Iesusɨm Mbɨsevisir Gumasi 15

1 Judian distrighɨn gumasir marsi Antioghɨn zegha Kraisɨn phorus tharsir surea amua kamaghɨusue, “Gee Mosesɨno othevir gɨn maÅɨva non momooÅn niro ofhɨsia rɨghorightima Got nomthegh gee niaÅga. Gee non momooÅn niro ofhɨsia rɨghghorighem phatɨghtima Got nomthegh gee nighem phatɨghami." 2 Kamagha amuisima, Pol ri Barnabas andaran ikɨvan men phorughava aÅga amui. Kamagha amuisima Kraisɨn phorusi tharsi Pol ri Barnabasɨ mbɨÅgɨ kamaghɨusue, “Ena marsi aÅgon phorugh Jerusalemɨn maaÅɨva, Iesusɨm mbɨsevisi gumasir rako Kraisɨn phorusi gumasira aphanir phorughɨva akaman khava rɨkɨrami." 3 Mauthughura Kraisɨna andarsi mee amandasima Pol ri Barnabas koma Kraisɨn phorusi marsi ivhɨra men phorughava Fonisian distrigh ko Samarian distrigh mogh gu. Mee gua igharisirɨ unuaghɨnan gumasi non nɨghɨnɨsigh ɨrasi bisir gun mem mbɨÅgeeghi. Mem mbɨkemisima Kraisɨn phorusi tharsi mee bar mbɨÅgɨÅgɨman khavɨ oraegha bari inighinisi. 4 Mauthughura Pol ri Barnabas koma Kraisɨn phorus tharsi mee gua Jerusalemɨn othuivi. Mee othuivisima Iesusɨm mbɨsevisi gumasir rako Kraisɨna andarsi rakoma men gumasira aphani bar vhusvhusigha mee nii. Uthughun khavɨn Pol ri Barnabas Got aniiÅn afharimuuna amuisi bisi, aniiÅ andar gun mem mbɨÅgeeghi. 5 Mauthughura FarisiiÅna akoghɨn gumasir marsi nɨghɨnɨghana aghavaghar Iesusɨn iti tharsi, mee rɨkavhigha kamaghɨm mbɨÅgeeghi, “Igharisirɨ unuaghɨnan iti gumasi ivhɨra Moses osɨrisiro othevir gɨn maÅɨva non momooÅn niro ofhɨsia rɨghoromi." 6 Iesusɨm mbɨsevisi gumasi rako Kraisɨna andarsir gumasira aphanira akaman khava rɨkɨrousua nori akuvagha iti. 7 Uthughun uruaran mee bighan khavɨn mbɨÅgɨ gugha Pita rɨkavhigha mem mbɨÅgeeghi, “Nana avheeÅmbuagha gee ikaaÅi. Got fhomɨra gen thooÅn nam mbɨsevigha kamaghɨusue, ‘Nɨɨ igharisirɨ unuaghɨnan gumasi nana akaman aghuuÅn mbɨÅgɨÅgɨman gun mem mbɨkɨmtima mee oraegh nɨghɨnɨghana aghavaghar Iesusɨn ikaami.’ 8 Ee ikaaÅi. Got gumasi rako amisir navir averi ikaaÅi. A nonɨ Utuman igharisirɨ unuaghɨnan gumasigha anɨɨÅi. A eÅga amuisi moghɨra, a meÅga amui. A bighan khavɨn en khɨvagha, a men vhusvhusigha nom mee nii. 9 Gotɨna arɨmasi rɨfhaaÅn Judarii rako igharisirɨ unuaghɨnan gumasi, ee bar mamaghɨra gue. Igharsirɨ unuaghɨnan gumasi nɨghɨnɨghana aghavaghar Iesusɨn itima, Got men navigha amuisima mee aÅna arɨmasi rɨfhaaÅnɨ uzue. 10 Moses fhomɨra osɨrisir othevi ena avhavi andar gɨn maÅÅan iÅgurasi tharsi rako othevi ee thighira ivhɨra andar gɨn maÅÅan iÅguraÅguraesi tharsi, gee anda nigha nɨghɨnɨghana aghavaghar Iesusɨn iti tharsir ranɨɨÅga. Gee theghousua kamagha amua Gotɨ ondaaghi? 11 En nɨghɨnɨghana aghavaghar kamaghɨusue, ‘En Ikhɨv Iesus enɨ ukuarkuvisi, Got ena akurasi moghɨra mena akuruvaghami.’ “ 12 Uthughun khavɨn gumasi nori akuvasi tharsi bar inɨmɨre ikha Barnabas ri Polrɨ orasi. Mee orasima, aniiÅ gamgaaÅn bisi rako rɨÅgavan maghatɨgha amuir othevir gun mem mbɨÅgeeghi. AniiÅ kamaghɨusue, “Got aniiÅn afharir othevir kharsi igharisirɨ unuaghɨnan gumasira arɨghana, andagha amui." 13 AniiÅm mbɨkemigha gɨvasima Jems kamaghɨm mbɨÅgeeghi, “Nana avheeÅmbuagha, gee nam mbaragh. 14 Saimon en niaghagha kamaghɨusue, ‘Got fhomɨra igharisirɨ unuaghɨnan gumasi nonɨ ukuarkuvano othɨvhan men khɨvasi phatɨ. Thighira Got rɨkɨnarɨkara igharisirɨ unuaghɨnan gumasi nonɨ ukuarkuvano othɨvhan men khɨvagha, men arɨghan gumasir marsi nombɨusua mee nigha meÅga amuisi, mee aÅn gumasi rako amisiva othuivi.’ 15 Gotɨna ambuuÅn gumasi em mbɨkemesi moghɨn a mamaghɨra gu. Mee fhomɨra kamagh osɨri, men osɨrisi mbɨÅgɨmɨÅgɨra khara, 16 ‘Got kamaghɨm mbɨÅgeeghi, “Devitna andarsi mee ambɨkavan mɨn ighaghire. Gumughun khɨɨ nomthegh zɨɨva, aÅ ramuighti a utughami. An bisir tharsi maghatɨghti khɨɨ nomthegh andara amuighemi. Khɨɨ nomthegh aÅ ramuighti a inderaghami. 17 Gumughun gumasi rako amisi ikhavɨre itir tharsi namɨusua uruimi. Khɨɨ meni Ikhɨv. Igharisirɨ unuaghɨnan gumasi rako amisi khɨɨ nombɨusua mbɨsevisi tharsi ivhɨra namɨusua uruimi.” Ikhɨv kamaghɨm mbɨkemi. Ana amui bisir kharsi a fhomɨra fhomɨra gumasi rako amisir khɨvasi mee anda ikaaÅi.’ “ 19 Mauthughura Jems gua kamaghɨm mbɨÅgeeghi, “Nan nɨghɨnɨghara khara. Igharisirɨ unuaghɨnan gumasi, mee navighɨ ragha Gotɨusua zuima ee osɨmndɨsir mera anɨɨÅgam phatɨghami. 20 Ee memɨusua osɨrɨva kamagh mem mbɨkɨmaÅga, ‘Gee mee marvir guagha anɨndir aghaer rama thaghɨri. Gee anda rameghemi, gee Gotɨna arɨmasi rɨfhaaÅn maghatiighemi. Gee nori nigha akuir othevir maghatɨsi ramua thaghɨri. Mee umbuerɨ ufhɨri vɨkɨrima arɨghiresi asɨsi, andar Åae andare iti gee anda rama thaghɨri. Gee Åaana thava rama thaghɨri.’ 21 Gee ikaaÅi. Moses osɨrisi othɨvhan khav, fhomɨra zaa thighira, mee aÅna akam uÅuimbar avhen ana ukuri. Mee avhughususanɨ uthughun uthusir mɨghasɨgha Gotɨn phorugha mbɨÅgeer rɨphenir avhen aÅ rɨmbori." 22 Iesusɨm mbɨsevisi gumasir rako Kraisɨna andarsir gumasira aphani koma Jerusalemɨni iti Kraisɨna andarsi mee Jemsɨn akaman mbɨnambagha norira arɨghan gumaghan mania mbɨsevi, Sailas ri Judas. Judas aÅn izɨɨn mav Barsabas. Gumaghan khaniiÅ Kraisɨn phorus tharsir ufhuaragha zui. Mee aniiÅ amandasima aniiÅ Pol ri Barnabasɨn phorugha Antioghɨn zui. 23 AniiÅ mbɨgharan khav nigha zui. Mbɨgharan khav kamaghɨusue. “Ee, Iesusɨm mbɨsevisi gumasir rako Kraisɨna andarsir gumasira aphani, ee gena andarsi. Ee gemɨusua mbɨgharan khava amandi. Gee igharisirɨ unuaghɨnan iti tharsi nɨghɨnɨghana aghavaghar Iesusɨn iti. Gee Antioghɨnɨ uÅuun ko Sirian distrigh koma Silisian distrighɨn iti. Uthughun aghuuÅ. 24 Ee kamagh oraghi, ena marsi, ena azarasi phatɨgha gua gem mbɨÅgɨ gen nɨghɨnɨsira afaravaghi. Mee gen khorigha amuisi gee atamatami nɨghɨnɨsi. 25 Kamagha amuisi ee bar navan uvhuavɨra nigha aniiÅ mbɨsevigha aniiÅ amandasi aniiÅ Barnabas ri Pol phorugha zui. Barnabas ri Pol aniiÅ en aveeÅphomana aghuuÅni. 26 Gumaghan khaniiÅ, aniiÅ noniiÅgɨ nɨndɨsi phatɨgha utughava aghavagharigha en Ikhɨv Krais Iesusɨn izɨɨn akamɨ ukuri. 27 Kamagha amuisi, Judas ri Sailas mbɨgharan khavɨn itira akaar gun gem mbɨkɨmamɨusua, ee aniiÅ amanda. 28 Ee Gotɨnɨ Utuman phorugha navan uvhuavɨra ikha nɨghɨnɨgha kamaghɨusue. Ee osɨmndɨgha thav nomthegh gee ranɨɨÅgam thughatɨs phatɨghami. Bisir ee gem mbɨkɨmamɨusua amui tharsi gee andar gɨn maaÅɨ. 29 Gee mee marvir guagha anɨndir aghaer rama thaghɨri. Gee anda rameghemi, gee Gotɨna arɨmasi rɨfhaaÅn maghatiighemi. Asɨsi mee umbuerɨ ufhɨri vɨkɨrima arɨghiresi tharsi, andar Åae andare iti gee anda rama thaghɨri. Gee Åaana thava rama thaghɨri. Gee nori nigha akuir othevir maghatɨsi ramua thaghɨri. Gee bisir kharsi a thaegh inderaghami. En akam kamaghɨrou utu." 30 Mauthughura Jerusalem iti Kraisɨna andarsi, gumasi kharsi amandasima, mee Jerusalema thaegha Antioghɨn guegha Kraisɨna andarsi akuvagha mbɨgharan meÅga anɨɨÅi. 31 Mauthughura Antioghɨn iti Kraisɨna andarsi mbɨgharan khavɨ orasima, ana aghavaghar meÅga anɨÅga men navigha amui anda indera. Mee bighan khavɨusua bari inighinisi. 32 Judas ri Sailas aniiÅ ivhɨra Gotɨna ambuuÅn gumaghaniiÅ. AniiÅm mbɨÅgɨÅgɨr avhɨrara meÅga amui. Kamagha amuisi aniiÅ aghavagharan Kraisɨna andarsigha anɨɨÅga akuruvasir mbɨÅgɨÅgɨra avhɨrara amui. 33 Mee uthusi marsi men phorugha Antioghɨni ikhee. Gɨn Kraisɨna andarsi navan amɨɨÅndɨgh nigha mee amandasi, mee nomthegha Jerusalemɨn gumasi mee ameeÅsi tharsivɨusua zui. 35 Pol ri Barnabas Antioghɨni ikava gumasi rako amisir surea amua Ikhɨvan akamɨ ukuri. Gumasi marsi ivhɨra aniiÅ phorugha men surea amua Ikhɨvan akamɨ ukuri. 36 Gumughunɨ uthusir marsi gɨvasima Pol gɨn kamagh Barnabasɨm mbɨÅgeeghi, “AÅga nomthegh uÅuimbar aÅga Ikhɨvana akamɨ ukunisi tharsi maÅÅɨva, aÅga Kraisɨn phorus tharsi ganaÅgami, mee manmaghɨre iti." 37 Mauthughura Barnabas kamagh nɨghɨnɨsi, Jon, aÅni izɨɨn mav Mak, ana nightima, ana aniiÅn gɨn maÅaÅga. 38 Jon Mak, Pamfilian distrighɨn phurama aniiÅ athaegha aniiÅn phorugha iÅaara gɨvasi phatɨ. Kamagha amuigha, ana aniiÅn phorugh maÅÅamɨusuava amuima Pol aÅgi iphɨrphɨri. 39 AniiÅ akamndooÅni mbɨzorighan ikhɨva amuigha aniiÅ nonia bɨghi. Mauthughura Barnabas ri Mak ukur nigha Saiprusɨn mɨghsɨman gu. 40 Pol Sailasam mbɨsevi. Mauthughura Kraisɨn phorus tharsi mee nori akuvagha aniiÅ nigha Ikhɨvana aghara athɨgha kamaghɨm mbɨÅgeeghi, “Ikhɨvanɨ ukuarkuv aÅgon phorugh ikaami.” Mauthughura aniiÅn gu. 41 AniiÅ Sirian distrigh koma Silisian distrigh mogh gua, Pol aghavagharan Kraisɨna andarsigha anɨndi.