin a thuon ngeia. “DeÌipu mo ni ni?” tiin an rekela. “Ni mu-ung,” tiin a thuona. 22 “NoÌnte tumo ni ni? mi hongtiÌr ngei chong kin mele theina rangin mi ril roh. Nu thurchi hi i angin mo ni ti?” an tia. 23 John’n deÌipu Isaiah chong mangin a thuona: “Keima hi ramchaÌra mi inkhat taÌnghaÌipu ha ki ni: Pumapa loÌnna rang lampui mintuÌn roi!" 24 Ma thangtheipungei, Phariseengei hongtiÌr ngei han John an rekel noÌka, 25 hanchu “Messiah ni ni noa, Elijah mo, DeÌipu mo luo ni ni noÌnte ithomo mi na baptis ngaÌia?” tiin an rekela. 26 John’n a thuona, “Keiman chu tui leh ka baptis’a, hannirese nin laÌia hin nin riet loi mi inkhat aÌnding chiena. 27 Ama hah ku nuÌka a juong rang ania, kei chu a kekokruÌi suÌt rang luon inhoi mu-ung,” a tia. 28 Mangei hah Bethany khuo nisuo tieng Jordan tuidung raÌla, John’n a baptisna ngaÌi muna atung ani. 29 AnangtuÌka chu John’n Jisua a koÌm hongin a mua male, “En ta u, Pathien Belrite rammuol sietna peÌl rangpu soh,” a tia. 30 Hi mi chungroi hih ani, “Mi ku nuÌka a juong a oma, aniatachu keima neÌka lien uol ani, keima keÌn zir maÌna a omsai ani sikin, ki ti hah. 31 Tumo ani rang riet mu-ung, nikhomsenla, Israel mingei min riet rangin tuia baptis rangin ku juong ani." 32 Male John’n hi thurchi hih a misiÌra: “Ratha hah invaÌn renga juong chumin vasu angin a chunga a juong chum ku mu. 33 AtuÌntena keiman chu la riet thei mu-ung, nikhomrese tuia mi baptis ranga mi tiÌrpu Pathien’n, Ratha hah invaÌn renga juong chumin mi inkhat chunga chuongin mini muÌng na ta; ama hih Ratha Inthienga leh mi baptis rangpu ha ani." 34 John’n, “Ama hah ku mu zoi, Nangni ki ril, ama hah Pathien NaÌipasal ani,” a tia. 35 AnangtuÌka chu mahan John ha a ruoisi inik ngei lehan aÌnding noÌka, 36 Jisua loÌn laÌitak a mu lehan. “En ta u, Pathien Belrite soh!” a tia. 37 Ma ruoisi inik ngei han a thurchi misiÌr an rieta Jisua leh an se kelena. 38 Jisua aÌn heia, an hongjuÌi a muÌn chu an koÌm, “Khoimo nin rok?” a tipe ngeia. Anni han, “Rabbi, khonmo no om ngaÌi,” tiin an thuona. (Rabbi ti chu “Minchupu” tina ani). 39 Ama han, “Hong ungla en roi,” tiin a thuona. (ma zora ha chonuÌktieng daÌr minli inring doÌr ani.) Masuole chu an juÌia a omna an mua, male mani suÌna zora kai chu ama leh an mang minhek zoi. 40 An laÌia inkhat ha chu Andrew, Simon Peter laÌibungpa ani. 41 Ama han a upa Simon a mu kelena a koÌm, “Messiah hah kin mu zoi,” a tia. (hi chongbaÌi aomtie chu “Khrista” tina ani.) 42 Hanchu ama’n Simon hah Jisua koÌm a tuonga. Jisua’n Simon hah a lei ena, “Ni riming chu Simon, John naÌipasal ni ni, hannirese Kephas, tiin nang koi an ti zoi,” a tia. (Ma hih Peter tina leh munkhat ania, aomtie chu “lungpui” tina ani.) 43 AnangtuÌka chu Jisua Galileea se rangin a masata, Philip a mua, “Ni juÌi roh a tipea!" 44 (Philip ha Andrew le Peter omna khopui Bethsaida mi ani.) 45 Philip han Nathanael a mua a koÌm, “A thurchi Moses’n Balam lekhabua a lei miziek le deÌipungei khomin an miziek Joseph naÌipasal Nazareth Jisua hah kin mu zoi,” tiin a rila. 46 Nathanael’n a koÌm, “Nazareth taka neinun sa asuok thei mini?” tiin a rekela. Philip’n a koÌm, “Hongin la, en roh,” tiin a thuona. 47 Jisua’n Nathanael a koÌma hong a mua, a chungroi a misiÌra, “Ama hi Israel mi diktak; dikloina reng doÌn loi ani!” a tia. 48 Nathanael’n, “Kho angin mo mi ni riet?” tiin a rekela. Jisua’n a koÌm, “Philip’n nang a koi maÌn theichang kung nuoia no om laÌihan nang ku mu zoi,” tiin a thuona. 49 Nathanael’n a koÌm, “Minchupu,” “Pathien NaÌipasal ni ni! Israelngei ReÌngpa ni ni!” tiin a thuona. 50 Jisua’n a tia, “Theichang kung nuoia no om laÌia nang ku mu keÌng ani zoi nang ki ti sikin ni iem mini? Hi neÌka neinun roiinpui uol ok la muÌng ni tih!” a tipea. 51 Male Jisua’n an koÌm, “Chongtak nangni ki ril: invaÌn ajuon onga, Miriem NaÌipasal chunga vaÌntiÌrtonngei an juong chum le an kal, la muÌng nin tih,” a tia.