1 Kolin 14

1 Nɨbi binɨb okok kɨlop mapen lɨnɨmɨb, kɨles tɨmel gɨl anɨgɨnɨmɨb. Pen God Kawnan ak kɨles keke ñub ak, abe kɨles gɨl dɨnɨgun agɨl gos nɨgɨnɨmɨb. Kɨles keke ñub ak dɨnɨgun gos nepɨm ak pen, God chɨnop gos ñek agñɨnɨgun agɨl gos ak ned nɨgɨnɨgabɨm ak, tep yɨbɨl anɨgɨnɨgabɨm. 2 Chɨn nopun, binɨb takaw yɨbɨl keke apal okok, binɨb ogɨnap kɨlop takaw ma apal. God nop nokom apal. Takaw apal anɨb okok, binɨb ogɨnap nɨÅɨd takaw tay agebal agɨl, ma nepal. God Kawnan ne ak pen, kɨlop kɨles ñek takaw we gep ak apal. 3 Binɨb pen God kɨlop gos ñek agñɨbal okok, binɨb ogɨnap kɨlop takaw apal. Takaw anɨb ak agel nɨm, binɨb ogɨnap nɨÅɨd kɨles gɨl jak tep gɨl mɨdɨl, gos sek mɨdɨl, gos kuÅay ma nɨÅɨd mɨdtep gɨpal. 4 Bɨ God Kawnan ne ak nop kɨles ñek takaw yɨbɨl keke agup ak, ne ke gos sek mɨdɨl kɨles gɨl jak tep gɨl mɨdeb. Bɨ pen God nop gos ñek agñub ak, ne Klays binɨb ne pelpel apnan gɨpal okok kɨlop agtep gek, gos sek mɨdɨl kɨles gɨl jak tep gɨl mɨdebal. 5 Nɨbi mɨdupsek, God Kawnan ne ak nɨbop kɨles ñek, takaw yɨbɨl keke agɨnɨmɨb agɨl gos nepin. Gos olap adek awl ak pen nepin, God nɨbop gos ñek agñɨnɨmɨb. Binɨb God Kawnan ne ak kɨlop kɨles ñek takaw yɨbɨl keke agenɨgel okok, tɨg adɨkɨl agtep gɨl agñenɨgel, gɨtep gɨl Klays binɨb ne okok kɨli gos sek mɨdɨl kɨles gɨl jak tep gɨl yenɨgel. Binɨb pen takaw yɨbɨl keke apal ak tɨg adɨkɨl agñenɨgel tek ma lup okok, gɨtep ma gɨl wog kɨli sɨkol gɨpal. Pen binɨb God kɨlop gos ñek agñɨbal okok, kɨli gɨtep gɨl wog awl gɨpal. 6 Pen mam ay sɨkop, yad mɨdebɨm ak amɨl, God Kawnan ne ak yɨp kɨles ñek takaw yɨbɨl keke agenɨgayn, tɨtay dɨl takaw anɨb ak nɨbop gek mɨdtep gɨnɨgabɨm? Yad nɨbop gen mɨdtep gɨnɨmɨb agɨl gos nɨgenɨm, anɨgɨl agɨnɨm. God gos ne ak mɨseÅ lɨl yɨp agek agñɨl akaÅ, gos teplep yɨp owup tek agɨl akaÅ, God yɨp gos ñek agñɨl akaÅ, God takaw tep agyɨkɨl akaÅ, anɨb agenɨm mɨdtep gɨnɨgabɨm. 7 Nɨbi anɨb ak gos nɨgɨnɨmɨb. Gawb gita tap okok binɨb kawnan tek ma mɨdebal ak pen, tap anɨb okok gɨtep gɨl pakenɨgel binɨb kɨlop tep gɨnɨgab. Pen tap anɨb okok agtep ma gek, binɨb okok tɨtay dɨl kɨmep olap nɨÅɨd anɨb agɨnɨgabal, Kɨmep anɨb ak pakɨlɨg nɨgobun agɨnɨgabal? 8 Pen abe, akɨl ak pugel agtep ma gek, bɨ tɨkjakɨl penpen gɨnɨgun agɨl, tap dɨlɨtep gɨl kod ma yenɨgab. 9 Anɨb ak tek nɨm, nɨbi takaw yɨbɨl keke agenɨmɨb, binɨb kɨli tɨtay dɨl takaw agebal ak agɨl, takaw nɨbi jɨj ak nɨgɨnɨgabal? Nɨbi ke nep ag ag kelɨgɨnɨgabɨm. 10 Lum awl ak, takaw yɨbɨl okok kuÅay yɨbɨl mɨdeb, mɨdupsek takaw jɨj ak mɨdaknɨŠapal, yokɨp ma apal. 11 Yad pen binɨb ogɨnap takaw yɨbɨl olap agɨnɨgabal ak ma nɨgenɨgayn, kɨlop nɨgen, binɨb palawl okok nɨb tek lɨnɨgab. Kɨli pen yɨp nɨgel, yad bɨ palawl okok nɨb tek lɨnɨgab. 12 Nɨbop anɨb ak tek nep gɨnɨgab ak, nɨgtep gɨnɨmɨb. God Kawnan ne ak kɨles keke ñub ak dɨnɨgun agɨl pel gos nepɨm tek, kɨles ne teplep yɨbɨl ñub ak dɨnɨgun agɨl kɨles gɨl gɨnɨmɨb. Kɨles ne anɨb okok dɨl, Klays binɨb ne okok kɨlop gem, gos sek mɨdɨl kɨles gɨl jak tep gɨl yenɨgel. 13 Anɨb ak bɨ olap God Kawnan ne ak nop kɨles ñek takaw yɨbɨl keke olap agup ak, ne takaw yɨbɨl keke olap apin ak tɨg adɨkɨl agñɨnɨm agɨl, nop agnɨgɨnɨmuÅ. 14 Mel ak, yad takaw yɨbɨl keke olap agɨlɨg God nop apin won ak, gos yad ak yokɨp mɨdeb. Nab yad ayaÅ ke anɨb agan agek nep apin. 15 Anɨb ak tek yad tɨtay dɨnɨgayn? Yad God nop agɨnɨg, nab yad ayaÅ agek agɨl, gos yad ak abe nɨÅɨd anɨb agɨl gɨnɨgayn. Kɨmep agɨnɨg, nab yad ayaÅ agek agɨl, gos yad ak abe nɨÅɨd anɨb agɨl gɨnɨgayn. 16 Nɨbi anɨgɨl ma genɨgabɨm, nab nɨbi ayaÅ ke anɨb agan agek nep agɨlɨg, God nop tep agenɨgabɨm, binɨb yokɨp nab nɨbi yenɨgabal okok, takaw nɨbi agɨnɨgabɨm anɨb ak ma yɨbɨl nɨgɨnɨgabal. Anɨb ak kɨli tɨtay dɨl takaw nɨbi God nop tep agep ak nɨÅɨd, nɨÅɨd yɨbɨl apɨm agɨnɨgabal? Agɨnɨgel tek ma lɨnɨgabal. 17 Nɨbi God nop tep agɨlɨg agtep gɨl yenɨgabɨm ak pen, kɨli takaw anɨb ak nɨÅɨd, gos sek mɨdɨl kɨles gɨl jak tep ma yenɨgabal. 18 God Kawnan ne ak chɨnop kɨles ñek takaw yɨbɨl keke apun ak, yɨp kɨles ñek kuÅay yɨbɨl keke apin, nɨbop ñek sɨkol apɨm. Anɨb ak God nop tep apin. 19 Yad pen, Klays binɨb ne pelpel apnan gɨpal okok kɨli apnan gɨl yelaknɨÅ, kɨlop agtep gɨñin agɨl, takaw sɨkol won olap agñen mɨseÅ nɨg dɨnɨgabal gos nepin. Ak tep yɨbɨl. Takaw yɨbɨl keke kuÅay yɨbɨl okok agɨnɨgayn agɨl, gos ma nɨgɨnɨgayn. 20 Mam ay sɨkop. Ãapay sɨkol gos nepal tek ma nɨgɨnɨmɨb. Ãapay sɨkol tap tɨmel ma gɨpal ak, nɨbi anɨb tek yenɨmɨb ak pen, binɨb awl gos nepal tek nɨgɨnɨmɨb. 21 God takaw ak tɨkɨl anɨb agak, Bɨawl ak ne agup, Binɨb pal okok nɨb, takaw yɨbɨl kɨli ke olap apal okok, kɨlop agen, kɨli binɨb yad okok kɨlop agɨnɨgabal agup agɨl tɨkak. Agɨnɨgabal ak pen, binɨb yad okol takaw anɨb ak dɨnɨgun agɨl gos ma nep nɨgɨnɨgabal agup agɨl tɨkak. 22 Anɨb ak tek, God Kawnan ne ak binɨb kɨlop kɨles ñek takaw yɨbɨl keke apal ak, binɨb yɨp gos ma lɨnepal okok nɨgɨnɨgel agɨl gup. Binɨb yɨp gos lɨnepal okok nɨgɨnɨgel agɨl ma gup. God pen binɨb kɨlop gos ñek agñɨbal ak, binɨb yɨp gos lɨnepal okok nɨgɨnɨgel agɨl gup. Binɨb yɨp gos ma lɨnepal okok nɨgɨnɨgel agɨl ma gup. 23 Anɨb ak, nɨbi Klays binɨb ne pelpel apnan gɨpɨm okok apnan gɨl, mɨdupsek kɨles dɨl takaw yɨbɨl keke agenɨgabɨm, pen binɨb yokɨp ogɨnap akaÅ, binɨb Klays nop gos ma lɨnepal ogɨnap, kɨli mɨgan ayaÅ apɨl nɨbop nɨÅɨd, tay agɨnɨgabal? Nɨbi binɨb sawl sek lup agɨnɨgabal. 24 Nɨbi pen God nɨbop mɨdupsek gos ñek agñenɨgabɨm, binɨb Klays nop gos ma lɨnepal ogɨnap akaÅ, binɨb yokɨp ogɨnap, kɨli mɨgan ayaÅ apɨl nɨbop nɨgel, takaw nɨbi anɨb ak kɨlop gek, chɨn binɨb tap si tap tɨmel gɨpun ak agɨl gos nɨgtep gɨnɨgabal. 25 Pen tap tɨmel we gɨl gos kɨli nab ayaÅ yenɨgab ak, mɨseÅ lɨl yenɨgab. Anɨgek, kɨli kɨgom yɨmɨl, jel kuyan gɨl jomulɨk ak dɨ lum ayaÅ lɨl, God yɨb nop dad aplanɨlɨg agɨnɨgabal, NɨÅɨd apun, God nɨbi ayɨp mɨdeb agɨnɨgabal. 26 Anɨb ak mam ay sɨkop, apnan gɨpɨm ñɨn ak, tay gɨnɨmɨb? Nɨbi mɨdupsek wog mɨdebɨm. Olap kɨmep agup, olap God takaw tep agyɨkup, olap God gos ne ak mɨseÅ lɨl nop agek agñub, olap God Kawnan ne ak nop kɨles ñek takaw yɨbɨl keke agup, olap takaw yɨbɨl keke apal anɨb okok nɨÅɨd tɨg adɨkɨl agñub. Tap anɨb okok mɨdupsek gɨpɨm ak, Klays binɨb ne okok kɨli nɨÅɨd gos sek mɨdɨl kɨles gɨl jak tep gɨl yenɨgel agɨl nep gɨnɨmɨb. 27 Binɨb God Kawnan ne ak kɨlop kɨles ñek takaw yɨbɨl keke agɨnɨg, omɨÅal akaÅ, omɨÅal nokom nep agɨnɨgel. Kɨli jɨmñɨl ma agɨnɨgel. Mel. Olap ned agñek, olap kɨdek agñɨnɨmuÅ. Pen olap takaw agɨnɨgel okok nɨÅɨd, tɨg adɨkɨl agñɨnɨmuÅ. 28 Pen takaw agɨnɨm agɨl, tɨg adɨkɨl agñɨnɨmuÅ olap ma yonɨmuÅ, takaw yɨbɨl keke agɨnɨgeb ak binɨb nab okok ma agɨnɨmuÅ. Ne ke kɨmɨgel nab ayaÅ agɨlɨg, God nop agɨlɨg yonɨmuÅ. 29 Pen binɨb God gos ñek agñeb omɨÅal akaÅ, omɨÅal nokom, kɨli agñɨnɨgel. Agñel, binɨb ogɨnap takaw anɨb ak tɨg asɨk lɨnɨgel. 30 Pen binɨb ogɨnap besɨg nɨg mɨdebal okok, olap God ne nop gos ñonɨmuÅ, bɨ ned tɨkjakɨl agɨnɨmuÅ ak ne kelɨgɨl, takaw ma agonɨmuÅ. 31 Anɨgem, nɨbi mɨdupsek nokom nokom God gos ñeb ak agñɨnɨmɨb tek lek, ag dad amɨl apɨl gɨl nɨm, Klays binɨb ne mɨdupsek nɨÅɨd, gos tɨpagɨl gos sek yenɨgel. 32 Pen binɨb God gos ñek agñeb okok, joÅɨb kɨli ke kod mɨdɨlɨg, takaw agɨnɨgel won nɨnokom kod mɨdɨlɨg agɨnɨgel. 33 Chɨn nopun, God gek binɨb ne okok monmon ma gɨpal. Tap ne okok yɨpɨd gɨlɨtep gek, gos ne anɨb ak nɨgɨlɨg wog gel amek, kɨmɨgel mɨdtep gɨpal. Pen Klays binɨb ne God nop gos nɨgɨlɨg apnan gɨpal won ak, bin okok takaw ma agɨl, kɨmɨgel yenɨgel. Klays binɨb ne pelpel apnan gɨpal man keke okok mɨdupsek, kɨli anɨb ak tek nep gɨpal. Bin okok bɨ kɨli muk okok yenɨgel. Takaw anɨb ak, takaw Mosis ñu kɨl tɨkak ak anɨb ak tek nep agup. 35 Pen bin okok takaw ogɨnap sek nɨgun agɨl nɨm, kal kɨli okok amɨl nɨgɨmɨl sɨkop kɨlop agnɨgɨnɨgel. Nɨb nepɨm, bin Klays binɨb ne pelpel apnan gɨpal okok nab ak agenɨgab, tep ma gek nop ke nebeÅ gɨnɨgab. 36 Tɨtay dup? God takaw ne ak nɨbi yɨl owup akaÅ? Takaw ne ak nɨbop nep owak akaÅ? Mel yɨbɨl. 37 Bɨ olap yad bɨ God gos ñek agñeb ak akaÅ, bɨ God Kawnan ne ak yɨp kɨles ñek wog gep ak agɨl gos nɨgup ak, ne gos nɨgtep gɨnɨmuÅ. Takaw nɨbop kɨl tɨkebin anɨb awl, Bɨawl takaw kɨles ne agup ak nɨÅɨd kɨl tɨkebin. 38 Pen ne takaw anɨb awl ma nɨgek, takaw agɨnɨmuÅ ak ma nɨgɨnɨmɨb. 39 Anɨb ak mam ay sɨkop, God chɨnop gos ñek agñɨnɨgun agɨl, kɨles gɨl gos nɨgɨnɨmɨb. Pen binɨb God Kawnan ne ak kɨlop kɨles ñek takaw yɨbɨl keke apal okok, kɨlop kelɨgɨm ma agɨnɨmɨb. 40 Nɨbi God nop gos nɨgɨlɨg apnan gɨpɨm won ak, monmon ma gɨnɨmɨb, yɨpɨd gɨl gɨlɨtep gɨlɨg gem amnɨmuÅ.