John 7

1 Masuole chu, Jisua’n Galilee rama a chaia; Juda rachamneipungeiin that rang an boÌk sikin Judea rama chu chai nuom khaÌi mak. 2 Judangei KaÌireÌng khohoi zora anaÌi zoia, 3 masikin Jisua laÌibungngei han a koÌm, “Hi mun hih maÌk inla, Judea rama se roh, masika han nu nuÌkjuÌi ngeiin ni sintho an mu theina rangin, an tia. 4 Ama riming inthang rang nuompu chu tuteÌn a sintho thup ngaÌi mak. Hi neinunngei hih ni sin aniÌnchu rammuol pumpuiin nu chungroi riet rese bah!” an tia. 5 (A laÌibungngei luon ama iem mak ngei.) 6 Jisua’n an koÌm, “Keima rangin chu azora diktak la tung mak. Zora pai hih nangni rangin chu adik ani. 7 Rammuolin nangni mumaÌk maka, aniatachu keima chu mi mumaÌk ngaÌi, a sintho ngei ha sa mak tiin ki ril ngaÌi sikin. 8 Khohoia nangni lei se roi, kei chu khohoia la se thei no ning, ko zora diktak ala tung loi sikin,” a tia. 9 Ma chong hah a ti suole khom ama chu Galilee rama a la om bang. 10 A laÌibungngei khohoia an se suole chu Jisua khom a se sa; aÌnlangin chu se maka, inruÌkin a se zoi. 11 Juda rachamneipungeiin khohoia han ama an roka, “Khonmo aom?” tiin an rekel titira. 12 Mipuingeiin a chungroia an inkereng chichiena; senkhatin, “Miriem sa keÌng,” an tia. Adang ngeiin, “Nimak, ama keÌng mingei lamnoÌk tieng a tuong ngaÌi,” an tia. 13 Hannirese Juda rachamneipungei an chi sikin tuteÌn aÌnlangin chu a chungroi misiÌr ngam mak ngei. 14 Khohoi ha inang doÌr an mang tena chu Jisua Biekina a sea mingei a minchu phut zoi. 15 Juda rachamneipungei han an kamaÌm sabaka, “Hi mi hi aÌnchuna boi tetin kho angin mo madoÌr a riet thei hi!” an tia. 16 Jisua’n a thuona, “Ki minchuna chong hih keima kata nimaka, aniatachu Pathien mi tiÌrpu renga juong keÌng ani. 17 Tutu khom Pathien lungdo a sin nuom kai chu hi minchuna chong hih Pathien renga juong mo, aninoÌnchu ka rachama ko chong mo riet an tih. 18 Tukhom ama rachama chongpu chu ama roiinpuina man rang a puÌt ani. Hannirese, a tiÌrpu roiminpui rang a nuompu’n chu dikna a doÌna, male ama suÌnga han dikloina reng omak. 19 Moses’n Balam nangni a peÌk nimak mo? Hannirese Balam hah tuteÌn joÌm mak chei. Ithomo ni that rang nin boÌk hi?” a tia. 20 Mipuingei han, “Ramkhori nang a suÌr ngihi! Tumo nang that rang a boÌk?” tiin lokongeiin an thuona. 21 Jisua’n an koÌm, “SininkheÌl inkhat ko thoa, nin reÌngin nin kamaÌm sabaka. 22 Moses’n nin naÌipasalngei sertan rangin chong nangni a peÌka (Moses’n a phut nimaka, nin richibulngeiin keÌng an phut ani), masikin Sabbathnin pasalte ser nin tan ngaÌi ani. 23 Moses Balam asiet loina rangin Sabbathni khom pasalte sertan nin tho ngaÌi aniÌnte, keiman Sabbathnia mi ki mindam phar sikin ithomo ku chunga nin takasi? 24 PeÌntienga aÌnlang rang vaiin roijeÌk mong ungla, male adiktakin roijeÌk roi,” a tia. 25 Jerusalema mi senkhatin an tia, “Hi mi hih rachamneipungeiin that ranga an puÌt ha nimak mo? 26 En ta u! Mipui rietin thurchi a misiÌra, male tuteÌn rokoÌk mak ngei! Ama hih Messiah ani tiin rachamneipu ngeiin an riet tatak zoi mini? 27 Aniatachu Messiah a juong tika chu kho renga mo a juong tuteÌn riet no ni ngei. Hi mi hi chu a hongna ei reÌngin ei riet-iem ani,” an tia. 28 Jisua’n Biekina a minchu laÌihan roÌl inringtakin a tia, “Tumo ki ni le kho renga hong mo ki ni nin riet tatak mo zoi? Ka rachama juong ni mu-ung. Mi tiÌrpu chu mi diktak ani. Nangnin chu ama ha riet mak choia, 29 aniatachu keiman chu ama ha ki rieta, a koÌm renga juong le ama mi tiÌr ki ni sikin,” a tia. 30 Hanchu ama hah suÌr rang an puÌt zoia, aniatachu, azora ala tung loi sikin tuteÌn an kut musum mak ngei. 31 Hannirese mipui laÌia mi tamtakin chu ama an iem zoi, “Messiah a juong tika hi mi hin a sin neÌka tam sininkheÌlngei sin thei ni mo?” an tia. 32 Phariseengeiin Jisua chungroia mipuingei an inkereng chichiena chong an rieta, masikin ochaisingei le Phariseengeiin Jisua suÌr rangin rungpungei an tiÌra. 33 Jisua’n an koÌm, “Chomolte nin koÌm la om ka ta, masuole chu mi tiÌrpu koÌm seÌng ki tih, a tia. 34 Nangnin mi rok nin ta, mi mu no tunui, ke sena ranga nin se thei loi sikin." 35 Juda rachamneipungei han anni nanaÌkin, “Ei mu thei loina rangin khotieng mo se rang a ti? Ei mingei omna Greek khopuilienngeia sea, male Greekngei juong minchu rang a ti mini? an tia. 36 Nangnin mi rok nin ta mi mu no tunui, ke sena ranga hong thei no tunui, a ti hih khoimo a tina?” an tia. 37 Khohoi chiÌn rang ni le nikhuo lupuitak ni han Jisua aÌndinga, roÌl inringtakin, “Tukhom a tui aÌnraÌl kai chu ko koÌm hong senla ngeia, neÌk rese ngei, male 38 Pathien lekhabu’n ati anghan, tukhom mi iem kai chu a suÌng renga ‘Ringna-peÌk’ tuinaÌrngei luong suok atih,” a tipe ngeia. 39 Mahi Jisua’n ama iem ngeiin Ratha an chang rang chungroi a misiÌrna ani. Ma zora han Ratha peÌk la nimaka; Jisua ha roiinpuia kaithoi ala ni loi sikin. 40 Mingei laÌia senkhatin ha chong hah an rietin chu, “Hi mi hih DeÌipu tatak keÌng ani ngihi!” an tia. 41 Adangngeiin chu, “Ama hih Messiah keÌng ani!” an tia. Hannirese adangngeiin chu, “Messiah chu Galilee ram renga hong suok no nih! an tia. 42 Pathien lekhabu’n ati anghan Messiah chu ReÌng David jaÌisuon renga niÌng a ta, David omna khopui Bethlehema a suok rang ani,” an tia. 43 Masikin Jisua sikin mipuingei laÌia insenna aom zoia. 44 Mi senkhatin suÌr rang an boÌka, aniatachu tuteÌn a chunga an kut musum mak ngei. 45 Mi rungpungei ha an hong kiÌr noÌka, Ochaisingei le Phariseengei han an koÌm, “Ithomo nin hong tuong loi?” tiin an rekel ngeia. 46 Mi rungpungei han an thuona, “Hipa anga thurchi misiÌr reng la om ngaÌi mak ngei!” tiin an thuona. 47 Phariseengeiin an koÌm, “Nangni khom huongin nin om sa mo ni zoi?” tiin an rekel ngeia. 48 “Rachamneipungei le Phariseengei laÌia mi inkhat luon ama an iem zoi ti nin riet mo? 49 Hi mipuingei hih Moses Balam riet mak ngei, masikin Pathien khomaÌksaÌmna nuoia om keÌng an ni!" 50 Phariseengei laÌia mi inkhat Nicodemus, motona Jisua intongpui ranga seÌpu ha a oma. Ama’n midangngei koÌm, 51 “Ei Balam dungjuÌiin chu tukhom a chongbaÌi suok ei riet maÌn le a sintho ei mu maÌn chu theiloi minchang thei ngaÌi mak me,” a tia. 52 “Asa,” anni ngei han a koÌm, “Nang khom Galilee ram renga hong mo ni ni? Pathien Lekhabungei pore inla deÌipu Galilee ram renga hong suok ngaÌi mak ti riet ni tih,” tiin an thuona.