भजन संग्रह 57
WBT1 परमप्रभु शिशी पने। आं कली शिशी पाइय्यीनी। मारदे हना आं थुं गे नु ख्रुंइसीब। एको खतम पोक्ब फश गिवार मनुम्म सम्म गो इन फ्रां आगामी ख्रुंइसीशा बाक्नुङ। भजन संग्रह १७:८; भजन संग्रह ९१:१-२ 2 गो नेल्ल क्येङा ठेयब, परमप्रभु कली ब्रेत्नुङ। परमप्रभुमी आं पर्बम आ मिम्शो खाप्ब। 3 मेकोमी स्वर्ग रे वारच पाइब सोइश्शा, आं कली प्रोंइब। मिनु आं कली खेदा पाइब आन कली हुइक्ब। ठेयब सेंदा पा। परमप्रभुमी आं कली गेना हना यो दाक्ब। आ दाक्शा मप्रोंइतीकेमी आं कली कोव़ब। 4 गो गुप्स आन दातेमी बाक्शो बाक्नुङ। गो मुर ब्वाइब जन्तु आन दातेमी गोल्शो बाक्नुङ। मेको मुर आन ख्रुइ तूतीक नु ब्रा खोदेंशो बाक्नीम। मेको आन लें हेश्शो तरवार खोदेंशो बाक्ब। 5 परमप्रभु, गे सरीङ क्येङा ठेयब बाक्नीनी। मिनु रागी इन सक्तिम प्रिंदीन। 6 मेकोपुकीमी आं खोइली रेप्पाइक्चा कली ब्वारद दाइक्ताक्म। गो श्येत जशा गुर ब्वेशो बाक्नुङ। मेकोपुकीमी आं लांम खाल्टा दोम्तेक्म। तन्न मेकोपुकी मेकेर आंमा बिक्तेक्म। ठेयब सेंदा पा। 7 परमप्रभु, आं थुं ग्येत्थ लुक्च मपथु बाक्ब। गो ताप्तीक ताप्शा कुम्सो पाइनुङ। भजन संग्रह १०८:२-६ 8 आं थुं सेंशा बोक्को। ताप्तीकपुकी ठीक पा बाक्कीन। मारदे हना गो नां सोव़चा क्येङा ङोंइती कुम्सो पाइनुङ। 9 परमप्रभु, गो जात जात ङा मुर आन दातेमी इन कली ठेयब सेल्नुङ। गो रागी रागी आन दातेमी इन पर्बम कुम्सो पाइनुङ। 10 मारदे हना इन गेना हना यो दाक्तीके सरीङ सम्म जाक्दीश्शो ठेयब बाक्ब। मिनु इन दाक्शा मप्रोंइतीके गोस्स सम्म जाक्दीश्शो ठेयब बाक्ब। 11 परमप्रभु, गे सरीङ क्येङा ठेयब बाक्नीनी। मिनु रागी इन सक्तिम प्रिंदीन।