1 Jon 5

1 Binɨb kɨli Jisas ne Bɨ God nop aglup ak agɨl gos lɨnepal okok, God ñapay ne mɨdebal. Nap nop mapen lɨl, ñapay ne okok kɨlop abe mapen lɨl gɨpal. 2 Pen chɨn God nop mapen lɨl, agak tek kɨdek gɨpun ak, chɨn nopun, ñapay ne okok kɨlop mapen lɨpun. 3 God nop mapen lɨl nɨm, agak tek kɨdek gɨpun. Pen takaw ne agak anɨb ak, mɨÅel ma gup. 4 God nop gos lɨnɨgon, chɨnop dek ñapay ne mɨdobun ak, tap lum awl yɨl ak mɨdupsek taw jɨsɨpuk gɨpun. Gos chɨnop ak ma ap lɨpɨg dad amnɨgab. 5 Binɨb an tap lum awl yɨl ak mɨdupsek taw jɨsɨpuk gɨpal? Binɨb Jisas ne God Ãɨne agɨl gos lɨnepal okok, kɨli nɨm anɨgɨpal. 6 Jisas Klays owak ak, bɨ yokɨp ma owak. Ãɨg pakak, kɨdek mab bak alaÅ nɨkɨm sogek kumak. Ãɨg nep pakek, God Ãɨne mɨdeb agɨl ma apun. Ãɨg pakek kɨdek mab bak alaÅ nɨkɨm sogek kumak ak, God Ãɨne mɨdeb agɨl nopun. God Kawnan ne ak takaw jɨj nɨÅɨd yɨbɨl ak, ne Jisas Klays takaw nop ak mɨseÅ agup. 7 Anɨb ak takaw adek omɨÅal nokom mɨdeb, 8 Jisas ne ñɨg pakak ak, mab bak alaÅ nɨkɨm ne sogak ak, God Kawnan ne ak takaw mɨseÅ agak ak. Takaw omɨÅal nokom anɨb ak, jɨmñɨl adek nokom agup anɨb ak tek, Jisas God Ãɨne nokom mɨdeb ak nɨgtep gɨpun. 9 Binɨb okok agel nopun ak, takaw nep agel nɨg dɨpun. God ne pen Ãɨne takaw nop ak chɨnop agup ak, takaw nɨÅɨd yɨbɨl agek nɨg dɨpun. 10 Binɨb God Ãɨne nop gos lɨnepal okok, God ayɨp mɨdɨl, God takaw mɨseÅ agup ak nɨg dɨpal. Binɨb pen God takaw agup anɨb ak nɨÅɨd ma dɨpal okok, God bɨ yepɨs agup agɨl nepal. Taynen? God ne Ãɨne takaw nop ak mɨseÅ agup ak, kɨli nɨÅɨd ma dɨpal. 11 God ne Ãɨne nop agyokek apɨl chɨnop gek, pel pelnep yonɨgun. Chɨn nɨÅɨd anɨb ak nopun, God takaw ne mɨseÅ agup ak, takaw nɨÅɨd yɨbɨl mɨdeb. 12 Binɨb God Ãɨne nop dɨpal okok, mɨñɨl mɨdtep gɨl pel pelnep yenɨgabal. Pen God Ãɨne nop ma dɨpal okok, mɨñɨl mɨdtep ma gɨl, pel pelnep ma yenɨgabal. 13 Nɨbi God Ãɨne nop gos lɨnepɨm okok, pel pelnep yenɨgabɨm ak nɨgtep gɨnɨmɨb agɨl, mɨj awl tɨkebin. 14 God gos ne ke nɨgup ak nɨÅɨd agnopun ak, agnopun tek nep nɨgup. Anɨb ak tek God yɨl monmon apɨl nop agnopun. 15 Pen chɨn nopun, God nop agnopun ak, tap agnopun anɨb okok mɨdupsek ne nɨgup. Anɨb ak tek, chɨn tap olap nop agnɨgon, tap anɨb ak gɨnɨgab. 16 Pen mam olap tap si tap tɨmel gek nɨÅɨd, God nop agnɨgɨnɨmɨb. Agnɨgem, nop tep ak dek, ne ayɨp jɨmñɨl yenɨgab. Pen tap si tap tɨmel olap gonɨmuÅ, kawnan ne pɨsnep kumeb tek mɨdeb ak, God nop gɨtep gaÅ agɨl agnɨgɨnɨmɨb ma agebin. 17 God tap mel agak okok gɨpal ak, tap si tap tɨmel gɨpal. Pen tap tɨmel anɨb okok gɨpal, kawnan kɨli pɨsnep kumeb tek ma mɨdeb. Tap nokom olap gɨpal ak, kawnan kɨli ak pɨsnep kumeb tek mɨdeb. 18 Chɨn nopun, binɨb God ñapay ne mɨdebal okok, tap si tap tɨmel gɨlɨg ma mɨdebal. God Ãɨne kɨlop kod mɨdaknɨÅ, Satan kɨlop dɨnɨmuÅ tek ma lup. 19 Chɨn nopun, binɨb lum awl yɨl okok mɨdupsek Satan yɨl mɨdebal ak pen, chɨn God yɨl mɨdɨl ñapay ne mɨdobun. 20 Pen chɨn nopun, God Ãɨne apɨl, chɨnop gos tep ñek, God ne bɨ yɨpɨd gɨl mɨdeb ak nop nɨgtep gɨpun. Chɨn God bɨ yɨpɨd gɨl mɨdeb ak ayɨp jɨmñɨl yɨbɨl mɨdɨl, Ãɨne Jisas Klays ayɨp abe jɨmñɨl mɨdobun. Jisas Klays nɨm, ne God bɨ yɨpɨd gɨl mɨdeb. Ne chɨnop gek, pel pelnep yonɨgabun. 21 Ãapay yad okok. Tap yepɨs god chɨn agɨl agnepal okok, asɨk tep gɨnɨmɨb.