2 Kolin 4

1 God ne chɨnop mapen nɨÅɨd dɨtep gɨl, wog anɨb awl chɨnop aglak. Anɨb ak wog gobun agɨl yɨlɨk ma nɨÅɨd, gon amnɨmuÅ. 2 Chɨn pen we gɨl gɨpal adek ak sek, nebeÅ gaknɨŠgɨpal adek ak sek pɨsnep kelɨgɨpun. Tɨtay gɨpun okok yepɨs adek ak ma gɨpun. God takaw agñɨnɨg, takaw chɨn ke ogɨnap sek agun agɨl ma apun. Binɨb okok chɨnop nɨÅɨd, yɨpɨd gɨl yɨbɨl gon ameb ak nɨgɨnɨgel agɨl, God chɨnop nɨg mɨdaknɨÅ, takaw ne yɨpɨd gɨl yɨbɨl ak mɨseÅ agñɨbun. 3 Pen takaw teplep agñɨbun anɨb ak, binɨb ogɨnap nɨÅɨd takaw we gup agɨl nɨgtep ma gɨpal. Binɨb anɨb okok nep, man tɨmel ak amnɨg gebal. 4 Kɨli Klays nop gos ma lɨnɨgel, kɨcheki bɨawl ak lum awl kod mɨdeb ak, ne kɨlop gek, kɨsɨlɨm nab okok mɨdɨl wɨdɨn koy gup tek mɨdebal. Ne kɨlop anɨgek, Klays mɨlek ne ak kɨlop pakek nɨgtep gɨnɨgel tek ma lup. Mɨlek anɨb ak, Klays bɨ yɨb awl ak takaw teplep ne ak mɨdeb. Anɨb ak Klays ne God mɨdeb tek mɨdeb ak, nop nɨgtep ma gɨpal. 5 Nɨgɨm. Chɨn tɨtay gɨpun takaw ak ma agñɨbun. Klays Jisas ne Bɨawl ak mɨdeb, chɨn nɨm nop muk okok mɨdɨl bɨ wog gɨñeb nɨbi okok mɨdobun ak agñɨbun. 6 Bɨlel God ne agak, Kɨsɨlɨm nab okok mɨlek ak ownɨmuÅ agak. God anɨb ak, mɨlek ne ke apek, gos chɨn nab ayaÅ amub. Amɨl gek, God nop nɨgtep gɨpun. Jisas Klays jomulɨk nop ak nɨÅɨd, God mɨlek ne ak nopun. 7 Chɨn binɨb lum dɨl sɨge cheg gɨpal kɨles ma mɨdeb tek mɨdobun ak pen, tap teplep anɨb ak chɨnop nab ayaÅ mɨdeb. Tap anɨb ak nɨÅɨd gos nopun, kɨles awl tɨmel yɨbɨl anɨb ak, chɨn ke yɨl ma owup, God yɨl owup. 8 Chɨnop gɨ tɨmel gel mɨÅel keke dɨpun ak pen, sɨlɨg lɨl abun. Gos pal lɨlɨg penpen nɨg mɨdobun ak pen, gos tɨkek ma owup. 9 Chɨnop gɨ tɨmel yɨbɨl gɨpal ak pen, God chɨnop ma kelɨgup. Chɨnop paklon kumɨlaÅ agɨl pakɨpal ak pen, ma kubun. 10 Chɨn anɨgɨl gos nopun, binɨb mubwak kumeb chɨn ak nɨÅɨd nɨm, Jisas kɨm mɨdeb ak mɨseÅ nɨgɨnɨgel. Anɨb ak tek mubwak kumeb chɨn ak pel nɨÅɨd, Jisas kumak ak abe nepal. 11 Lum awl pel yonoknɨÅ, binɨb kɨli chɨnop nɨÅɨd, Jisas yɨl mɨdebal agɨl, chɨnop paklɨnɨg nep gɨpal. Anɨgek, binɨb mubwak kumeb chɨn ak nɨÅɨd nɨm, Jisas kɨm mɨdeb ak mɨseÅ nɨgɨnɨgel. 12 Anɨb ak tek chɨnop mɨnek mɨnek kumeb tek lup ak, adek anɨb ak nɨbop gek pel mɨdep ak dɨpɨm. 13 Buk Baybol ak tɨkɨl agak, God nop gos lɨnɨgɨnek, anɨb ak takaw agñɨnek agɨl tɨkak. Chɨn abe Klays nop gos lɨnopun gos ak mɨdobun, anɨb ak tek Klays nop gos lɨnɨÅɨd, takaw agñɨbun. 14 Chɨn nopun, God ne Bɨawl Jisas nop gek tepayaÅ tɨkjakak ak, chɨnop abe gek Jisas ayɨp tepayaÅ tɨkjakɨnɨgabun. Ne chɨnop abe dɨl nɨbop abe dɨl dad amɨl, ne yenɨgab ak wulep sɨÅak yonɨgabun. 15 Tap anɨb okok mɨdupsek chɨnop gek koslam mɨdɨlɨg gɨpun ak, nɨbop nen anɨgɨpun. Anɨgek nɨm, binɨb kuÅay yɨbɨl God kɨlop yɨmug nɨÅɨd gɨtep gup. Gɨtep gek amek, kɨli God nop tep agɨlɨg mɨdɨlaknɨÅ, yɨb nop dad adek awl alaÅ aplanɨgel. Anɨb ak tap anɨb okok chɨnop anɨgup. 16 Anɨb ak wog gobun agɨl yɨlɨk ma nɨÅɨd, gon amnɨmuÅ. NɨÅɨd apun, wak ñɨn tob chɨn sayn gɨ yownɨmuÅ tek lup ak pen, God mɨnek mɨnek gos tɨmud chɨnop ak gek, gos tep kɨdeyɨl ak dɨpun. 17 MɨÅel keke mɨñɨl dɨpun anɨb okok, tap awl mel, yokɨp won olap nep chɨnop gɨnɨgab. Pen tap anɨb okok chɨnop gɨtep gek, chɨn pel pelnep God man ne alaÅ yonɨgabun. Chɨn nopun, tap teplep chɨn dɨnɨgabun okok, teplep yɨbɨl yenɨgab ak pen, mɨÅel chɨn mɨñɨl dɨpun okok, tap yokɨp tek lɨnɨgab. 18 Tap wɨdɨn mɨdup nopun ak, sɨkol won olap yenɨgab. Tap teplep pen wɨdɨn ma nɨgep tek lup ak, ak pel pelnep yenɨgab. Anɨb ak tek tap wɨdɨn nopun ak, chɨn kɨles gɨl nɨÅɨd gos lɨl ma nopun. Pen tap wɨdɨn ma nɨgep tek lup ak, kɨles gɨl nɨÅɨd gos lɨl nopun.