Iesusɨm Mbɨsevisir Gumasi 11

1 Iesusɨm mbɨsevisi gumasir rako Judianɨ uÅuimbara avheni iti Kraisɨn phorus tharsi mee kamagh oraghi, igharisirɨ unuaghɨnan gumasi ivhɨra Gotɨna akam nii. 2 Uthughun kavɨn Pita nomthegha Jerusalemɨn guavanambosima, Judarira akhoghɨn gumasi nɨghɨnɨghana aghavaghar Iesusɨn iti tharsi, mee momooÅn niro ofhɨsir rɨghorir otɨvaghava, Pita athara kamaghɨusue, “Nɨɨ gua non momooÅn niro ofhɨsia rɨghorisi phatɨsi gumasir rɨphenir gugha mem phorugha aphi." 4 Mee aÅna azarasima Pita maghɨra aÅm mbatosi bisi bar inderaghavɨra andar gun mem mbɨÅgeeghi, 5 “Khɨɨ Jopanɨ uÅuuni ikhɨvan ikha Gotɨn phorugham mbɨÅgeeghi. Uthughun khavɨn khɨɨ irɨmɨn mɨn bighan mavɨn garima, mbɨsasini ikhɨvan mɨn, mee aÅ 4 pɨla mbɨÅɨriirɨ usuirasima, ana ovhee thaegha zeghira khɨɨ itira aÅanan asara. 6 Mauthughura khɨɨ aÅna avhen garima, asɨsirɨ usue rako afhari ikha unuaghɨnana arui tharsi, ko asɨsir athɨɨr marsi, rako unuaghɨnana avaragha aruir asɨsir marsi, rakoma iphɨn phavagha arui ukuarasi iti. 7 Khɨɨ orasi, itɨɨÅn mav nam mbɨÅgeeghi, ‘Pita, nɨɨ rɨkavigh tharsi vɨsoeghɨva anda ramɨ.’ 8 Mauthughura khɨɨ ana ikara, ‘Ikhɨv bar phatɨghami! Nan akamndooÅni Gotɨna arɨmasi rɨfhaaÅnɨ mbɨzesi bighan thav amesi bar phatɨ.’ 9 Mauthughura ithɨɨŠmav nomthegha Gotɨnɨ uÅuun mbɨÅgeeghi, ‘Got amuisi bisi anda indera. Nɨɨ nomthegh mbɨzesi bisi andara arɨgha thaghɨri.’ 10 A ma akamara ufhuaragha aÅm mbɨkemigha nomthegha uthughum buaaÅniiÅn nom aÅm mbɨÅgeeghi. Uthughun khavɨn mbɨsasini ikhɨvan khavɨ uzuamɨra nomthegha ovheen guavanambo. 11 Uthughun khavɨra gumaghan phunini ko mbɨkethav, mee namɨusua Sisarianɨ uÅuun mee amandasima mee zaa khɨɨ iti rɨphena oto. 12 Mauthughura Gotɨnɨ Utum na mbɨÅgɨ kamaghɨusue, ‘Nɨɨ men phorugh maÅÅamɨusua nɨghɨnɨsira avhɨrira amua thaghɨri.’ Uthughun khavɨn 6 pɨlan Kraisɨn phorus gumasi mee ivhɨra nan phorugha zui. Ee gua namɨusuava akama amandasi gumaghan rɨphenana avhen gue. 13 Mauthughura Kornilius eem mbɨÅgɨ kamaghɨusue, ‘Enselɨn mav nan rɨphenana avhen nambatogha kamaghɨusue, “Nɨɨ gumasi tharsi amandaghti, mee Jopanɨ uÅuun maaÅɨva, Saimon, aÅni izɨɨn mav Pita, aÅm mbatoghɨva ana nigh zɨɨ. 14 AÅm mbɨze tharsir nɨɨ ranɨɨÅga, ma akamara Got nɨɨna akuruvaghtima nɨɨ rɨphenan iti gumasi rako amisi ivhɨra mbɨghɨvɨghɨghi.” ‘ 15 Khɨɨ maghɨra mbɨÅgema Gotɨnɨ Utum men iphɨn zeghiri, barɨ ufhuaraghavɨra a een iphɨn zeghirɨsi moghɨra. 16 Maghɨra khɨɨ Ikhɨvɨ mbɨkemisi mbɨÅgɨÅgɨmaÅgi nɨndɨɨ, ‘Jon gumasi rako amisi rɨmɨn mee urue, khɨɨ gɨn Gotɨnɨ Utuman gamgaaÅn gee uruami.’ 17 Ee ikaaÅi, ee ufhuaragha nɨghɨnɨghana aghavagharan Ikhɨv Krais Iesusɨn itima, Got nonɨ Utum bighana aghuuÅn mɨn eÅga anɨɨÅi. Kamaghɨra thighira Got igharisirɨ unuaghɨnan gumasi ivhɨra nonɨ Utum, bighana aghuuÅ mɨn meÅga anɨɨÅi. Kamagha amuisima khɨɨ thɨɨÅra, khɨɨ Gotɨn iÅaaran thɨvaghti?" 18 Mauthughura nɨghɨnɨghana aghavaghar Iesusɨn iti gumasi kamagh oraegha, nomthegha andaran nɨghɨnɨsi phatɨgha Gotɨn izɨɨ ufha, kamaghɨusue, “A indera, Got ivhɨra igharisirɨ unuaghɨnan gumasi rako amisi vɨnamɨnaaÅ ratɨghtima mee ivhɨra nɨghɨnɨsigh ɨraghɨva mɨghasɨgha itir ikɨrɨran aghuuÅ niaÅga." 19 Mee Stivenɨm mbɨsuesi aÅna aremisirɨ uthughun, mee ivhɨra nɨghɨnɨghana aghavaghar Iesusɨn iti tharsi othevir maghatɨsir meÅga amuisima, mee ivhɨra atamatam ara gua Fonisian distrigh ko Saiprusɨn mɨghsɨm ko Antioghɨnɨ uÅuun gua Iesusɨna akaman Judarir akoghɨn gumasi vɨÅgeeghi. 20 Mauthughura mena marsi ivhɨra Saiprusɨn mɨghsɨm ko Sairininɨ uÅuuni ikhegha zegha, Antioghɨn guegha Ikhɨv Iesusɨn akaman aghuuÅn gun GrighiiÅna akamaÅga aghui gumasi rako amisi vɨÅgeeghi. 21 Mem mbɨkemisima Ikhɨvan gamgaaÅ men phorugha iti. Mauthughura gumasi rako amisir avhɨrara nɨghɨnɨghana aghavaghar Ikhɨvan ikava non nɨghɨnɨsigh ɨragha Ikhɨvousua ze. 22 Uthughun khavɨn Jerusalemɨni iti Kraisɨna andarsi bighan khavɨn niaghagha oraegha, mee Barnabasa amandasima a Antioghɨn gu. 23 Mauthughura an otogha garima, Got menɨ ukuarukuvigha, men akuruvaghava othevir aghuuira meÅga amuima Barnabas bari inighinisi. Mee non navira avherira avhen guisimbaaÅra Ikhɨvan phorugh ikaamirɨ mbɨÅgɨmɨÅgɨr mem mbɨÅgeeghi. 24 A bar gumaghan aghuuÅ, Gotɨnɨ Utum aÅgi izɨvasima Gotɨn nɨghɨnɨghana aghavaghar aÅni iti. Mauthughura gumasi rako amisir avhɨrara bar Ikhɨvousua ze. 25 Uthughun khavɨn Barnabas Solɨusua uruiisua Tarsusɨn zui. 26 An aÅn ganigha, ana nigha Antioghɨn ze. Ombaranɨ uvhuavɨrana avhen Barnabas ri Sol noni nigha Kraisɨna andarsi phorugha noria akuvaghav iti. AniiÅ bar gumasi rako amisira avhɨrara men surea amui. Uthughun khavɨn Antioghɨn gumasi rako amisi ufhuaraghavɨra izɨɨn khavɨn meÅga athɨ, Kraisɨn gɨn zui tharsi. 27 Uthughun khavɨn, Gotɨna ambuuÅn gumasir marsi Jerusalemɨni ikhegha Antioghɨn zui. 28 Mena mav, aÅni izɨɨ Agabus, a rɨkavhigha utugha Gotɨnɨ Utuman gamgaaÅn kamaghɨusue, RomiiÅ garirɨ unuasira asɨsive bara aghae othevighemi. Kha bighaaÅ Sisar Klodius ativasir gumaghan itirɨ uthughun oto. 29 Uthughun khavɨn suren gumasi akamam mbɨsuegha mee uvhuaghuvaghava nona ambirambin mɨn aÅgɨro ovɨsi anɨɨÅgava, Judian distrighɨn iti Kraisɨn phorus tharsira akuruvaghaousua anda amaaÅmɨusua. 30 Mee kamagh amuigha mee nona aÅgɨro ovɨsi nigha, Barnabas ri Solɨa aniiÅsi, aniiÅ anda nigha gua Kraisɨna andarsir gumasira aphanigha anɨɨÅi.