2 Kolin 13

1 Yad nɨbop am ñɨn omɨÅal nɨgɨnek, mɨñɨl pen tepayaÅ nɨnɨg gebin. Buk Baybol ak tɨkɨl agak, Bɨ olap gɨ tɨmel gek, bɨ omɨÅal akaÅ, omɨÅal nokom wɨdɨn nɨÅɨd apɨl agyɨkenɨgabal, takaw ag tɨg asɨk tep gɨnɨgel agɨl tɨkak. 2 Yad ñɨn nab sɨÅak nɨbop am nɨÅɨd, binɨb ned gɨ tɨmel gɨlak okok kɨlop pen anɨgɨnɨgayn tek, agtep gɨl adɨkɨd ownek. Mɨñɨl pal okok mɨdebin ak, binɨb ned gɨ tɨmel gɨlak okok sek, mɨñɨl gɨ tɨmel gebal okok sek kɨlop agebin, TepayaÅ amjakɨl nɨm, binɨb kɨli gɨ tɨmel gɨpal okok, kɨlop nɨÅɨd ma kelɨgɨnɨgayn, gɨ tɨmel gɨnɨgayn agebin. 3 Nɨbi Klays ne yɨp gos ñek takaw agñɨbin akaÅ, mel agɨl gos nepɨm okok, nɨgtep gɨnɨmɨb. Nɨgɨm. Klays ne tap gɨpɨm okok nɨÅɨd nɨbop tɨmud wukɨnɨm agɨl, sayn gɨl ma gɨnɨgab. Kɨles ne ak nɨbop yomnɨgab. 4 NɨÅɨd apun, ne ned bɨ kɨles ma mɨdeb tek yek, nop mab bak alaÅ chɨpɨl pak tɨbɨk lel kumak. God pen kɨles ne ak dɨl Klays nop gek, mɨñɨl koÅɨm mɨdeb. Chɨn anɨb ak nep. Klays nop chɨg tep gɨl, bɨ kɨles ma mɨdeb tek mɨdobun. God pen kɨles ne ak dɨl chɨnop gek, Klays ayɨp koÅɨm mɨdɨl, nɨbop nen agɨl wog gɨpun ak nɨgɨnɨgabɨm. 5 Nɨbi ke agnɨgɨnɨmɨb, nɨbi ke bɨlok nɨgɨnɨmɨb. Klays nop gos lɨnopun akaÅ, mel agɨl, gos nɨgɨnɨmɨb. Pen Jisas Klays nɨb ayɨp nep mɨdeb ak, anɨb ak nɨbi ke ma nepɨm akaÅ? AkaÅ pen, nɨbi ayɨp ma mɨdebɨkop, nɨb nepɨm, nop gos ma nepɨkep. 6 Pen nɨbi chɨnop bɨlok nɨÅɨd anɨgɨl nɨgtep gɨnɨmɨb agɨl gos nepin, chɨn Klays nop gos lɨnɨgɨlɨg, wog ne ke gɨpun ak nɨgɨnɨgabɨm. 7 Chɨn nɨbop gos nɨgɨlɨg, God nop agnɨÅɨd apun, Kɨlop kod mɨde, tap tɨmel olap ma gɨnɨgel apun. Pen nop agnopun anɨb ak, binɨb kɨli chɨnop nɨÅɨd Klays wog ne gɨtep gebal agɨnɨgabal agɨl, anɨb ak gos ma nopun. Kɨli chɨnop nɨÅɨd bɨ wog gɨtep ma gɨpal agɨl gos nɨgel, yɨb chɨn ap yownɨgab ak, tap yokɨp. Nɨbi pen pel gɨtep gɨnɨgabɨm ak, tap awl yɨbɨl. 8 Nɨb nepɨm, chɨn tap olap gon takaw nɨÅɨd yɨbɨl ak ap yownɨmuÅ tek ma lup. Chɨn pen gon, takaw nɨÅɨd yɨbɨl ak am awl gonɨmuÅ tek lup. 9 Nɨbi kɨles tɨmel gɨl mɨdeb, chɨn kɨles ma mɨdeb ak, mɨñmɨñ gɨpun. Anɨb ak chɨn God nop abe agnɨÅɨd apun, Nad kɨlop kod mɨde, kɨli tepayaÅ jakɨl wog gɨnɨg gɨnɨgel apun. 10 Adek anɨb ak nep, yad palawl okol mɨdɨl, nɨbop mɨj tɨk yokebin. Nɨbi mɨj anɨb ak nɨÅɨd, Bɨawl nop chɨg tep gɨl mɨdem nɨm, yad amjakɨl, takaw kɨles agɨnɨg nepin ak kelɨgɨnɨgayn. Bɨawl yɨp agek wog nop gɨpin tek, takaw kɨles ogɨnap agɨnɨg agɨnɨgayn. Pen wog agek gɨpin anɨb ak, kɨlop age apyap pakɨnɨgel agɨl ma agak. Kɨlop agɨl kɨles ñe, gos sek mɨdɨl jak tep gɨl yenɨgel agɨl agak ak gɨpin. 11 Mam ay sɨkop, mɨñɨl takaw agjunɨg, Nɨbi mɨdtep gɨnɨmɨb agebin. Nɨbi Klays binɨb ne yonɨgun agɨl, kɨles tɨmel yɨbɨl gɨl yenɨmɨb. Takaw tep ak penpen agñɨl gos sek yenɨmɨb. Gos pal nokom nɨgɨnɨmɨb. Kɨmɨgel jɨmñɨl yenɨmɨb. Anɨgem nɨm, God ne nɨbop mapen lɨl, gek kɨmɨgel mɨdtep gɨpɨm ak, nɨb ayɨp jɨmñɨl yenɨgab. 12 Chɨn God binɨb ne pel gɨpun tek, nɨbi mɨñmɨñ gɨlɨg penpen ñɨn pak sakɨnɨmɨb. Binɨb Klays yɨl mɨdebal awl mɨdupsek, kɨli nɨbop ag dɨdeg lebal. 13 Bɨawl Jisas Klays nɨbop mɨdupsek yɨmug nɨÅɨd gɨtep gɨnɨmuÅ. God nɨbop mɨdupsek mapen yɨbɨl lɨnɨmuÅ. Kawnan ne ak nɨbop mɨdupsek ayɨp jɨmñɨl yonɨmuÅ.