भजन संग्रह 43
WBT1 परमप्रभु, आं कली वारच पाइय्यीनी। इन कली थमा मसुइक्ब मुर आन पर्बम आं पोन बोक्कीन। मिनु जोल पाइब नु मरिम्शो पाइब मुरपुकी रे आं कली प्रोंइयीनी। 2 परमप्रभु, गे आं कली प्रोंइब बोल्यो दरवार बाक्नीनी। गे आं कली मारदे प्रोंइयीनी? गो मारदे आं जोरी सत्रुम खेदा पचा पुंइसीशा, रोंका पचा माल्ङा? 3 इन छेङछेङ नु इन थमा पतीके सोइक्तीन। मिनु मेकोमी आं कली लां कोंइशा इन डांडा नु इन बाक्तीकेमी चाक्यील। 4 मेना गो परमप्रभु कली चढ़ेतीकेम जाक्नुङ। मिनु परमप्रभुमी आं कली शुश ग्येरपाइश्शा, आं थुं नाइक्पाइक्ब। परमप्रभु, आं परमप्रभु, गो ठेयब ताप्तीक ताप्शा, कुम्सो पा इन कली ठेयब सेल्नुङ। 5 आं थुं, गे मारदे लुक्च लाइनेवे? मारदे ग्येत्थ लुक्च दुम्नेवे? परमप्रभुम मार पाइबा, मेको रिम्दो। मिनु नोले आं कली श्येत रे प्रोंइशो तशा, गो परमप्रभु कली ठेयब सेल्नुङ। मारदे हना मेको आं कली श्येत रे प्रोंइब नु आं परमप्रभु बाक्ब।