Mark 7

1 Jerusalem renga hong phariseengei le Balam minchupungei senkhat ngeiin Jisua koÌla an hong intuÌpa. 2 Ha ngei han a ruoisingei senkhatin kut innima saÌk an saÌk an mua, maha, Phariseengeiin mingei an tho ranga an tipe lamtaka an rusuÌk loi sika ani. 3 (Phariseengei le Judangei murdi’n chu an pipungei renga an man chongmaÌk hah an juÌia: an kutngei, balam takin an rusuÌk noa anin chu ite saÌk ngaÌi mak ngeia; 4 bazar renga neinun an hong choÌi ngei murdi khom an rusuÌk masa noÌnchu saÌk ngaÌi mak ngei. Male balam adang tamtak an man ngei hah an suÌr mindet tit khom aom sa; ma ngei hah kilaÌtngei, beÌlngei, sumsen khuriaÌingei, male jaÌlmunngei rusuÌk min saÌi rang ti ngei ha ani.) 5 Masikin phariseengei le Balam minchupungei han Jisua koÌm, “Ithomo nu ruoisingeiin pipungei chongmaÌk joÌm loiin kutngei innim pumin saÌk an saÌk hi?” tiin an rekela. 6 Jisua’n an koÌm, “Isaiah’n nin chungroi a leiphuong hah adik ani!” A miziek anghan, asarotholngei nin ni: “Hi mingei hin an chongbaÌingei leh min minpaÌka, aniatachu an mulungriÌlngei chu keima renga alazan ani. 7 Miriem minchuna balamngei hah ka balamngei anghan an mindon sikin chubai min muÌkna hih anni rangin kaÌmnaÌngloi keÌng ani, Pathien’n a ti, tia lei inziek anghan!" 8 “Pathien chongpeÌk nin henga, miriem minchunangei nin joÌm ani hi” a tia. 9 Male a la zombanga an koÌm, “Nin minchuna nin joÌm theina ranga Pathien chongpeÌkngei nin heng hi chu vaÌrna lampui nin doÌn ani hi. 10 Moses’n, ‘Nu nuÌ le na pa jaÌ roh,’ male ‘Tukhom a nuÌ mo a pa mo khomaÌksaÌm chu that ning atih,’ tiin chong a lei peÌka. 11 Aniatachu nangni reÌkin chu, miÌn a nuÌ mo, a pa mo imini san rang anaÌngin chu ‘Ma hih Korban ani’ tiin nin minchu ngaÌi, (maha aomtie chu, Pathien ta ani zoi tina ani), 12 an nuÌ mo an pa ngei rangin mo khoite sintho rangin joÌt khaÌi ngaÌi mak choia. 13 Ma angdeÌn han balam muruo nin minchu banga hin Pathien chong amin mang ngaÌia. Hi anga sin nin tho adang khom tamtak ala om sa” a tia. 14 Hanchu Jisua’n lokongei hah veÌlkhat a koi noÌk ngeia, an koÌm, “Nin reÌngin ko chong rangaÌi ungla, male rietthei roi. 15 PeÌntieng renga miriem suÌnga luÌta ama minnim thei ite omak. ManeÌkin miriem suÌng renga hong suok ngei hi ke miriem minnim ngaÌi ani." 17 Lokongei hah maÌkin insuÌnga a luÌt lehan, ha chong hah rilminthaÌr rangin a ruoisingeiin an ngeÌnna. 18 Jisua’n an koÌm, “Midangngei neÌkin la vaÌr uol mak chei.” “Ite peÌntieng renga nin suÌnga luÌtin nangni aminnim thei om mak, ti hih nin la rietthei loi mo? a tipe ngeia, 19 asikchu nin mulungriÌla luÌt loiin, nin phuÌngpuia a luÌta, male nin noÌm sena tieng ajoÌk ngaÌi” a tia. (Ma hih Jisua’n saÌkruo murdi chu aÌnthieng let tia minthaÌrnaÌn a ti ani.) 20 Male a la ti banga, “Nin suÌng renga hong suok ha ke nangni minnim ngaÌi. 21 AsuÌng tieng renga, nin mulungriÌl renga keÌng, mindonna saloi ahong suoka nunchan saloi neinunngei tho rangin nangni ruoi ngaÌia, inruna, mi thatna, 22 inreÌna, inruokna, saloi murdi tho nuomna; huongna, hurna, narsana, eÌrona, inpaÌkna, le inmoÌlna ngei aminsuok ngaÌi, 23 ma saloi neinunngei murdi hah nin suÌng tieng renga ahong suoka, male nangni aminnim ngaÌi ani” a tia. 24 Hanchu Jisua’n Galilee ramhuol maÌkin Tyre khopuilien koÌla a sea. In inkhata a luÌta, tuteÌn an riet rang khom joÌt maka, aniatachu ama hah inthupin om thei maka. 25 Nuvengte inkhat, a naÌinupang a suÌnga ratha saloi doÌn han, Jisua thurchi a riet lehan harenghan a honga a kebula aÌnboka. 26 Ma nuvengtenu hah Jentail mi ania, Syria rama Phoenikia ramhuol suÌnga suok ania. Amanu han a naÌinupang suÌnga ramkhori rujuÌlpai pe rangin Jisua koÌm a ngeÌnna. 27 Hannirese, Jisua’n a koÌm, “NaÌingei khop bak rese ngei. NaÌingei bu laÌk pea male uingei koÌma voÌr chu dik mak,” tiin a thuona. 28 Nuvengtenu han a koÌm, “Pu” ani chu ani, hannirese, “naÌingeiin dosaÌng nuoia bu ramal an mathaÌk hah uingeiin an saÌk ngaÌi nimak mo!” tiin a thuona. 29 Masikin Jisua’n amanu koÌm han, “Ma thuona chongbaÌi sikin, ni ina se noÌk inla, na naÌinupang chu ramkhori maÌkin va mu ni ti zoi!” a tipea. 30 Amanu hah a ina a sea, a naÌinupang chu ramkhori maÌkin jaÌlmuna jaÌlin ava mu zoi. 31 Hanchu Tyre ram renga Jisua a joÌk noÌka, Sidon khopui sirin Khopui soÌm ngei ramhuol hah palin Galilee diÌl a tunga. 32 Mi senkhatin kuorseÌt le chongloi a koÌm an hong tuonga. Amapa chunga han a kutngei minngam rangin Jisua an ngeÌnna. 33 Masikin amapa hah Jisua’n lokongei laÌi renga atheivaiin a tuonga, a kutruolngei leh a kuor suÌng ngei hah a toÌn pea, a michil pea, a melei khom a toÌn pea. 34 Hanchu Jisua’n invaÌn tieng enin phuÌkasaÌna aÌnhuÌmma, a koÌm, “Ephatha” a tia, mahah “In-ong roh!” tina ani. 35 Harenghan, a kuorngei a hongvaÌra, a melei inkhitna ngei ahong insuÌta, aÌnthar vangin a chong thei zoi. 36 Hanchu Jisua’n mingei koÌm han tute ril tet loi rangin chong a peÌk ngeia; hannirese misiÌr loi ranga a khap ngei doÌr hah an ril minlum uola. 37 Male ariet ngei murdi’n kamaÌmruoi sabak an tia, “Neinuntin a sin murdi hih idoÌra asa mo ani zoi!” anni han, “KuorseÌt khom a minvaÌr pea, chongloi khom a min chong thei hi, kamaÌm aom bah!” an tia.