Jon 11

1 Bɨ olap nop tap gak, man sɨkol Betani. Yɨb ne ak Lasalus. Bɨ anɨb ak, nɨnay ne omɨÅal yelɨgɨpil, olap Maliya, olap Mata. Maliya nɨm, bin Jisas nop tob kɨd ak wel ñɨg kuy tep owep ak sog ñɨl, kɨmɨg wɨj ne dɨl wik yokak ak. 3 Lasalus nop anɨgɨl tap gek, nɨnay omɨÅal Jisas nop takaw agyokɨl agɨlek, Bɨawl. Bɨ nak anop mapen lɨpan ak tap gup agɨlek. 4 Pen Jisas takaw agyokɨlek anɨb ak nɨÅɨd anɨb agak, Nop tap gup anɨb ak pɨsnep ma kumnɨgab agak. Anɨb ak binɨb kɨlop gek, God kɨles ne ak nɨÅɨd yɨb nop ak dad aplanɨgel agak. Pen binɨb okok kɨlop abe gek, God Ãɨne yɨb nop ak dad aplanɨgel agak. 5 Jisas ne Mata, Maliya, Lasalus kɨlop mapen lolɨgup. 6 Pen Lasalus nop tap gup takaw ak nɨÅɨd, kasek ma amnak. Man yolɨgup anɨb ak mɨnek omɨÅal sek yek. 7 Mɨdɨl, kɨdek bɨne okok kɨlop agak, Chɨn adɨkɨd Judiya amnɨgun agak. 8 Anɨb agek, bɨne okok nop agɨlak, Tisa. Mɨyadil nab sɨÅawl, Juda kay okok nep kab tɨgju paklɨnɨg gelak ak pen, tepayaÅ man anɨb ak amnɨgeban agɨlak? 9 Agelak Jisas pen agak, Nɨbi nepɨm, mɨnek nokom olap, tapɨn mɨdɨl kɨsɨlɨm owup agak. Anɨb ak bɨ mɨlek sek gɨ ajenɨgab ak, mɨlek ak nɨgɨlɨg ajenɨgab tek, tap ogɨnap aldek apyap ma pakɨnɨgab agak. 10 Pen maynab ayaÅ gɨ ajɨl, mɨlek ma nɨgɨnɨgab tek, tap ogɨnap aldek apyap pakɨnɨgab agak. 11 Jisas anɨb agɨl, takaw olap pen agak, Bogɨlak chɨn Lasalus wɨsɨn kɨneb agak. Yad pen amɨl, nop agen tɨkjakɨnɨgab agak. 12 Agek, bɨne okok nop agɨlak, Bɨawl. Ne kɨneb apan ak, suÅ lɨl jakɨl amnɨgab agɨlak. 13 Jisas ne Lasalus kumub agɨl agak ak pen, bɨne kɨli agnɨgɨlak eÅ, yokɨp wɨsɨn kɨnek anɨb agosup agɨlak. 14 Bɨne okok anɨgɨl ma nɨgel anɨb ak, kɨlop mɨseÅ agɨl agak, Lasalus pɨsnep kumub agak. 15 Pen nɨbop nen agɨl nepin, tap nop gup ak nɨbi nɨÅɨd, yɨp gos lɨnɨgɨnɨmɨb agak. Anɨb ak tek, ne ayɨp ma mɨden kumak anɨb ak, mɨñmɨñ gebin agak. Mɨñɨl pen nod yɨl amnun agak. 16 Agek, Tomas yɨb ne olap Didimus, ne Jisas bɨne ayɨp yelak okok kɨlop agak, Chɨn abe ne ayɨp amɨl, mɨdupsek kumnɨgun agak. 17 Pen kɨli man sɨkol Betani amjakɨl, Jisas nɨgak, Lasalus kumek kamɨlak ak, ñɨn omɨÅal omɨÅal padɨkak. 18 Man sɨkol Betani anɨb ak, Jelusalem ke pal sɨÅadaÅ yek. 19 Anɨb ak nɨm, nɨmam kumek, Juda binɨb kuÅay yɨbɨl apɨl, Mata ayɨp Maliya ayɨp kɨlop chɨb nɨÅɨd agñɨtep gɨl yelak. 20 Pen Mata ne Jisas apeb agel nɨÅɨd, Maliya nop kal ak kelɨgɨl, Jisas nop kanɨb nab am nɨgak. 21 Mata ne Jisas nop am nɨÅɨd anɨb agak, Bɨawl, nad awl yebɨnap tek, mam yad ak ma kubɨkop agak. 22 Yad pen nepin, mɨñɨl God nop agnɨgenɨmɨn, tɨtay agɨnɨgaban tek nep gɨnɨgab agak. 23 Agek, Jisas agak, Namam tepayaÅ tɨkjakɨnɨgab agak. 24 Agek, Mata agak, Yad nepin, ñɨn kɨdek ak, binɨb okok tepayaÅ tɨkjakɨnɨgabal ñɨn ak, ne abe tepayaÅ tɨkjakɨnɨgab agak. 25 Agek, Jisas ne Mata nop agak, Kumɨl tepayaÅ tɨkjakɨpal ak sek, pelpel mɨdebal ak sek jɨj ak nɨm yad ke mɨdebin agak. Binɨb yɨp gos lɨnepal okok kumnɨgabal ak pen, pɨsnep ma kumnɨgabal, pelpel yenɨgabal agak. 26 Binɨb kɨm mɨdɨl yɨp gos lɨnɨgɨnɨgabal tek, ma kumnɨgel agak. Pel pelnep yenɨgabal agak. Takaw anɨb ak gos nepan akaÅ agak? 27 Agek Mata agak, Bɨawl, yaw agak. Yad nepin, nad nɨm Bɨ God nop aglup ak, chɨnop dɨl kod yenɨgab ak mɨdeban agak. God Ãɨne yɨbɨl lum awl ownɨgab agelɨgɨpal anep nɨm nad agak. 28 Mata anɨb agɨl, adɨkɨd nɨnay Maliya nop suk agek apek, nop tɨmud sɨb wikɨl agak, Tisa awl apjakɨl, nep akal agɨl agnɨgeb agak. 29 Agek, Maliya takaw anɨb ak nɨÅɨd, kasek tɨkjakɨl nop nɨgɨnɨg amnak. 30 Jisas pen kal ma owak. Mata nɨgak tep sɨÅak nep yek. 31 Pen Juda binɨb Maliya ayɨp kal mɨgan mɨdɨl, nop chɨb nɨÅɨd agñɨtep gɨlak okok, Maliya kasek tɨkjakɨl amek nɨÅɨd agnɨgɨlak eÅ, chɨp kaw tub adek ak chaÅ lɨnɨg ameb agɨl, kɨdek amnɨlak. 32 Pen Maliya am Jisas yek ak apjakɨl, nop nɨÅɨd, tob agen kɨgom yɨmɨl agak, Bɨawl, nad awl yebɨnap tek, mam yad ak ma kubɨkop agak. 33 Pen Maliya sek, Juda binɨb ne ayɨp owlak okok sek chɨb gek chaÅ lɨ yelak nɨÅɨd, Jisas ne yɨmug yɨbɨl gek nop mɨÅel yɨbɨl gek 34 agak, Nop kabɨm akal agak? Agek agɨlak, Bɨawl, nad ape am nɨgun agɨlak. 35 Pen Jisas chaÅ lak. 36 ChaÅ lek, Juda binɨb okok nɨÅɨd anɨb agɨlak, Nɨgɨm, bɨ anɨb anop mapen yɨbɨl lup agɨlak. 37 Ogɨnap pen agɨlak, Ne bɨ wɨdɨn koy gup okok gek wɨdɨn yɨbɨl nepal tek, taynen tap nop gak anɨb ak gek ma suÅ lak agɨlak? 38 Pen Jisas nop tepayaÅ mɨÅel yɨbɨl gek, Lasalus nop kamɨlak adaÅ amnak. Chɨp kaw kab mɨgan tɨdamɨgɨl kamɨl, kab kolɨm awl kaw tub mɨgan ak pɨl gɨlak. 39 Pen Jisas apɨl agak, Kab kolɨm awl ak dɨyokɨm agak. Agek, bɨ Lasalus kumak anɨb ak nɨnay Mata agak, Bɨawl, chɨp ak kumek kamonok, ñɨn omɨÅal omɨÅal padɨkak ak, kuy tɨmel yɨbɨl ownɨgab agak. 40 Agek, Jisas agak, Nep tay agesɨpin agak? Yɨp gos nɨg mɨdɨl nɨm, God kɨles ne ak ke nɨgɨnɨgaban apin agak. 41 Anɨb agek, bɨ ogɨnap kab ak dɨyokel, Jisas kɨlan gɨl nɨÅɨd agak, Bapi, nep agnepin yɨp nepan anɨb ak tek, nep tep yɨbɨl apin agak. 42 Yad nepin, yɨp pel nepan ak pen, mɨñɨl agnɨgebin ak, binɨb awl jak mɨdebal okol nad nokom yɨp agyokɨpan ak, nɨgtep gɨnɨgel agɨl agebin agak. 43 Anɨb agɨl, meg mɨgan dad aplanɨl agak, Lasalus, seÅ owan agak. 44 Agek, chech nop kam sɨlokɨl dam kaw dɨlak okok, anɨgɨl mɨdaknɨŠLasalus seÅ owak. Chech nop kɨmɨg alaÅ kam sɨlokɨlak ak sek, ñɨn tob okok kam sɨlokɨlak okok sek yek. Anɨgɨl apek, Jisas agak, Wɨsɨb yokem amnɨmuÅ agak. 45 Juda binɨb Maliya nop nɨgɨnɨg owlak anɨb okok, kuÅay yɨbɨl Jisas anɨgak okok nɨÅɨd, nop gos lɨnɨgɨlak. 46 Ogɨnap pen bɨ Pelisi okok yelak ak amɨl, Jisas gak anɨb okok agñɨlak. 47 Agñel nɨÅɨd, bɨ Pelisi okok sek, bɨ God nop sɨbogep bɨawl okok sek, kɨli bɨ Juda bɨawl takaw tɨg asɨkep okok mɨdupsek kɨlop suk agel, apnan gɨl agɨlak, Bɨ anɨb ak tap mageptek kuÅay yɨbɨl geb, anɨb ak chɨn tay gɨnɨgun agɨlak? 48 NɨÅɨd kelɨgon, ne anɨb anep gek amek, binɨb okok mɨdupsek nop gos lɨnɨgɨnɨgabal agɨlak. Anɨgelak, Lom bɨ okok apɨl, God agnɨgep kal awl chɨn ak gɨ tɨmel gɨl, binɨb chɨnop gɨ tɨmel gɨl gɨnɨgabal agɨlak. 49 Pen bɨ kɨli olap, yɨb ne Kayapas, ne sub nokom anɨb ak bɨ God nop sɨbogep bɨawl yɨbɨl ak yek. Ne kɨlop anɨb agak, Nɨbi gos teplep ma mɨdeb agak. 50 Nɨbi ma nepɨm, tap olap nɨbop gɨñɨnɨgab akaÅ agak? Bɨ nokom olap chɨnop nen agɨl kumenɨgab, binɨb chɨn mɨdupsek kul gɨnɨgel tek ma lɨnɨgab ak, tep yɨbɨl agak. 51 Pen agak anɨb ak, ne ke gos nɨÅɨd ma agak. Sap yeb anɨb ak ne bɨ God nop sɨbogep bɨawl yɨbɨl yek ak nɨm, God nop gos ñek agñɨl agak, Jisas ne Juda binɨb okok kɨlop nen kumnɨgeb agak. 52 Pen Juda nep mel agak. Ne God ñapay ne man okok mɨdupsek dɨ jɨmñɨl lɨl, jɨj nokom yɨbɨl yenɨgel tek lɨnɨgab agak. 53 Pen Kayapas ayɨp Juda bɨawl anɨb okok ayɨp, ñɨn anɨb ak tɨkɨl Jisas nop tɨtay gɨl ñag paklɨnɨgun agɨl, ag amɨl apɨl gelɨgɨpal. 54 Nop ñag paklɨnɨg gel nɨm, Jisas Judiya plopens mɨdɨl mɨseÅ ma ajolɨgup. Amɨl man awl Eplaym, man nep binɨb ma yelak nab okok gol sɨÅak amɨl, man anɨb ak bɨne okok ayɨp yelɨgɨpal. 55 Pen Juda ñɨn awl kɨli Pasopa apal ak wulep owak. OwaknɨÅ, binɨb okok kɨli God chɨnop nɨgek suÅtep yonɨgun agɨl, kuÅay yɨbɨl man sɨkol sɨkol kɨli okok nɨb Jelusalem apnan gɨl yelak. 56 Pen apɨl, Jisas nop pɨyowɨl nɨgɨlɨg, God agnɨgep kal awl kab wali kus gɨl yek mɨgan ak jak mɨdɨlɨg, pen agnɨgek pen agnɨgek gɨl agɨlak, Nɨbi gos tay nepɨm? Ne Pasopa ñɨn awl ownɨgab akaÅ mel agɨlak? 57 Pen bɨ God nop sɨbogep bɨawl okok sek, bɨ Pelisi okok sek kɨli takaw kɨles olap agɨl agɨlak, Binɨb olap Jisas nop akal mɨdonɨmuÅ ak nɨÅɨd, ap chɨnop agonɨmuÅ, nop am nag lɨnɨg dad ownɨgabun agɨlak.