Iesusɨm Mbɨsevisir Gumasi 2

1 Pentikosɨnɨ uthughun ikhɨvo otosima, Iesusɨm mbɨsevisi gumasi mee noria akuvagha rɨphenan mavɨn iti. 2 Mauthughura uzuamɨra mee orasima nɨnɨɨÅn ikhɨvan mav Gotɨnɨ uÅuun ikhegha zeghira, gamiiÅn gamgaaÅ mɨn zii. A mee apiighav iti rɨphen bar ana izɨvagha ana noghi. 3 Mee garima bighan mav arivam mbɨzan mɨn otogha bɨghira uvhuaghuvhuagha men aphanir isɨrigha aphighi. 4 Mauthughura Gotɨnɨ Utum barbar mee izɨvaghava, gamgaaÅn meÅga aniiÅga meÅga amuima, mee uÅuimbar igharisi tharsir akaa vɨÅgeeghi. 5 Uthughun khavɨn Judarir akoghɨn gumasi rako amisi fhomɨra gua igharisi uÅuimbarɨ unuasir iti tharsi mena marsi nomthegha zaava Jerusalemɨni iti, mee ivhɨra Gotɨn apheeÅn iti. 6 Ara mee nɨÅnɨɨÅn khavɨ oraegha zaa bar nori akuvaghav ikava, mee uvhuaghuvhagha orasima gumasi rako amisi menɨ uÅuimbar akaa vɨÅgeeghi. 7 Kamagha amuisi mee osemigha atam nɨghɨnɨsi. Ara mee rɨÅgavan maghatɨgha amuighava azaaghi, “Kha mbɨÅgeer gumasi mee bar Galilin distrighɨn gumasira! 8 Manmagh amuigha ee barɨ uvhuaghuvhagha memba orasima mee enɨ uÅuimbar akaara vɨÅgeeghi? 9 Ena marsi, Partianɨ unuaghɨn ko Midianɨ unuaghɨn ko Elamɨnɨ unuaghɨnan ze. Marsi Mesopotemianɨ unuaghɨnan zesi gumasi. Marsi Judian distrigh ko Kapadosian distrigh ko Pontusɨn distrigh koma Esian distrighɨn ze. 10 Marsi Frigian distrigh ko Pamfilian distrighɨn ze. Marsi Isivɨnɨ unuaghɨn, ko Libian distrighɨna avheni itira aÅan, a uÅuun ikɨvan mav Sairinin aghangere iti tharsi mee ze. Marsi Judarir akoghɨn gumasi RomiiÅnɨ uÅuuni ikhegha zesi tharsi. 11 Ee barbar, Judarir akoghɨn gumasi rako igharisirɨ unuaghɨnan gumasi, mee Judariro othevir gɨn zui tharsi, mee ivhɨra, ena marsi. Ena marsi Kritɨn mɨghsɨm koma Arebian distrighɨn gumasi, ee uvhuaghuvhuagha memba orasima mee enɨ uÅuimbar akaar Gota amuisi bisir ikiir gunɨm mbɨÅgeeghi!" 12 Judarir akoghɨn gumasi rɨÅgavan maghatɨgha amuighava phurama atamatam nɨghɨnɨghava norir azaaghi, “Khara theghanan bighaaÅ?" 13 Judarir akoghɨn gumasir marsi rɨmbovira akaa vɨÅgɨ kamaghɨusue, “Mee uainir rɨphar avhɨrara amegha oÅani." 14 Pita, Iesusɨm mbɨsevisir 11 pɨlan gumasir phorugha utughav ikha, a gumasi rako amisi mbɨghɨravɨra kamagh mem mbɨÅgeeghi, “Gee Judarir akoghɨn gumasi rako Jerusalemɨni itir gumasi rako amisi, gee bar inderaghɨvɨra nambaragh. Khɨɨ kha othuivisi bisir gun gem mbɨkemightima, gee anda ikeeÅgemi. 15 Gumasir kharsi uainiro ovɨsiri imboori rɨpha aphava oÅanisi phatɨ. Gee ikaaÅi, khara 9 okloghɨ rɨmaaÅra. 16 Bighan khav oto, khara Gotɨna ambuuÅn gumagh, Joel fhomɨra mbɨkemisi moghɨn, 17 ‘Got kamaghɨm mbɨÅgɨ kamaghɨusue, “Gɨn zaamirɨ uthusi tharsir khɨɨ nonɨ Utuman gumasi rako amisi bar mee ranɨɨÅgami. Uthughun khavɨn gen otari rako guivi Gotɨna ambuuÅn gumasir mɨn mbɨkɨmtima, gen gumasir iÅgaa irimbar mɨn bisir gantima, gen gumasir guri iriiÅmbara akuuva bisir ganaÅgami. 18 Uthughun khavɨn nan iÅaarir gumasi rako amisi, khɨɨ nonɨ utuman ivhɨra mee raniiÅtima, mee Gotɨna ambuuÅn gumasir mɨn akaa vɨkɨmaÅga. 19 Gumughun khɨɨ iphɨno ovheen rɨÅgavan maghatɨgha amuir othevia khɨvɨva, unuaghɨnan gamgaaÅn bisira amuaÅga. Uthughun khavɨn Åaan ko ariv koma mbɨturan ikhɨv otuivami. 20 Uthughun khavɨn aro gɨngɨnightima, ikɨni Åaanan mɨn otuivami. Bisir kharsi ufhuaraghɨvɨra othuivightima, gɨn Ikhɨv zaamirɨ uthugh otuivami. Kha uthughun Ikhɨv non gamgaaÅ ko aÅaran phorugh zaami. 21 Uthughun khavɨn Ikhɨvani izɨɨn dee tharsi, a men akuruvaghtima mee mbɨghɨvɨghɨighemi.” ‘ 22 IsraeliiÅn akhoghɨn gumasi rako amisi, gee mbɨÅgɨÅgɨman khavɨ oragh. NasaretiiÅn gumagh Iesus, Got gemɨusua ana amandagha gamgaaÅn aÅga anɨɨÅi. AÅga aniiÅsima, a iÅaarir aghavagharir ikii rako rɨÅgavan maghatɨgha amuir othevi koma gamgaaÅn bisi gen thooÅn andagha amui. Ana andagha amuisima, anda othuivisima gee andar ganigha nori ikaaÅi. 23 Got non vhusvhusan gɨn gua gemɨusua fhomɨra nɨghɨnɨghan mavɨ amuigha, nono otar nigha gen afharigha athɨ. Mauthughura gee ana nigha gumasir maghatɨsir afharɨa athɨsima, mee ana nigha khani ighuuvan ana athɨghava aÅga afhusi, ana aremi. 24 OvhevheeÅn othɨv Iesusɨnɨ usuiragham thughatɨs phatɨ. Kamagha amuisi, Got aÅga amuisi a rɨkavhigha ovhevheeÅn osɨmndɨgha thaghi. 25 Devitɨn mbɨtisirɨ mbɨghar kamaghɨm mbɨkemi, ‘Khɨɨ Ikhɨvan garima a mɨghasɨgha nana aghan ikhavɨre iti. A gamgaaÅ naÅga anɨndi. Bigha thav na ramuighti, khɨɨ irɨraÅgɨvaghɨva avhighevhighem phatɨghami. 26 Nɨɨ na thaeghtima nanɨ utum khuurɨ uÅuun ikeghem phatɨghami. Nɨɨ nombɨra nombɨusua mbɨsevisi gumagh ana thaeghtima a kurighem phatɨghami. Kamagha amuisi nan nav inderasima khɨɨ mbɨÅgɨÅgɨr aghuuira amui. Got na ramuaÅgamir bisir aghuuira, kha andavagha gari. 28 Nɨɨ, ikɨrana aghuuÅ niaÅgamirɨ utuavɨn, nan khɨvagha gɨva. Khɨɨ nɨɨn phorugh ikaami, nɨɨ na ramuighti, khɨɨ bar phuvɨra inighinighemi.’ 29 Nana avheeÅmbuagha, khɨɨ guisimbaaÅra gem mbɨÅgeeghi, en avhav Devit aremisima mee ana rafha. AÅna akɨman umogh thighira en phorugha ikha khari iti. 30 Devit a Gotɨna ambuuÅn gumaghan mav, a ikaaÅi, Got akaman rɨÅgɨran aghavagharan aÅga aniiÅga kamaghɨusue, ‘Nɨɨ ativasir gumagh, khɨɨ nɨɨn aÅan niamɨusua nɨɨna avava thavam mbɨsevighemi.’ 31 Got gɨn ramuaÅgamir bigh, Devit ana ikaaÅi, a Got nom ee niamɨusua mbɨsevisi gumagh ana aremigh nom rɨkavamir bighaaÅm mbɨÅgeeghi. A kamaghɨusue, Got ana thaeghtima aÅna arɨghiresi tharsir arɨghanɨ umoghɨn avhen ikeghem phatɨ. AÅm mbɨkarɨgh kurighem phatɨghami. 32 Gumaghan khav Iesus, Got aÅga aghurasima a nomthegha rɨkavhi. Ee nori nona arɨmasir aÅn ganigha, mbɨÅgeeghi. 33 A guavanaÅga non Inaghavesɨn guvɨn aghara apheraghav ikha aÅn iphɨn gamgaaÅ nii. AÅni Inaghavhes aÅm mbɨkemisi moghɨn a nonɨ Utuman aÅga anɨɨÅi. Gee thighira oraghava garir bisir kharsi, Iesus nombɨ Gotɨnɨ Utum emɨusuava ana amandasima ee aÅn gamaaÅn iphɨn bisigha amui. 34 Devit Iesusɨn mɨn Gotɨnɨ uÅuun gus phatɨ. A kamaghɨm mbɨÅgeeghi, ‘Ikhɨv kamagh nan Ikhɨvam mbɨÅgɨ kamaghɨusue, “Nɨɨ khagh nana agharan guvɨra apheraghɨva, 35 mamaghɨra ikhɨtima khɨɨ nɨɨn aphani rɨkambuuÅtima mee nɨɨn apheeÅn ikaami.” ‘ 36 Kamagha amuisima, gee Israeli gee bar bighan khav ikaaÅi. Geem mbɨsuegha khani ighuuvan gurasi Iesusɨn khav, thighira Got aÅga amuisima a Ikhɨvan oto. A Got nom ee niamɨusua mbɨsevisi gumagh." 37 Ara gumasi rako amisi Pitan akama mbarasi, aÅm mbɨÅgɨngɨ men navigh inivima, mee kamagh Pita koma Iesusɨm mbɨsevisi gumasir igharisi tharsi vɨÅgeeghi, “Ena avheeÅmbuagha, ee manmaghɨra ramuti?" 38 Mauthughura Pita kamagh mem mbɨÅgeeghi, “Gee bar nɨghɨnɨsigh ɨraghɨva Krais Iesusɨn izɨɨn urueghtima Got geno othevir maghatɨsi gɨn amandaghɨva maghɨra, a nonɨ Utum gemɨusua ana amaaÅga. 39 Got fhomɨra akama rɨkɨrigha kamaghɨusue, a nonɨ Utum gemɨusua ana amaaÅga, gegha, gen boori rako, gen isaghuni iti tharsi, mee bar. Got, en Ikhɨv, gumasi rako amisi a dɨɨsi tharsi, a nonɨ Utum memɨusua ana amaaÅga." 40 Mauthughura Pita mbɨÅgɨÅgɨr avhɨrara meÅga amuava akaar aghavagharir marsi ivhɨra mem mbɨkemi, “Gee norira norir akuraghti, Gotɨ uthughun khavɨn gumasi rako amisir maghatɨsir kharsigh asɨghasɨghɨva ivhɨra geÅga asɨghasiighem phatɨghami." 41 Mauthughura gumasi rako amisira avhɨrara aÅna akama mbaraegha aÅn vhusvhusigha urue. Uthughun khavɨn Got nom 3,000ɨn gumasi rako amisir marsi nom mee nisima mee Kraisɨna andarsira avhen ze. 42 Kraisɨna andarsi mee Iesusɨm mbɨsevisi gumasi vɨÅgɨmɨÅgɨv oraegha, bisir norira akuruvagha, nori nigha aphava, Gotɨn phorughum mbɨkɨmamɨusua bar vhusvhusi. 43 Uthughun khavɨn Iesusɨm mbɨsevisi gumasi, mee rɨÅgavan maghatɨgha amuir othevir avhɨrara ko gamgaaÅn bisira avhɨrara amui. Kamagha amuisima gumasi rako amisira avhɨrara rɨÅgavan maghatɨgha amui. 44 Uthughun khavɨn nɨghɨnɨghana aghavaghar Iesusɨn iti tharsi navanɨ uvhuavɨra iti. Mee bisi iti tharsi, mee norira akuruvasi. 45 Ara mee nonɨ unuasi rako bisi amaÅga andar aÅgɨro ovɨsi nigha aghae othevisi tharsir akuruvasi. 46 Mee uthusir mɨghasɨgh mɨghasɨgha Gotɨ rɨphena mbɨroghɨn nori akuvi. Mee uvhuaghuvhuagha rɨphenigha aruava nori nigha aphava bar inighinighava, mee navanɨ uvhuavɨre iti. 47 Mee Gotɨni izɨɨ ufhima, gumasir igharis tharsi bar meÅgi iphui. Mauthughura uthusi uvhuaghuvhuagha Ikhɨv mɨghasɨgha gumasi rako amisir akurasima mee mbɨghɨvɨghɨghi. Kamagha amuisi mee bar avhɨrekevi.