Romans 15

1 Eini taksoÌnna taka raÌtngei hin eini raÌisaÌnna rang rok loiin, raÌtloi ngei raÌtloina han ei san ngei rang ani. 2 ManeÌkin taksoÌnna ei phun mindet theina rangin iempu dangei raÌiminsaÌnin anni ranga neinun sa hah ei tho rang ani. 3 Asikchu Khrista khom ama raÌisaÌnna rok maka. Pathien lekhabu’n, “Nang eÌro ngei eÌrona hah ku chunga achul zoi,” ati anghan ani. 4 Pathien lekhabu’n apeÌk ngaÌi sabeina renga tuongdierna le mohoÌkna ei nei theina rangin Pathien lekhabua lei inziek ngei murdi hah ei inchu rang ani. 5 Khrista Jisua nin juÌi anghan nin laÌia inngeÌina ratha han tuongdierna le mohoÌkna hah Pathien’n nangni min doÌn senla. 6 Hanchu, nin reÌngin roÌl-uÌm khatin ei Pumapa Jisua Khrista Pa le Pathien hah nin minpaÌk thei rang ani. 7 Pathien roiinpuina rangin Khrista’n nangni a pom angin inpom inloÌm chit roi. 8 Nangni ki ril, Pathien taksoÌnomna minlangnaÌn an richibulngei koÌma a chonginkhaÌm tuontungin Khrista hah Judangei ruthuÌlin sinthopu’n a juong oma, 9 Jentailngei khomin a moroina sika Pathien an minpaÌk theina rangin. Pathien lekhabu’n: “Masikin Jentailngei laÌia nang minpaÌk ka ta, Ni riming minpaÌkin uoi ki tih,” ati anghan. 10 Ati noÌka, “Jentailngei Pathien mingei leh raÌiminsaÌn roi,” ati sa. 11 Male, “Nangni Jentailngei murdi, Pumapa minpaÌk roi; Mingei murdi khomin minpaÌk rese ngei!” ati noÌka. 12 Male aveÌlin, Isaiah khomin, “Jesse jaÌisuon la hong inlang a ta; Jentailngei chunga inlal rangin la hong om a ta, Ama chunga han an sabeina minngam an tih,” a tia. 13 Ratha Inthieng sinthotheina jaÌra sabeina nin sip theina rangin sabeina naÌr Pathien han ama nin taksoÌnna sikin, raÌisaÌnna le inngeÌinangei nangni minsoÌn pe bang rese. 14 Ku suÌngsuokngei, nangni hih satna akip, rietna murdi doÌnna, inril inloÌm thei rang nin ni tiin tak ko soÌncheÌt ani. 15 Nikhomsenla, neinun senkhat nangni min riet noÌk rangin haÌitakin ma lekha hih ki miziek ania, Pathien’n mi peÌk moroina sikin 16 Jentailngei sinthopu rangin Khrista Jisua tiÌrlaÌm ki ni. Jentailngei hah Ratha Inthiengin minthienga Pathien inboÌlna ringa khoÌktheiruo min ni ranga Thurchi Sa misiÌrna hin ochai angin ki sin ani. 17 Masikin Khrista Jisua leh inzomin hima Pathien sinthona hin insongna ke doÌn thei ani. 18 Jentailngei ruoia Pathien chong min joÌmna rangin Khrista’n sintho le chongrilin keima mi manga, a sinthongei peÌna chu ite dang ril ngam no ninga, 19 sininkheÌlngei le sin kamaÌmruoingei, Pathien Ratha sinthotheina han mi manga, masika han Jerusalem le akoÌl reveÌla ram renga Illyricum deÌnin Khrista Thurchi Sa chu ku phuong let zoia. 20 Midang lungphuÌm chunga sinminding ki ni loina rangin Khrista la riet loina muntina Thurchi Sa phuong hi ku lungdo ani. 21 Pathien lekhabu’n: “A thurchi la rilna ngaÌi loina mingei han muÌng an ta, A koura la riet ngaÌi loingei han riet an tih,” tia aÌnziek anghan. 22 Masika hah keÌng ani, nin koÌma hong rang ki minchaÌi titna ngaÌi. 23 Aniatachu, atuÌn hin hi ram reveÌla hin chu ki sintho ko zoia, kum tamtak nangni hong mu rang ke lei nuom ngaÌi anghan. 24 Spain rama se malamin nangni hong mu rang ko boÌk ani. Chomola nangni le inlopkhoÌm zoiin, nangni sanna renga ka panna rang mun tieng se thei rangin ka sabei ani. 25 AtuÌn tak hin chu Pathien mingei sintho rangin Jerusalema la seÌng ki tih. 26 Macedonia le Achaia rama koiindang mingei han phaltakin Jerusalema Pathien mingei kaÌra inriengngei rangin choÌiruol an tho sikin. 27 Inphaltaka an tho ani, aniatachu an koÌma an intaÌng sa piel khom ani. Asikchu, Jentailngei ratha satvurnangei Judangei an insempuiin chu rammuol neinun satvurna tieng khomin Jentailngei Judangei san rang anaÌng ani. 28 Ma hah ko tho zoiin, an sum ngei an koÌm ka baÌng let zoiin Spain rama se rangin nangni la hong luÌt ki tih. 29 Nin koÌm ko hong tika chu Khrista satvurna akipin hong ki tih ti ki riet. 30 SuÌngsuokngei, ei Pumapa Jisua Khrista le Ratha peÌk lungkhamnaÌn Pathien makunga chubai mi nin thopui tatak ngaÌi rangin nangni ki ngeÌn. 31 Judea rama iemloingei kut renga ko joÌk theina rang le Jerusalema ki sintho hih Pathien mingei khoÌktheiruo ani theina rangin chubai mi thope roi. 32 Pathien’n asa a tiin chu raÌisaÌnna sipmata nin koÌm ko honga ei har inruol theina rangin. 33 AtuÌn inngeÌina Pathien hah nin reÌnga nin chunga om rese, Amen.