John 17

1 Jisua’n ma chong hih a ti suole chu invaÌn tieng a tanga, “Pa, azora atung zoi. Na naÌipasal koÌm roiinpuina peÌk ta roh. NaÌipasal khomin roiinpuina nang a peÌk theina rangin. 2 Mingei murdi chunga rachamneina ama ne peÌka, masikin ama khomin ne peÌk ngei koÌm kumtuong ringna a peÌk ngei theina rangin. 3 Male kumtuong ringna ti chu, nangma Pathien diktak vai nang riet, le ni tiÌrpu, Jisua Khrista riet hih ani. 4 No roiinpuina pilchunga ki minlanga; sintum mi ni peÌk khom ki sin suozoi ani. 5 Pa! atuÌn no koÌm ngeÌt han roiinpuina ni peÌk roh, rammuol insieng maÌna no koÌma roiinpuina ko doÌn ngaÌi deÌn ha. 6 “Rammuol renga mi ni peÌk ngei koÌm ni riming ku phuong minzar zoi. Anni ngei hah nata an nia, male nangman keÌng anni ngei ha mi ni peÌka, no chong an don zoia, 7 male atuÌn chu neinun mi ni peÌk ngei murdi hih nangma renga ani ti an riet zoi. 8 Nangman chong mi ni peÌk ngei khom ke peÌk ngeia an pom zoia; no koÌm renga juong ki ni khom an riet minthaÌr zoi, male mi ni tiÌr ani ti khom an iem zoi ani. 9 “Anni rang piela chubaitho ki ni. Rammuol rangin chubaitho mu unga, nangma nata, keima mi ni peÌk ngei ta ranga ani. 10 Ko doÌn ngei murdi nata an nia; no doÌn ngei murdi khom kata an nia, male ko roiinpuina khom anni renga aÌnlang ngaÌi ani. 11 AtuÌn chu no koÌm ko hong rang ani zoia; rammuola om khaÌi noning, aniatachu anni ngei chu rammuola la om an tih. Pa Inthieng! anni ngei hi ni riming sinthotheinaÌn sanmojoÌk ngei roh, riming mi ni peÌk lehan, masikin keima le nangma pumkhat eini anghan anni ngei khom pumkhat anni theina rangin. 12 An koÌm ko om suÌngin chu ni riming sinthotheinaÌn ka sanmojoÌk ngei ngaÌi, riming mi ni peÌk lehan. Ku rung ngeia, inkhat luo inmang mak ngei, aÌnmang rang piela ompu tiloiin chu Pathien lekhabua aÌnziek ahong tung adik theina rang sikin. 13 AtuÌn chu no koÌm ko hong rang ani zoia, male rammuola hi neinunngei hih ki misiÌr pe ngeia ka raÌisaÌnna an mulung suÌngngeia akipdira aom theina rangin. 14 No chongbeÌ ke peÌk ngeia, male rammuolin a mumaÌk ngei zoia, rammuol mi an ni khaÌiloi sikin, keima rammuol mi ki ni loi anghan. 15 Rammuol renga laÌk pai ngei rangin nang zong mu unga, Asaloi Inkhat renga sanmojoÌk ngei rangin nang ke ngeÌn ani. 16 Keima rammuol mi ki ni loi anghin anni khom rammuol mi nimak ngei. 17 Anni ngei hih chongtakin minthaÌr ngei roh; no chong chu chongtak ani. 18 Rammuola mi ni tiÌr anghan, kei khomin anni ngei hih rammuola ki tiÌr ngei ani. 19 Anni sikin no koÌm keÌn thaÌra, anni ngei khom no koÌm, adiktaka an inthaÌr theina rangin. 20 “Hi ngei rang vaiin nang ngeÌn mu unga, an thurchi misiÌr sika mi a iem ngei ta rang khomin nang ke ngeÌn sa ani. 21 An reÌngin pumkhat anni theina rangin nang ke ngeÌn ani. Pa! Anni ngei hih ei koÌm om rese ngei, nangma ko koÌm no oma, keima khom no koÌm ko om anghan. Pumkhatin om rese ngei, rammuolin mi ni tiÌr, ti an iem theina rangin. 22 Roiinpuina mi ni peÌk deÌn hah anni khom ke peÌk ngei ani, nangma le keima pumkhat ei ni anghan pumkhat an ni theina rangin. 23 Keima, an koÌma, nangma ko koÌma omin an nin pumkhat tatakna rangin, hanchu mi ni tiÌr ani ti hih rammuolin riet an ta, male mi ni lungkham anghan anni ngei khom nu lungkham ngei tiin riet an tih. 24 “Pa! anni ngei hih mi ni peÌka, male ko omna an om sa theina rangin ku nuom ani, mi ni lungkham sika rammuol insieng maÌna mi ni peÌk roiinpuina hah an mu theina rangin. 25 Pa Diktak! rammuolin nang riet maka, hannirese keiman chu nang ki riet, male hi ngei khomin mi ni tiÌr ani tiin an riet. 26 An koÌm nang ki min riet ngeia, min riet ngei bang ki tih, mi ni lungkhamna hah an koÌm aom theina rangin, male kei khom an koÌm ko om sa theina rangin,” a tia.