Mak 1

1 Kha mbɨghar Iesus Krais Gotɨn Otar rɨkɨnarɨ kharaghava amuisiri iÅaarir aghuuir gunɨm mbɨÅgeeghi. 2 Aisaia Gotɨna akam nigha zesi gumagh, Got fhomɨra nona akaman aÅga anɨɨÅi. Anana osɨrisima, an aÅm mbɨÅgharani iti. Ma akamara khara. “Nɨɨ oragh! Kɨ nona ambuuÅn gumagha amandaghtima, a ufhuaragh maÅɨva nɨɨmɨusua utuaviri iÅarami. 3 Gumaghani itɨɨÅn mav gumasi iti phatɨsira aÅanan dɨɨ mbɨÅgeeghi, ‘Gee Ikhɨvaghava utuavi azenɨva, anda rɨkɨr.’ “ 4 Kamagha amuisima Jon zava gumasi iti phatɨsira aÅaniri ikhava akamɨ ukurava gumasi urua mem mbɨÅgeeghi, “Gee navighɨ raghtima kɨ gee urueghtima Got geno othevir maghatɨsi gɨna amaaÅga." 5 Ana akaar kharsi vɨÅgeema Judian distrighɨni itirɨ uÅuimba ko Jerusalemɨni iti gumasi rako amisi mee bar zava nono othevir maghatɨsir gunɨm mbɨÅgeema a Jordanɨ rɨmɨn mee urue. 6 Gumasi uruer gumagh Jon, a kamelɨn asɨghana arɨghɨnana amuisi shaara sharagha ana asɨghan nerɨn mɨghasɨgha noni iva dii. A nerɨn khava sharagha ondaesi rako apharira aroroe apha iti. 7 AÅna akam kamaghɨm mbɨÅgeeghi, “Nan gɨn zaami gumagh aÅn gamgaaÅ guisimbaaÅra nan gamgaaÅga afhira. Kɨ aÅn mɨna amuisi phatɨ. Kɨ ivɨra aviraghɨva aÅna aÅgarir shaarirɨ umbuea afhɨrami thughatɨs phatɨ. 8 Kɨ rɨmɨn gee urue, a gɨn zɨva Gotɨnɨ Utuman gamgaaÅn gee uruami." 9 Kha uthughun Iesus Galilin distrighɨni itirɨ uÅuu Nasareta thaeghava Jonɨmɨusua zesima, a Jordanɨ rɨmɨn ana urue. 10 Iesus rɨmɨna aveni ikegha akɨran otuivi utughura a garima ovhee ukusima Gotɨnɨ Utum fhaman mɨnɨm mbɨghegha aÅmɨusua zeghiri. 11 Gumughun a zeghirima itɨɨÅn mav Gotɨnɨ uÅuuni ikha dɨɨ kamaghɨusue, “Nɨɨ nano Otar. Kɨ bar nɨÅgi iphui. Nan nav bar nɨɨn vhusvhusi." 12 Gumughun Gotɨnɨ Utum ana amandasima a gumasi iti phatɨsira aÅanan gu. 13 A gugha, 40 pɨlan aroe rako rɨmaÅgarir kha aÅanani itima, Satan aÅn khori ramuamɨusua aÅga aghori. A uruaÅni itira asɨsir thooÅni itima, Gotɨn enseli mee aÅn garava ana akuruvasi. 14 Gumughun gumasi uruer gumagh Jon, mee ana nigha rɨvɨnan khɨrthɨgha athɨsima, Iesus gɨn Galilin distrighɨn gugha Gotɨna akamana aghuuÅ ukuri. 15 A kamaghɨm mbɨÅgeeghi, “Got kha bisigha ativamirɨ uthugho otuivousua bara aghangera zee. Gee navighɨ raghɨva nɨghnɨghana aghavagharan Gotɨna akamana aghuuÅni ikhɨɨ." 16 Uthughun mavɨn Iesus Galilin rɨmɨm mbɨroghɨn gua Saimon nonɨ undooghan Andru ko aniiÅn garima, aniiÅ osɨrivɨusua noniiÅ noni ivhaeri ikii ukuri. AniiÅ osɨri nia andaghɨ uvhuesi gumaghaniiÅ. 17 Mauthughura Iesus kamagha aniiÅm mbɨÅgeeghi, “AÅgo nan gɨn zɨtima kɨ aÅgon khɨvaghtima, aÅgo osɨri nii mogh gumasi niaÅga." 18 AniiÅ aÅna akamam mbaraghavɨre ikha, noniiÅ noni ivhea thaegha aÅn gɨn zui. 19 Gumughun a mange sɨvagha gua, Sebedin otar Jems nonɨ undooghan Jon ko aniiÅn garima aniiÅ noniiÅ nona akemani ikhava noni ivhaeri ikia rɨkɨri. 20 Ana aniiÅn garavɨre ikha, aniiÅn deema, aniiÅ phura noniiÅ noni inaghaves Sebedi ko aÅni iÅaarir gumasia thaesima, mee norira akemani itima, aniiÅ Iesusɨn gɨn zui. 21 Iesus non suren gumasir phorugha Kaperneamɨn gusima avhughususanɨ uthugho otosima a gua Gotɨn phorugham mbɨÅger rɨphenana aven gugha, rɨphenan khavɨna aveni iti gumasi rako amisi men surea amui. 22 A men surea amuima gumasi rako amisi bar aÅna akamamba oraegha rɨÅgavan maghatɨgha amui. AÅm mbɨÅgɨmɨÅgɨr kharsi, anda izɨɨ iti gumagham mbɨÅgɨmɨÅgɨr mɨn gu. AÅm mbɨÅgɨmɨÅgɨ Judariro othevi ikeeÅsi gumasi mem mbɨÅgɨmɨÅgɨr mɨn zui phatɨ. Kamagha amuisima gumasi rako amisi rɨÅgavan maghatɨgha amui. 23 A kamagh mem mbɨÅgɨvɨre itima utuman maghatɨgha aphasagha zii gumagh a zava Gotɨn phorugham mbɨÅger rɨphenana aven zegha deeghi. 24 A dɨɨ kamaghɨm mbɨÅgeeghi, “Nɨɨ manmagh ee ramuamɨusua, Iesus NasaretiiÅn gumagh? Nɨɨti eÅga asɨghasɨghaousua zesire? Kɨ nɨɨ ikaaÅi, nɨɨ Got amandasi gumagh, nɨɨ Gotɨn arɨmaghaniiÅn bar inderasi gumaghara." 25 A deema, Iesusa akamana aghavagharan kamagh aÅm mbɨÅgeeghi, “Nɨɨ inɨmɨre ikhɨɨ. Nɨɨ kha gumagha thaegha akɨran zɨɨ." 26 Mauthughura utuman maghatɨgh Iesusɨ oraegha gumaghan khavi ikuskusa dɨɨva arava akɨran zee. 27 Ana akɨran zesima, kha gumasi rako amisi bar bighan khavɨn ganigha guisimbaaÅra rɨÅgavan maghatɨgha amuigha norira norir azaaghi, “Khara manmagha amuisi bighaaÅ? A sureno otheviri iÅgaar izɨɨ iti gumaghan mɨna andar eÅga amui. A izɨɨ itir gumaghan mɨnɨm mbɨÅgeeghi. A ivɨra akamana aghavaghar ikha unduur maghatɨsi vɨÅgeema mee aÅn mɨn zui." 28 Ana amuisi bisir niaghasi uzuamɨra Galilin distrigh bar aÅga arui. 29 Iesus gumasir marsi ko Gotɨn phorugham mbɨÅger rɨphena thaeghava, Saimon ri Andru rɨphenan gue. Jems ri Jon ivɨra men phorugha gu. 30 Mee gua garima Saimonɨna asamuiiÅ arɨva mbɨkarɨgh siava akoghi irɨghavi itima, gumasir marsi aÅn gun Iesusɨm mbɨÅgeeghi. 31 Mee aÅm mbɨkemisima, an aÅmɨusua gua aÅna afharimuunɨ usuiragha ana ufhee. Ana ufheesima aÅna arɨmarɨm ana thaesima a rɨkhavigha maghɨra aghaer meÅga anɨndi. 32 Kha uÅguar thughura, amɨn phɨrisima mee gumasi rako amisi, arɨmarɨr maghatɨsi iti tharsi rako unduur maghatɨsi aphasasi tharsi bar mee nigha Iesusɨusua zii. 33 UÅuun khavɨni iti gumasi rako amisi bar zava rɨphenan khavɨni itɨmana akamaniiÅn nori akuvagha iti. 34 Mee itima, Iesusa arɨmarɨr guara avɨrare iti gumasi rako amisi mena arɨmarɨgha amuima mee indera. A unduur maghatɨsira avɨrara avarasima mee gumasi rako amisia thaegha akɨran zee. Unduur maghatɨsi ana ikaaÅi, a Gotɨn Otar. Kamagha amuisima a kamagh mem mbɨusue, “Gee kamaghɨm mbɨkɨman thaghri, ‘Kɨ Gotɨn Otar.’ " A maghɨra mee rɨghorigharui. 35 Amɨrɨtusi rɨmaaÅra aro thighar anandima Iesusɨ rɨkhavigha rɨphena thaegha gua gumasi iti phatɨsira aÅanan gugha Gotɨn phorugham mbɨÅgeeghi. 36 A gusima Saimon no rɨkurku nigha aÅmɨusua garagharui. 37 Mee gua aÅn ganighava kamagh aÅm mbɨÅgeeghi, “Gumasi rako amisi bar nɨɨmɨusua garagharui." 38 Iesus mena akamani iÅgarɨgha amua kamagh mem mbɨÅgeeghi, “Ee aghani itirɨ uÅuimbari igharis thasir maÅÅaÅga. Kɨ ivɨra munagh Gotɨna akamɨ ukunaÅga. Kɨ bighan khavɨusua Kaperneama thaegha zee." 39 A kamaghɨm mbɨkemigha Galilin distrighɨna aÅani bar andagha arui. Ana arua gua Gotɨn phorugham mbɨÅger rɨphenira aven guava akamɨ ukuri. Ana akamɨ ukura gumasi rako amisigha aphasasirɨ unduur maghatɨsi vathosi. 40 Mamburan arɨmarɨm itir gumaghan mav Iesusɨusua zava, aÅm mbɨnɨman aviragha itɨvɨnia rɨphɨrigha phuvɨra aÅga aghori, “Nɨɨ vhusvhusighɨv, nɨɨ nara amuighti, kɨ Gotɨn arɨmaghaniiÅn inderaghɨvɨre ikaami." 41 Iesus kamagh oraegha, guisimbaaÅra bar aÅnɨ ukuarukuvi. Kamagha amuigha a nona afharimuu nigha kha gumaghani iphɨa athɨgha kamaghɨusue, “Nan vhusvhus. Nɨɨm mbɨkarɨgh nomi inderaghami." 42 Iesus kamaghɨm mbɨÅgɨvɨre itima, mamburan arɨmarɨmɨ uzuamɨra kha gumagha thaesima aÅm mbɨkarɨgh indera. 43 A inderasima, Iesus kha gumagha amaÅga akamana aghavagharan kamagh aÅm mbɨÅgeeghi, 44 “Nɨɨ oragh. Nɨɨ maaÅɨ bighan khavɨn gun igharisi gumagha thavɨm mbɨkɨma thaghɨri. Moses fhomɨra kamaghɨusue, ‘Nɨɨ nom mbɨkarɨghan Gotɨna aphuraphurava am mbɨÅger gumaghan khɨvaghtima a Gotɨna aphuraphurami.’ " Iesus kamaghɨusue, “Nɨɨ Mosesɨna akaman gɨn maÅɨva nom mbɨkarɨghan Gotɨna aphuraphura am mbɨÅger gumaghan khɨvaghtima gumasi rako amisi ganighi ikeeÅgemi. Nɨɨna arɨmarɨm guisimbaaÅra gɨva." 45 Kha gumagh Iesus aÅm mbɨkemisi moghɨn amuisi phatɨ. A kha bighaaÅn gun bar mem mbɨkemi. Mamagha amuigha phoghɨni ikhɨv aÅna akuva. Kamagha amuigha a uÅuuni ikhɨva thavɨna aven mena arɨmasi rɨfhaaÅn arui phatɨ. A nombɨra gumasi iti phatɨsira aÅanan khɨnani itima gumasi rako amisi aÅmɨusua zavɨre iti.