Iesusɨm Mbɨsevisir Gumasi 22

1 Pol kamaghɨusue, “Nana andarsi rako nani inasi, gee oragh. Khɨɨ thighira inderaghavɨra gen niaghaami. Khɨɨ osɨmndɨgha thavɨ amuisi phatɨ." 2 Mee aÅm mbarasima, a Hibruna akaman mem mbɨÅgeema, mee bar inɨmɨre iti. Pol kamaghɨm mbɨÅgeeghi, 3 “Khɨɨ Judarir akhoghɨn gumaghan mav, nani inaghamuuÅ Tarsusɨnɨ uÅuun nam mbate, a Silisian distrighɨn iti uÅuu. Gumughun khɨɨ Jerusalemɨn uÅuun ikhava aghuuÅi. Khɨɨ Gamalielɨn afharimuunɨ itima a Judarir othevir nan surea amuisima, khɨɨ bar inderaghɨvɨrama anda ikaaÅi. Gee thighira Gotɨn gɨn maÅÅamɨusua bar aghavagharisi moghɨra, khɨɨ ivhɨra mamaghɨra. 4 Khɨɨ fhomɨra Kraisɨna andarsira fharavagha mem mbɨsosima mee arɨghiri. Gumasi rako amisi barbar menɨ usuighava ukuaghaviir mee ikava mee niava rɨvɨnan kɨrthɨghana avhen mee arɨsi. 5 Gotɨna aphuraphurava aghae rako bisir aÅga anɨndi gumasiri ikii rako Judariro osɨmndɨsiva oraghava anda rɨkɨri rɨphenira avherir iti gumasi bar nano othevi ikaaÅi, gee mena azaaÅtima, mee andar gun gem mbɨkɨmaÅga. Mee Damaskusɨni iti Judarira akhoghɨn marsivɨusuava osɨrisirɨ mbɨgharir marsir naÅga anɨɨÅisima khɨɨ utuavɨn gua non nɨghɨnɨghan kamaghɨusue, ‘Khɨɨ thighira maÅɨva Kraisɨna andarsi nighɨva rɨvɨnan kɨrthɨghan garir gumaghan mɨn mee nighɨva Jerusalemɨn zɨva, mbɨzasir mee ranɨɨÅgami.’ Kamagha amuigha khɨɨ bighan khavɨusua Damaskusɨnɨ uÅuun zui." 6 Mauthughura Pol mbɨÅgɨ guava kamagh mem mbɨÅgeeghi, “Khɨɨ arona ararɨghan Damaskusɨnɨ uÅuum mbɨroghɨn zuima, aÅaran gamgaaÅ mav Gotɨnɨ uÅuuni ikhegha bar naÅgi isira. 7 Khɨɨ unuaghɨnaÅgi irɨghava orasima, itɨɨÅn mav nam mbɨÅgeeghi, ‘Sol! Sol! Nɨɨ manmaghɨusuavɨra nara afharavasi?’ 8 Mauthughura khɨɨ aÅna azara, ‘Ikhɨv, nɨɨ thɨɨÅra?’ Mauthughura ma ithɨɨŠkamaghɨusue, ‘Khɨɨ NasaretiiÅn gumagh Iesus, nɨɨ nara afharavasi.’ 9 Uthughun khavɨn nan phorugha zui tharsi, mee aÅaran khavɨn ganigha, mbɨÅgɨÅgɨɨva oraghava, inderagha kamagh ikeeÅsi phatɨ, thɨɨÅra em mbɨÅgeeghi. 10 Mauthughura kha aÅna azaaghi, ‘Ikhɨv, khɨɨ manmaghɨra ramuti?’ Ikhɨv nam mbɨÅgeeghi, ‘Nɨɨ rɨkavighɨva Damaskusɨnɨ uÅuum maaÅɨ. Gumagha thav gumughun munagh, khɨɨ nɨɨmɨusua mbɨsevisiri iÅaari bara, andar gun nɨɨm mbɨkɨmaÅga.’ 11 Maghɨra aÅaran khav nana arɨmaghaniiÅ mbɨghɨravɨrama aniiÅgi isirasima, khɨɨ gari phatɨ. Kamagha amuisima nan phorugha iti tharsi mee nona afharir nan usuiragha na nigha Damaskusɨn gu. 12 Gumughun gumaghan mav, aÅni izɨɨ Ananaias, a Gotɨn apheeÅn ikava, Moses osɨrisir othevi bar inderaghavɨra andar gɨn zui. Damaskusɨn iti JudariiÅna akhoghɨn guamasi rako amisi kamaghɨusue, ‘A gumaghan aghuuÅ.’ 13 A zaa nan gani. A nana aghanɨ utugha, nam mbɨÅgeeghi, ‘Nana avheeÅphom, Sol, nɨɨna arɨmaghaniiÅ nomthegha inderaghɨri.’ Mauthughura, khɨɨ maghɨra Ananasɨn garima, 14 a nam mbɨÅgeeghi, ‘Ena avhavir Got non vhusvhus ikaaÅmɨusua nɨa mbɨsevi. Nɨɨ othevira Aghuigha Amui Gumagh, aÅni izɨɨn mav Iesus nɨɨ aÅn ganɨva, ana akamdooÅnin othuivi vɨÅgɨmɨÅgɨvo oraghaousua Got nɨɨa mbɨsevi. 15 Mamagha amuigha nɨɨ aÅna akamɨ ukunɨva, nɨɨ ganighava oraesi bisir gun gumasi rako amisi bar andar gun mem mbɨkɨmri. 16 Thighira nɨɨ theeghɨnamɨusua gara iti? Nɨɨ rɨkavighɨva Iesusɨn izɨɨ rɨmboruaghtima khɨɨ nɨɨ urueghtima Got nɨɨno othevir maghatɨsi amosighemi.’ “ 17 Mauthughura Pol mbɨÅgɨ guava kamaghɨusue, “Khɨɨ gumughun nomthegha Jerusalemɨn zeghava, khɨɨ Gotɨ rɨphenam mbɨroghɨn gugha Gotɨn phorugha mbɨÅgɨvi khava irɨmɨn mɨn bighan mavɨn gani. 18 Khɨɨ Ikhɨvan garima a nam mbɨÅgeeghi, ‘Nɨɨ uzuamɨra rɨkavighɨva Jerusalema thaegh maaÅɨ. Nɨɨ khagh nana akamɨ ukuntɨma, mee aÅm mbaraeghem phatɨghami.’ 19 Kha ana ikara, ‘Ikhɨv, gumasi kharsi ikaaÅi, khɨɨ Gotɨn phorugha mbɨÅgeer rɨphenigha arua gumasi rako amisi nɨghɨnɨsira aghavaghari nɨɨn iti tharsirɨ usuigha mee rɨvɨnan khɨrthɨgha arɨgha, mee mbɨsosi. 20 Uthughun mavɨn nɨɨn akamɨ ukurir gumaghan khav Stiven, mee aÅm mbɨsuesima aÅna aremi. Khɨɨ aÅna aghanɨ utughav ikava, nan arɨmaghaniiÅ othɨvhan khavɨn garima a indera. Mee Stivenɨ mbɨsuesima ana aremisi tharsir, khɨɨ men shaarirɨghi ighuvaghavi iti.’ 21 Mauthughura Ikhɨv nam mbɨÅgeeghi, ‘Nɨɨ maaÅɨ. Khɨɨ igharisirɨ unuaghɨnan iti gumasi rako amisivɨusua, nɨɨa amandi.’ “ 22 Ma uthughun Judarii orasima Polɨ mbɨÅgeema, mee aÅm mbɨzeva oraghan iphɨrphɨri. Maghamuigha mee ithɨɨria akarava aÅgaravasi, “AÅm mbɨsueghtima ana aremi. Kamagha amuisi gumagha thavɨ unuaghɨnan ikeghem thughastɨs phatɨ." 23 Mee atamatamɨra ithɨria akarava non sharirɨ uruari atamatamɨra mara anda usuava unuaghɨnɨ uroghova iphɨɨsuava, nori Polɨna akaman khavɨ oraghan bar iphɨrɨphɨgha kamagha amui. 24 Maghɨra RomiiÅ mbɨzorusir gumasi bar men gumaghana aphan, nom mbɨzorsir gumasi vɨÅgeema, mee Polɨm mbɨsoghɨva ana azasɨghousuava, ana nigha mee nori itirɨ rɨphenan gu. A kamagh inderagh ikaaÅmɨusua, manmaghɨra amuisima mee Pol kamagh ana aÅgaravasi. Kamagha amuisi a bighan khav ikaaÅmɨusua, nom mbɨzorsir gumasi vɨkemi, “Gee aÅne fhasoroghɨva aÅna azaaÅsɨgh." 25 Mee Pola fhasoroghousuava aÅna agharaniiÅ koma usuaniiÅ ikhee. Pol garima mbɨzorsir gumaghana aphan aÅna aghan utughavɨtima Pol kamagh aÅna azara, “RomiiÅn gavmano osɨrisir othɨva thav RomiiÅn unuaghɨnan gumagha thav ramuamɨusua gee mbɨnambasi, o phatɨ? Khɨɨ RomiiÅn gumagh. Gee nana osɨmndɨsiva oraghava anda rɨkɨrir rɨphenaÅga athɨsi phatɨgha na fhasoroghousuava amui." 26 Uthughun khavɨn mbɨzorsir gumasir garir gumaghan aphan kamagh oraeghava, RomiiÅ mbɨzorusir gumasi bar men gumaghana aphanamɨusua gua aÅm mbɨÅgeeghi, “Nɨɨ manmagh ramuti? Khara RomiiÅn gumaghra." 27 Maghɨra mbɨzorusir gumasi bar men gumaghana aphan Polɨusua gua aÅna azaaghi, “Nɨɨ nam mbɨkɨm, nɨɨ RomiiÅn gumaghara?” Ana aÅm mbɨkemisima Pol ana ikaragha kamaghɨusue, “AÅre, kɨra." 28 Mauthughura mbɨzorusir gumasi bar men gumaghana aphan kamaghɨm mbɨÅgeeghi, “Khɨɨ nona aÅgɨro ovhɨsirɨ uvhuesan ikhɨv amuigha, thighira khɨɨ RomiiÅn gumaghara.” Mauthughura Pol kamaghɨm mbɨÅgeeghi, “Nani inaghaves, a RomiiÅn gumagh, kamagha amuisima khɨɨ RomiiÅn gumagh." 29 Mauthughura aÅna azaaÅsɨghousuava amui gumasi mee kamagh oraeghava, uzuamɨra norighe ekuigha isaghunɨ utuivighav iti. Mauthughura ukuaghaviir Pol ikesi mbɨzorsir gumaghan ikhɨv a ikaaÅi, Pol RomiiÅn gumaghara. Kamagha amuisima a ivhɨrama avhighevighi. 30 Amɨrɨtusi rɨmaaÅra mbɨzorusir gumasi bar men gumaghana aphan bar inderaghɨvɨre ikaaÅmɨusua, Pol manmaghɨrama amuisiro othɨvha amuisima, Judarii aÅm mbɨÅgeeghi. A Pola fhɨrigha, Gotɨna aphuraphurava aghae rako bisir aÅga anɨndi gumasiri ikii rako, Judariro osɨmndɨsiva oraghava anda rɨkɨrir gumasi bar men dɨɨsima, mee zaa nori akuvagha itima, a Pol nigha gua mena arɨmasi rɨfhaaÅn anara fhasima a utughav iti.