MATTHEW 14

1 Ma zora han Galilee rama, reÌng Herod’n Jisua chungroi a lei rieta. 2 A sinthopu ulienngei koÌm han, “Hi mi hih Baptispu John, a hong ring noÌk ngeÌt ani rang.” “Masikin keÌng hi sininkheÌl sintheina ranak hih a doÌn,” a tia. 3 Motona han Herod’n John hah a lei minsuÌra, a khita jeÌl-ina alei khum ani. Ma anga a thona bitak chu a laÌibungpa Philip loÌmnu Herodias sika ani. 4 Baptispu John han Herod koÌm, “Herodias loÌmnua ne nei hih dik mak!” a lei tipea. 5 Herod’n ama hah that rang a joÌta, aniatachu Juda mipui ngei a chi ani, John hah DeÌipu’n an lei be sikin. 6 Herod suokni han Herodias naÌinupang hah mipui ngei makunga a laÌma. Herod hah a raÌisaÌn tataka 7 a koÌm han chonginkhaÌmin, “Ikhom no zong kai chu nang peÌk rangin chong keÌn khaÌm!” a tia. 8 Hanchu a nuÌ‘n a tipe lam angin, “Hi muna hin atuÌn maÌiraÌnga Baptispu John lu mi peÌk roh!” tiin Herod koÌm han a ngeÌna. 9 ReÌngpa han a mulungduÌk atong sabak zoia, nikhomrese, a khuolmi ngei makunga chong a leÌnkhaÌm zoi sikin, a ngeÌn lam anghan tho pe rangin chong a peÌk ngeia. 10 Hanchu jeÌl-ina han John lu hah a min tan ngei zoi. 11 A lu hah maÌiraÌnga an hong choÌia, nupangte koÌm an peÌka, amanu han a nuÌ koÌm a choÌi zoi. 12 John ruoisingei an honga, a ruok hah an choÌia, an phuÌm zoi; hanchu an sea, Jisua an va misiÌr pe zoi ani. 13 Jisua’n John chungroi a rietin chu, ma mun hah a maÌka, rukuongin a theivaiin mun inthimngangna a se zoi. Ma roi hah mipuingeiin an rieta, masikin an khopuingei ha maÌkin ama omna taÌng tieng an juÌia. 14 Jisua rukuong renga a joÌka, mipui ngei hah a mu’n chu inrieng amu ngei tataka, male damloi ngei hah a mindama. 15 Mani kholoi han a ruoisingei an honga a koÌm, “Nisa laka ase ok zoia, mahi mun inthimngang keÌng ani; Mipui ngei hih tiÌrpai ngei inla, khosuÌngngeia se rese ngei, anthenin saÌk rang rochoÌk rese ngei,” an ti pea. 16 Jisua’n an koÌm, “An se rang naÌng maka, nangnin an saÌk rang imakhat peÌk ngei roi!” tiin a thuona. 17 Anni han a koÌm, “Hitaka kin doÌn chu anreÌngin vaÌipoÌl rangnga le nga inik vai keÌng,” tiin an thuona. 18 Hanchu Jisua’n, “Hin ko koÌm hong choÌi roi,” a tia. 19 Mipui ngei hah durba chunga insung rangin chong a peÌk ngeia; hanchu, vaÌipoÌl rangnga le nga inik hah a laÌka, invaÌn tieng tangin Pathien koÌm raÌisaÌnchong a rila. VaÌipoÌlngei hah a khoia, ruoisingei koÌm a peÌka, male ruoisingei han mipui ngei koÌm an sem zoia. 20 Mi murdi’n an saÌka, an khoptanga, an saÌk minieng tabong soÌmleinik an la ruÌt minsipa. 21 AsaÌkngei mijoÌn chu nupangngei le naÌipangngei telloiin mi isaÌng rangnga doÌr an ni. 22 Male Jisua’n mipui ngei hah a minchiÌnna, a ruoisingei rukuonga a min chuong ngeia, diÌl raÌl kaÌngkhat tieng alei min se ngeia. 23 Mipui ngei a min se ngei suolechu a thenin taÌng chunga chubaitho rangin a sea. Kholoi a hongnin chu, mahan Jisua atheivaiin a oma; 24 ma zora han rukuong hah diÌla alazanna a om zoia, phaÌivuo’n ale tieng aseÌm sikin, tuidaÌrinsokin kaÌngkhat tieng khom, kaÌngkhat tieng khom a soka. 25 JiÌnga daÌr thum le daÌr ruk kongkaÌra Jisua tui chunga loÌnnin, a ruoisingei koÌm a honga. 26 Tui chunga a hong loÌn an muÌn chu an chia. “Mirluoi keÌng!” tiin, ichin an iniek raraÌka. 27 Jisua’n a hong rokoÌkngei kelena, “Nin rathamathaÌk no roi!” chi no roi, “Keima keÌng ki ni!” a tipe ngeia. 28 Hanchu Peter a hong chonga. “Pumapa, nangma ni ni tatakin chu, tui chunga no koÌm hong rangin chong ni peÌk roh,” a tia. 29 Jisua’n, “Hong roh!” tiin a thuona. Masikin Peter hah rukuong renga a joÌka, Jisua koÌm panin tui chunga a loÌn phut zoia. 30 Hannirese, phaÌivuo raÌt hah a muÌn chu a chia, tuia a ngim phut zoi. “Pumapa, ni mojoÌk roh!” tiin a chapa. 31 Jisua a hong tung kelena male a muturap kelen zoia, a koÌm, “Na taksoÌnna doÌn hah achiÌn baÌkna! Ithomo ni iem zoi loi?” a tipea. 32 An ruonin rukuong suÌnga an luÌta, phaÌivuo khom aÌnthim ruoi zoi. 33 Male rukuong suÌnga ruoisingei han Jisua chubai an muÌk zoi. “Pathien NaÌipasal tatak keÌng ni ni!” an tia. 34 DiÌl raÌl tieng an inkaÌnin chu Genesaret ram an hong tunga, 35 Ma taka mingei han Jisua hah an lei riet kelena. Masikin ma reveÌla ram murdia han mi an tiÌra, damloi murdi hah Jisua koÌm an hong tuonga. 36 Damloi ngei hah a puon morte luo mintoÌn ngei rangin an ngeÌna; male a toÌn murdi chu an dam pak zoi ani.