Aposel 27

1 Kɨdek takaw aglɨl agɨlak, Pol ayɨp bɨ kalabus ogɨnap ayɨp kɨlop, bɨ Juliyus anop ñon, sip dɨl poÅɨd Lom gapman bɨnonɨm mɨdeb man Yitali amnɨmuÅ agɨlak. Bɨ Juliyus, ne bɨ chɨm kadɨŠgep bɨawl olap. Bɨ chɨm kadɨŠgep ne anɨb okok kɨlop agelɨgɨpal, Lom gapman bɨnonɨm bɨ chɨm kadɨŠgep ne yɨbɨl agelɨgɨpal. 2 Pen ñɨn anɨb ak, sip taun Adlamitiyum nɨb ak, Esiya plopens amnɨg gek nɨm, sip anɨb ak dɨnok. Bɨ Masedoniya plopens nɨb olap ayɨp amnɨnok. Yɨb ne Alistakus. Taun ne ak nɨm Tesalonayka. 3 Mɨnek taun Saydon amjakɨnok. Pen Juliyus ne Pol nop mapen nɨÅɨd gɨtep gɨl, nop agak, Am bɨ nad okok kɨlop nɨge, nep tap tay tek donɨmuÅ okok ñɨnɨgel agak. 4 Pen chɨn taun Saydon anɨb ak kelɨgɨl amɨlɨg, yɨgen awl yɨbɨl ak apɨl, ñɨg solwala ak pagak. Anɨgek, man ñɨg tɨb kus gak Sayplus bak okok amnɨnok. 5 Amɨl, am am Silisiya plopens sɨl gɨl, am Pampiliya plopens sɨl gɨl, Lisiya plopens amɨl taun Mayla amjakɨnok. 6 Amjakɨl, bɨ chɨm kadɨŠgep bɨawl ak nɨgak, sip taun Aleksadliya nɨb ak, man Yitali amnɨg gek. NɨÅɨd, chɨnop agek sip anɨb ak dɨnok. 7 Dɨl, ñɨn kuÅay yɨbɨl kɨmɨgel yɨbɨl amɨl, koslam am am taun Nidus amjakɨnok. Pen yɨgen awl ma apek, yɨpɨd gɨl ameb tek ma lek nɨm, pɨs kɨd okok nep am am, taun Salmone sɨl gɨl, man Klit bak okok amnɨnok. 8 Koslam am am, man Ãɨg Mɨdup Cheb Teplep Gol Okok amjakɨnok. Man anɨb ak, taun Laseya wulep okok. 9 Chɨn anɨgɨl sayn yɨbɨl gɨ ajɨnoknɨŠnɨm, Juda binɨb tap ma ñɨbal ñɨn awl ak padɨkek, ñɨg solwala awl pagep ñɨn ak owak. Anɨb ak Pol ne bɨ anɨb okok kɨlop agak, 10 Bɨ okol. Ameb tek ma lup ak, amonɨgabun, sip mɨgan tap yek okok tɨmel gɨl, sip tɨmel gɨl, chɨn ogɨnap kumnɨgabun agak. 11 Pol anɨb agak ak pen, bɨ sip dup ak sek, bɨ sip nap nɨb ak sek agelek, bɨ chɨm kadɨŠgep bɨawl ak, ne Pol takaw ak kelɨgɨl, takaw kɨlop ak dak. 12 Bɨ sip wog gɨlak ogɨnap sek agɨlak, Yɨgen awl dup ñɨn awl, man tɨmel anɨb awl ma yonɨgun, taun Piniks wulep mɨdeb ak am yonɨgun agɨlak. Yɨgen awl owup ñɨn ak agɨl, sip dam man anɨb ak lon, tɨmel ma gɨnɨgab agɨlak. Taun Piniks anɨb ak, man ñɨg tɨb kus gak Klit nab okok mɨdeb, sub saÅɨd amub kɨd okok ken nɨgak. 13 Kɨli anɨb agɨl, man anɨb ak mɨdɨl, yɨgen sɨkol owak ñɨn olap, mɨñɨl amɨl amjakɨnɨgabun agɨl, anka yokɨlak ak lɨpɨg del, man ñɨg tɨb kus gak Klit anɨb ak, ñɨg gol adek ak amnɨnok. 14 Anɨgɨl amnɨnoknɨÅ, yɨgen awl yɨbɨl ak amnɨnok okok ken owak. 15 Apɨl, chɨnop dad yepɨs okok amnɨg tek gak. Anɨgek, bɨ sip nap okok dad yɨpɨd gɨl amnun agɨl, gɨ mel nɨÅɨd kelɨgɨlak. Chɨnop sesek dad ñɨg solwala nab awl okok amnak. 16 Anɨgɨl dad amek, am am ñɨg tɨb kus gak man sɨkol Kawda agɨlak ak bak okok amɨl agɨnok, Yɨgen sɨkol owup tek, bot sɨkol bad ak dɨl, sip awl mɨgan ak lun agɨnok. Agɨl, koslam yɨbɨl dɨlɨnok. 17 Dɨlɨtep gɨl, sip awl ak pagɨnɨmuÅ agɨl, nag okok pen sip sek lɨ wos gɨl, okok nɨb okok nɨb tunɨg tep gɨlak. Pen yɨgen awl apeb, sip chɨnop ak dad man Aplika amɨl, kab kɨlup ak puÅɨlek pagɨnɨgab agɨl, sel tun gɨlak ak wɨsɨb yep lel, jel pɨlɨkɨlɨg amnɨnok. 18 Yɨgen awl apɨlɨg nep yek ak nɨm, mɨnek sip ak owan amnaÅ agɨl, sip mɨgan tap yek okok yɨsɨk ñɨg solwala dɨyokɨlak. 19 Mɨnek ak abe, yɨgen dɨ nep yek nɨm, sip nag pal awl tap wog gep okok, tap anɨb okok dɨl dɨyokɨlak. 20 Chɨn mɨnek mɨnek sub gap okok ma yɨbɨl nɨgolɨgɨpun. Pen yɨgen ak anɨgɨl dɨ nep yek ak nɨm, man olap ma amnɨgabun, kum dɨnɨgabun agɨl nɨgɨnok. 21 Pen ñɨn kuÅay tap ma ñɨbelɨgɨpal tek, Pol yelak nab ak tɨkjakɨl agak, Takaw yad agɨnek ak nepɨkep, chɨn man Klit mɨdɨl, sip mɨgan tap yek okok ma dɨyokɨpɨnop agak. 22 Pen gos kuÅay ma nɨgɨnɨmɨb, gos sek yenɨmɨb agak. Chɨn olap ma kumnɨgabun, sip nokom ak pɨsnep tɨmel gɨnɨgab agak. 23 Yad God bɨne ak, nop kɨdek gɨl agnɨgɨlɨg nep mɨdebin ak nɨm, mɨñɨl kɨnesɨpin, ensel olap agyokek apɨl yad mɨdebin wulep sɨÅak apjakup agak. 24 Apjakɨl agup, Pol, nad ma pɨlɨkɨnɨmɨn agup agak. Nad Lom gapman bɨnonɨm mɨdeb ak amɨl, kot nɨgɨnɨgaban agup agak. Pen God nɨbop kod mɨdek, bɨ sip mɨgan okol abe ma kumnɨgabal agup agak. 25 Anɨb ak gos kuÅay ma nɨgɨnɨmɨb, gos sek yenɨmɨb agak. Yad nepin, God yɨp agup tek gɨnɨgab agak. 26 Chɨn pen am am, yɨgen sip ak dɨ nebneb gek, man ñɨg tɨb kus gak olap amnɨgabun agak. 27 Yɨgen ak chɨnop anɨgɨl dad am am amnɨnok. Pen ñɨn wajɨlem pɨs kɨd ak maynab ayaÅ nɨm, ñɨg solwala Mediteleniyan apal nab ak amɨlɨg, bɨ sip wog gɨlak okok gos olap nɨgɨlak, man olap apjakobun tek lup. 28 Kɨli gos anɨb ak nɨÅɨd, kab kɨlup wulep wulep mɨdeb akaÅ agɨl, nag lɨ nepal ak ñɨg mɨgan puÅɨl nɨgɨlak, pal awl awl yek. Tapɨn sɨkol won olap amɨl, tepayaŠñɨg mɨgan puÅɨl nɨgɨlak, tapɨn wulep yɨbɨl yek. 29 Anɨgek, chɨn kab sek okok amobun tek lup agɨl, pɨlɨkɨl, anka omɨÅal omɨÅal yokelak, sip ak alad gak. Alad gek mɨdɨlɨg, kɨli agnɨÅɨd agɨlak, Man kasek tɨkɨl, sub ak nɨgaÅ agɨlak. 30 Pen bɨ sip wog gɨlak okok, kɨli man ñɨg tɨb kus gak yep wulep anɨb ak amnɨg, chɨnop yepɨs agɨl agɨlak, Bot sɨkol ak dam kɨmɨg day oÅɨd yokɨl, anka ogɨnap sek yokun agɨlak. 31 Kɨli anɨgɨl yepɨs agɨlaknɨÅ, Pol ne nɨÅɨd, bɨ chɨm kadɨŠgep bɨawl ak ayɨp bɨne okok ayɨp kɨlop agak, Bɨ sip wog gɨpal awl, kɨli bot sɨkol ak dɨl mɨdupsek chɨnop kelɨgɨl amnɨgebal agak. Kɨli pen amenɨgabal, kumnɨgabɨm agak. 32 Anɨb agek, bɨ chɨm kadɨŠgep okok kɨli takaw anɨb ak nɨÅɨd, bot sɨkol ñɨg ayaÅ yokɨnɨg gelak nag ak, pɨsnep tɨbɨlɨk yokɨlak. 33 Pen man tɨkɨnɨg gak won ak, Pol tap ñɨÅɨm agɨl gos nɨÅɨd, kɨlop agak, Ãɨn anep wajɨlem pɨs kɨd ak gos kuÅay nɨgɨlɨg, tap ma ñɨbɨl, yokɨp yɨbɨl yesɨpɨm agak. 34 Pen nɨbop takaw kɨles tɨmel agebin, tap olap nɨbop ma yɨbɨl gɨnɨgab agak. Anɨb ak tap ogɨnap ñɨbɨl, kɨles tɨmel mɨdɨl, mɨdtep gɨnɨmɨb agak 35 Pol anɨb agɨl, nɨg yelaknɨŠbilet ak dɨl, God nop tep agɨl, tɨpagɨl ñɨÅak. 36 Kɨli nɨÅɨd, abe chɨbol tep gek tap ñɨÅɨlak. 37 Chɨn bɨ anep 276 ak sip mɨgan anɨb ak mɨdonok. 38 Pen tap ñɨbɨl, sip ak wugaÅ agɨl, tap wit yek okok ñɨg solwala ayaÅ dɨyokɨlak. 39 Man tɨkaknɨÅ, ñɨg tɨb kus gak man won ak nɨgɨnok ak pen, man anɨb awl tay agɨl, ma nɨgɨlak. Pen kɨli nɨgɨlak, ñɨg solwala day oÅɨd tɨb sak amnak ak, kab kɨlup tep yɨbɨl ak yek ak nɨm, kɨli agɨlak, Sip ak adek anɨb ak yɨpɨd gɨl amnɨgabun agɨlak. 40 Agɨl, sip anka yokɨlak nag okok tɨbɨlɨkɨl, sip pɨspɨs lak stia omɨÅal ak wɨsɨb yepɨl, sel awl wɨsɨb lak ak, tepayaÅ tun gɨl saÅɨdɨnok. 41 Am am nɨm, sip kɨmɨg day ak, kab kɨlup day ak puÅɨl, tɨk ñɨl wos gak. Anɨgɨl tɨk ñɨl wos gek, ñɨg solwala ak pag apɨl, sip jɨj day okok ken pɨsnep pag pakek amnak. 42 Anɨgek, bɨ chɨm kadɨŠgep okok agɨlak, Sip ak tɨmel geb agɨlak. Bɨ kalabus okok pɨlɨk amel, bɨawl okok chɨnop ag gɨnɨgabal agɨlak. Anɨb ak bɨ kalabus kɨlop paklun agɨlak. 43 Anɨb agɨlak ak pen, bɨ chɨm kadɨŠgep bɨawl ak ne Pol nop gos nɨÅɨd, kɨlop mel agɨl agak, Bɨ ñɨg wɨj pɨlɨk nepal okok, ned ñɨg wɨj pɨlɨkɨl man ak amnɨgel agak. 44 Kɨdek bɨ ñɨg wɨj ma pɨlɨk nepal okok, mab bog dayday okok chɨchɨk dɨl man ak amnɨgel agak. Agek, agak tek nep gɨnok. Bɨ olap ñɨg ma ñɨÅɨnok, mɨdupsek kɨm amnɨnok.