يَبُرَ 31

1 دَوُدَ شَ بّيتِ بّيتِبَيٍ شَ مَنفّ بّ 2 عَلَتَلَ، ﭑ بَرَ ﭑ شَشِلِ تِ عِ رَ. عِ نَشَ تِن ﭑ شَ لُ يَافِ كُي، عِ شَ كِيتِ قَنيِ سَ ﭑ مَ. 3 عِ شَ عِ تُلِ مَتِ ﭑ نَ، ﭑ نَكِسِ. عِ شَ لُ ﭑ بّ عَلْ قَنيٍ، عَلْ يِرٍ مَكَنتَشِ عَلَكٌ ﭑ شَ كِسِ. 4 ﭑ مَ سّنبّمَ نُن ﭑ مَ كَنتَمَ نَن عِ رَ. عِ شَ ﭑ شُن تِ كِرَ قَنيِ شْن عِ شِلِ قَنيِ شَ قٍ رَ. 5 ﭑ يَشُييٍ بَرَ يّلّ عِتَلَ ﭑ يَ رَ، كْنْ عِ قَمَ ﭑ نَتَنفَدٍ نَ مَ. 6 ﭑ بَرَ ﭑ شَشِلِ تِ عِ رَ. عَلَتَلَ نْندِ مَرِفِ، عِ بَرَ ﭑ نَكِسِ. 7 كُيٍ بَتُي مُ رَقَن ﭑ مَ، ﭑ تَن، نَن ﭑ تَشُمَ عَلَتَلَ نَن نَ. 8 ﭑ سّيوَ مَ نّ عِ شَ هِننّ شَ قٍ رَ، بَرِ مَ عِ بَرَ ﭑ مَ تْورّيٍ تٌ، ﭑ سٌندٌنيِ نَ حَشَنكَتَ، عِ نَ كٌلٌن. 9 عِ مُ ﭑ سٌشِ ﭑ يَشُييٍ يِ رَ، عِ بَرَ ﭑ شْرّيَ. 10 عَلَتَلَ، هِننّ ﭑ نَ، بَرِ مَ ﭑ نَ تْورْقٍ. ﭑ قَتٍ بِرِن بَرَ بَ ﭑ مَ. 11 ﭑ مَ سِمَيَ نَ حْنقٍ تْورّ كُي. ﭑ مَ دُنِحّءِفِرِ شْرْشْ. ﭑ سّنبّ بَرَ حْن ﭑ مَ يُنُبِ شَ قٍ رَ. ﭑ قَتٍ بَرَ كَنَ 12 ﭑ يَشُييٍ شَ قٍ رَ. ﭑ بَرَ يَافِ ﭑ دْشْبٌورٍيٍ شْن مَ. ﭑ بٌورٍيٍ، شَ نَ مُ عَ رَ نَشٍيٍ ﭑ تٌمَ تَا كُي، عٍ عٍ فِمَ نّ ﭑ مَ. 13 عٍ بِرِن بَرَ نّيمُ ﭑ مَ عَلْ ﭑ حَن بَرَ قَشَ. ﭑ لُشِ عَلْ سٍ لْيشِ. 14 ﭑ بَرَ ﭑ يَشُييٍ شُي مّ. فبَلٌي نَ ﭑ نَبِلِنيِ. عٍ بَرَ لَن عَ مَ عٍ شَ ﭑ قَشَ. 15 كْنْ ﭑ تَن بَرَ ﭑ تَشُ عِ رَ، عِ تَن ﭑ مَرِفِ عَلَتَلَ. 16 ﭑ نَ عِ سَفٌي. ﭑ نَتَنفَ ﭑ يَشُييٍ مَ نَشٍيٍ وَ مَ ﭑ حَشَنكَتَقٍ. 17 عِ شَ عِ شَ كٌنيِ تٌ، ﭑ نَكِسِ عِ شَ هِننّ رَ. 18 عَلَتَلَ، ﭑ نَ عِ شِلِ، عِ نَشَ ﭑ لُ يَافِ كُي. عَلَ شَ مِشِ حَاشِيٍ رَيَافِ، عَلَ شَ عٍ رَ سَبَرِ قَشّ رَ. 19 عَلَ شَ عٍ شُي رَدُندُ، بَرِ مَ يِ وُلٍ قَلّيٍ عٍ يّتّ عِفبٌمَ، عٍ يٌ تِنشِنتْييٍ مَ. 20 عِ شَ هِننّ فبٌ، عِ نَشَن نَفَتَشِ عِ يَرَفَاشُييٍ بّ، نَشٍيٍ عِ شَ كَنتَرِ قٍنمَ. 21 عِ بَرَ عٍ يِفِيَ عَلَكٌ قٍ كٌبِ رَبَيٍ نَشَ عٍ سُشُ. عِ بَرَ عٍ رَتَنفَ وُلٍ قَلّيٍ مَ. 22 عَلَتَلَ تَنتُ، بَرِ مَ عَ بَرَ هِننّ ﭑ نَ ﭑ مَ تْورّ كُي. 23 ﭑ مَ فَاشُي كُي، ﭑ نُ بَرَ عَ قَلَ، «عِ بَرَ عِ نْشُن ﭑ مَ،» كْنْ عِ بَرَ ﭑ مَ مَشَندِ سُشُ. 24 دَنشَنِيَتْييٍ، وٌ شَ عَلَتَلَ شَنُ. عَلَتَلَ تٌفٌندِيَتْييٍ رَكِسِمَ نّ، كْنْ عَ يّتّ عِفبٌي حَشَنكَتَمَ نّ. 25 وٌ تَن نَشٍيٍ وٌ شَشِلِ تِشِ عَلَتَلَ رَ، وٌ وٌ سّنبّ سٌ، وٌ شَ لِمَنِيَ.