2 Timoti 1

1 Yad Pol. God nɨÅɨd yɨp aglek, bɨ Klays Jisas takaw nop dad ameb ak mɨdebin. Bɨlel God takaw olap anɨgɨl aglak, Klays Jisas nop chɨgɨl, pelpel yenɨgabɨm agak. Takaw anɨb ak yɨp agek, agñɨ ajebin. 2 Timoti, nad ñɨ tep yad ak, mɨj anɨb ak ñu kɨl tɨkɨl nep ñɨbin. Bapi God chɨn ayɨp, Bɨawl chɨn Klays Jisas ayɨp, nep yɨmug nɨÅɨd gɨtep gɨlɨg kod mɨdel, mɨdtep gɨnɨmɨn. 3 Based yad okok ned God nop agnɨÅɨd, gos pal ak teplep won ak nɨg mɨdɨlɨg, wog teplep yɨbɨl ak gelɨgɨpal. Pen yad abe kɨli gos nepal tek ak gebin. Subnab abe maynab abe yad God ayɨp takaw agobul. Agɨl, mɨnek mɨnek nep gos nɨÅɨd, God nop tep apin. 4 Nad chaÅ awl lɨnak ak nɨgɨlɨg mɨdebin. Anɨb ak, yad nep tepayaÅ nɨÅɨd, mɨñmɨñ awl gɨnɨm agɨl gos nɨgebin. 5 Nad Klays nop nokom gos lɨnepan ak nɨgɨlɨg mɨdebin. Ned napɨs Lowis ayɨp, nanɨm Yunis ayɨp Klays nop gos lɨnɨÅɨd yelɨgɨpil tek, mɨñɨl pen yad nepin, nad abe Klays nop gos lɨnɨÅɨd mɨdeban. 6 Anɨb ak tek, mɨñɨl gos tɨmud nep ak pag yɨkebin. Ned yad nep ñɨn dɨ mɨdɨlɨg agnɨgen, God kɨles tep ne ak nep monmon ñak. Kɨles anɨb ak dɨ mɨdeban ak, nad kɨles tɨmel yɨbɨl ge awl gek, anɨb ak tek bɨ olap mab agɨlek, yɨn gɨl dad amɨl, awl gek amub. 7 Chɨn nopun, God ne Kawnan ne ak chɨnop ñub ak, ne gek chɨn binɨb pɨlɨkep tek ma lup. Mel yɨbɨl. Chɨnop gek, kɨles ne dɨl, binɨb mapen yɨbɨl lɨl, mubwak chɨn ak sek gos tɨmud chɨn ak sek, kod mɨdtep gɨnɨgun. 8 Anɨb ak, Bɨawl chɨn takaw ne agyɨkɨnɨg, nebeÅ ma dɨnɨmɨn. Pen Klays wog genek, yɨp nag lɨlak ak, nebeÅ ma dɨnɨmɨn. Yad takaw teplep ne ak agñen yɨp gɨ tɨmel gɨpal ak tek, nad takaw teplep agñe nep gɨ tɨmel gɨnɨgel. God chɨlop kɨles ñɨl kod yek, kɨles gɨl pen agñɨnɨgul. 9 God chɨnop tɨg asɨk dɨl aglek, binɨb ne ke yɨbɨl mɨdɨl, yɨpɨd gɨl yɨbɨl mɨdobun. Pen chɨn gɨtep gonok nɨÅɨd aglɨl ma dak. Ne ke aglɨl yɨmug nɨÅɨd gɨtep gin agɨl gos nɨÅɨd, chɨnop dak. Bɨlel man ma alwol gɨlak ñɨn ak, God ne anɨgɨl gos nɨgak, Klays Jisas wog ne gek, yad kɨlop yɨmug nɨÅɨd gɨtep gɨnɨgayn agɨl gos nɨgak. 10 Pen mɨñɨl Klays Jisas, bɨ kasɨn gep chɨn ak, mɨseÅ lup. Ne apɨl gek, God yɨmug nɨÅɨd gɨtep gep ne ak abe mɨseÅ lup. Kumɨl tek yobɨnop ak pen, Klays Jisas kumeb adek ak tɨg jɨsɨpuk gɨ dɨyokak. Takaw teplep ne dad apɨl chɨnop gek, chɨn nopun, pɨsnep kumɨl ma kul gɨnɨgun, pel pelnep yonɨgun tek lup. 11 Adek anɨb ak, God ne ke yɨp agek, bɨ Jisas takaw nop dad ameb ak mɨdɨl, takaw teplep nop agyɨkɨl, binɨb okok kɨlop agñɨtep gebin. 12 Anɨgen yɨp gɨ tɨmel gel, koslam mɨdɨl mɨÅel awl yɨbɨl ak debin ak pen, nebeÅ ma dɨpin. Bɨ nop gos lɨnepin ak, nop nɨgtep gɨpin. Anɨb ak yad nepin, tap teplep yɨp dɨñak ak, ne ke kod mɨdtep gek mɨd dad amɨl, ñɨn awl ne ak ownɨgab. 13 Klays Jisas nop gos lɨnɨgɨlɨg, binɨb mapen lɨlɨg, takaw nɨÅɨd yɨbɨl agen nepan ak, yɨpɨd gɨl yɨbɨl mɨdeb agɨl, binɨb okok kɨlop agñɨnɨmɨn. 14 God takaw teplep nep ñub ak, dɨtep yɨbɨl gɨnɨmɨn. God Kawnan ne ak nab chɨn okyaÅ ayɨp mɨdobun ak, nep gos tep ñek, takaw teplep ak dɨtep yɨbɨl gɨnɨmɨn. 15 Pen anɨb ak nad nepan, bɨ Pigelus sek, bɨ Helmogenes sek, binɨb kɨli Esiya plopens nɨb okok mɨdupsek yɨp kelɨgɨlak. 16 Bɨ Onesipolus pen yɨp ma kelɨgup. Taun Lom nag lel mɨden, ne apɨl, nebeÅ dɨnɨgayn agɨl yɨp ma kelɨgup. Koslam pɨyow dad apɨl, yɨp nɨgup. Ãɨn kuÅay yɨbɨl ap nɨgek, yɨp tep yɨbɨl gup. Pen ned taun Epesus yenek, yɨp gɨtep yɨbɨl golɨgup anɨb ak, nad nɨgtep gɨpan. Anɨb ak, Bɨawl anop agnɨÅɨd apin, Onesipolus binɨb ne okok sek kɨlop mapen nɨÅɨd kod yenɨmɨn apin. Pen takaw olap Bɨawl anop agnɨÅɨd apin, Ãɨn awl nad ak apek, nop mapen nɨÅɨd kod yenɨmɨn apin.