Mak 4

1 Igharisirɨ uthughun mavɨn Iesus nomthegha rɨmɨm mbɨroghɨni ikhava, gumasi rako amisir marsir surea amui. Gumasi rako amisir avɨrani ikhɨv ana akaava oraghaousua zava ana akuavasima, aÅani izɨvasi a bɨragha akemana anambogha rɨmɨni iphɨna apheraghav itima gumasi rako amisir kharsi aÅna aghan ataaÅn apiighav iti. 2 Ana akaar avɨrar aghunambagha asava men surea amua kamagh mem mbɨÅgeeghi, 3 “Gee oragh. Gumaghan mav raisɨn mɨn garir aghaan mav, uit, ana nigha gua non mɨghɨn anda ukuragha arui. 4 Ana anda ukurima uitiro ovɨsir marsi utuavɨni iresima, ukuarasi zava anda ame. 5 Marsi aÅgɨri iphɨni itirɨ unuaghɨnani ivamndɨghaaÅgi ire. Unuaghɨnan khav phum mbɨthemis phatɨsima uitiro ovɨsi uzuamɨra afhuaaÅi. 6 Andar bii barɨ unuaghɨnana aven gueghiresi phatɨsi aro anaÅgava andaghi isirasima anda sia mbɨsɨɨÅi. 7 Uitiro ovɨsir marsi rɨkhonirɨ umbue itirɨ unuaghɨnaÅgi iregha, umbuer thooÅna afhueÅsima, rɨkhonirɨ umbue aghuuva umbue anda ikhaa davi. Andaro ovɨsi vɨsevisi phatɨ. 8 Uitiro ovɨsir marsi unuaghɨnana aghuuÅgi iregha aghuuva ovɨsi vɨsevi. Marsi 30 pɨlam mbɨsevi, marsi 60 pɨlam mbɨsevi, marsi gua 100ɨnɨ utu." 9 Iesus mem mbɨÅgɨ gua kamagh mem mbɨÅgeeghi, “ThɨɨÅra ukuaraniiÅ iti, ana oraghɨri." 10 Gumasi rako amisira avɨrara bar guesima, Iesus nombɨre itima, an 12 pɨlam mbɨsevisir gumasi rako ana aghani itir gumasi, mee aÅna aghunamana akamam mbɨnɨɨÅm mbɨumɨusua aÅna azaaghi. 11 Mee aÅna azarasima a kamagh mem mbɨÅgeeghi, “Got ikaaÅmaran geÅga aniiÅsima, gee ma mondusir akaa anda ikaaÅi. Ma mondusir akam khara Got kha bisigha ativamirɨ uthugh. Kɨ azenani itir gumasi rako amisi phura aghunambara akaar mem mbɨÅgeeghi. 12 Kamagha amuisima, ‘Mee mɨghasɨgh ganɨva, mee bigha thav ikeeÅgem phatɨghami. Mee ivɨra mɨghasɨgh oraghɨva, mee inderaghɨvɨra akamam mbɨnɨɨŠthav ikeeÅgem phatɨghami. Mee amuava akaa vɨnɨɨÅgari ikeeÅsi phatɨgha men navia aghavagharisi, Got meno othevir maghatɨsi gɨna amandasi phatɨ.’ “ 13 Ana akaman khavɨn mem mbɨÅgɨ gua kamaghɨm mbɨÅgeeghi, “Gee uitir aghunamana akaman khavɨm mbɨnɨɨŠikeeÅsi phatɨsire? Gee manmaghɨra igharisi aghunambar akaa tharsi ikeeÅgɨti? 14 Gotɨna akamɨ ukuragha arui gumagh a uitiro ovɨsi ukurir gumaghan mɨna amui. 15 Gumasir marsi utuavɨ iresirɨ uitiro ovɨsir mɨna amui. Mee Gotɨna akaava oraesima Satanɨ uzuamɨra zava mee oraesir Gotɨn akaa, mena aghan anda vatoghi. 16 Gumasir marsi aÅgɨ itirɨ unuaghɨnaÅgi iresirɨ uitiro ovɨsir mɨna amui. Mee Gotɨna akaava oraegha andavhagha bar inighinisi. 17 Men bii gueghiresi phatɨgha mamagha amuigha uthughunɨ uruarani iti phatɨ. Mee Gotɨna akaar gɨn zuima, gumasir marsi mera afharavaghava osɨmndɨsir meÅga nɨndima mee phura Gota thaghi. 18 Gumasir marsi umbuera atari itirɨ unuaghɨnaÅgi iresirɨ uitiro ovɨsir mɨna amui. Mee Gotɨna akaava arasi. 19 Mee andava oraegha mee ivɨra unuaghɨnan khavɨno osɨmndɨsivɨusua nɨghɨnɨghava, aÅgɨro ovɨsira avɨrara niamɨusua khorigha amuir nɨghɨnɨsigha amuava, unuaghɨnan khavɨn bisir avɨrar garava andavhagha inɨsi. Bisir kharsir nɨghɨnɨsi zava Gotɨn akaa disima anda aghaa oti phatɨ. 20 Gumasir marsi unuaghɨnana aghuuÅgi iresirɨ uitiro ovɨsir mɨna amui. Mee Gotɨna akaava oraegha andarɨ usuiragha, andar gɨn zui tharsi mee aghaa oti. Marsi 30 pɨlan aghaeva atima, marsi 60 pɨlan aghaeva atima marsi gua 100ɨnɨ utu." 21 Iesus kamagh mem mbɨÅgeeghi, “Gena thɨɨÅra lamaÅga amborugha ana nigha ithaaÅni ikhɨvan ana avhara? O ana nigha akoghɨn apheeÅn ana ananda? Bar phatɨ! Gee aÅra amborughuva ana nighɨva azenan aÅna aÅanara ana ranandaghɨri. 22 Kamaghɨra mooÅgamir bisi anda gɨna azenan otuivami. Bisigha amuigha anda ave tharsi anda ivɨra gɨna azenan otuivami. 23 ThɨɨÅra ukuaraniiÅ iti, ana oraghɨri." 24 Am mbɨÅgɨ guava kamaghɨm mbɨÅgeeghi, “Gee orasir akaa gee inderaghɨvɨra andava oraghɨva inderaghɨvɨra andaghɨ nɨghɨnɨghɨri. Gee gumasigha amui moghɨra Got andar gee ikaraghɨva a nomthegh thove phorugh gera anɨɨÅga. 25 Gotɨna akami ikeeÅsi gumagha thav Got nomthegh ikhaaÅmari tharsi phorugh aÅra anɨÅga. Gumagh ikhaaÅmaran sovange Gotɨni iti thav Got nomthegh aÅna aghan noni ikhaaÅmar nighemi." 26 Iesusɨm mbɨÅgɨ guava kamagh mem mbɨÅgeeghi, “Got kha bisigha ativamirɨ uthughuno othɨv kamaghɨn. Gumaghan mav aghaero ovɨsi nigha unuaghɨnan anda ukuri. 27 Gumaghan khav anda ukunighava, rɨmaÅgarir akuava, aroer rɨkavighava arui. Ana aruima aghaero ovɨsir kharsi anda afhueÅga aghuughi. Aghaero ovɨsir kharsi manmaghɨra afhueÅga aghuughi? Gumaghan khav ikeeÅsi phatɨ. 28 Unuaghɨnara aghaero ovɨsir kharsigha amuisima anda aghuuva mbɨsevi. Anda ufhuaragha afhueÅga aghuu gua aÅguu isɨgha ava gua akɨmari otuivigha mbɨsevi. 29 Anda vɨsevigha aghae itima, gumaghan khav akos nighava andara akori. A ikaaÅi, aghae itima andara akoromirɨ uthugho oto." 30 A nomthegha kamaghɨm mbɨÅgeeghi, “Ee manmaghɨra Got kha bisigha ativamirɨ uthughuno othɨvham mbɨkɨmti? O, ee aghunamana akaman manavɨn aÅm mbɨnɨɨÅgarir gunɨm mbɨkɨmti? 31 A mastetɨno ovɨghan mɨn gari. Mastetɨnɨ uzuirafariro ovɨsi bar sovi. Igharisi thero ovɨsi bar aÅga afhiragha ikhevi. 32 Gumaghan mav ana ukunisima a gɨna aghuuva bar ikhevighava mɨghɨni itirɨ uzuirafari bar andagha afhiragha bare ikhevi. Ani ikhevigha aÅna aÅguuri ikii nori amaeÅsima ukuarasi zava ana aÅguur rɨghughana aveni ikha vɨkoniri iÅaari." 33 Iesus men nɨghɨnɨsi uthusi utuirɨvan mɨna amuira akaar avɨrar aghunambagha asava Gotɨna akaar mem mbɨÅgeeghi. 34 Ana akaar gumasi rako amisi vɨÅgɨva mɨghasɨgha aghunambara akaar mem mbɨÅgeeghi. A non suren gumasir phorugha mee norira ikhava a bisi vɨnɨɨÅgaria bɨgha mem mbɨÅgeeghi. 35 Aron khavɨn amɨn phɨraousuava amuima Iesus kamagh non suren gumasi vɨÅgeeghi, “Ee rɨmɨn khava rɨtugh aÅn muaaÅmogh maÅÅaÅga." 36 A kamagh mem mbɨÅgeema gumasi rako amisi mbɨroghɨni ikhavɨre itima mee Iesus apheraghav itira akeman guavanaeÅga muaaÅmogh zui. AÅgaeri igharis tharsi ivɨra men phorugha muaaÅmogh zui. 37 Iesus non suren gumasir phorugha zuima, gamiiÅni ikhɨv rɨkavi. Uthughun khavɨn rɨpɨraghiri rɨmɨ zava akemaÅga afhimsɨsima rɨmɨ akemana aven gueghira, akemaÅgi izɨvasima, ana atam rɨmɨna aven meghiraousuava amui. 38 Akem meghiraousuava amuima, Iesusa akeman khavɨn gɨraÅgɨran aghoran mav nona aphanan aghorugha akui. AÅn suren gumasi aÅga aghuragha kamagh aÅm mbɨÅgeeghi, “Fhɨghɨn gumagh, ee gɨvaousuava amui! Nɨɨ emɨusua nɨghɨnɨsi, o phatɨ?" 39 Iesus rɨkhavigha utugha gamiiÅ mbatogha, rɨpɨraghiri rɨmɨ kamagh aÅm mbɨÅgeeghi, “AÅgo amɨragh, inɨmɨre ikhɨɨ!” Am mbɨÅgeema, gamiiÅ amɨrasima, rɨmɨ phurama amɨnatɨ. 40 Iesus kamagh non suren gumasi vɨÅgeeghi, “Gee thoghousua phuvɨra atitiiÅi? Gee nɨghnɨghana aghavagharo othevigha kamaghɨre iti?" 41 Mee bar ana atitiiÅga kamagh norira nori vɨÅgeeghi, “Gumaghan khav thɨɨÅra? GamiiÅ ko rɨpɨraghiri rɨmɨ ivɨram aÅna akamam mbarasi!"