Luk 2

1 Pen Jon nop tɨkɨlak ñɨn nab anɨb ak, Lom gapman bɨnonɨm Ogastas takaw agɨl agak, Binɨb mɨdupsek yɨb kɨlop dɨnɨgabun agak. 2 Ned yɨb dɨlak ñɨn anɨb ak, gapman bɨawl Kuliniyus, Siliya plopens binɨb kɨlop kod yek. 3 Pen kɨli anɨgɨl yɨb dɨlaknɨÅ, binɨb man palawl okok nɨb ap yelak okok yɨb dɨnɨg, adɨkɨd kal kɨli keke amnɨlak. 4 Anɨgel nɨÅɨd, Josep nop Depid jɨj ak tɨk dad amɨl tɨkɨlak tek, ne Maliya nop poÅɨd Galili plopens taun Nasalet kelɨgɨl, Judiya plopens amɨl, bɨnonɨm Depid mɨdolɨgup man sɨkol Betlehem amnak. Pen bin nop takaw aglɨlak anɨb ak, ñapay kogmeg sek mɨdaknɨÅ, poÅɨd yɨb dɨnɨg amnak. 6 Amjakɨl nɨgak, bɨ okok nɨb okok nɨb kɨnebal kal okok pɨsnep tɨbɨk dak. Anɨgek nɨÅɨd, bulmakaw tap ñɨbelɨgɨpal kal mɨgan ak mɨdɨlek. MɨdɨleknɨŠñapay ñɨÅak, Maliya ñɨ ne ned tɨkak. Tɨkɨl chech day bad ak kab ñɨl, dɨl bulmakaw tap ñɨbelɨgɨpal paws mɨgan ak lak. 8 Pen Maliya Jisas nop tɨkak ñɨn anɨb ak, bɨ chag sipsip mukep okok, ogɨnap maynab ayaÅ kod yelak, Betlehem gol okok. 9 Bɨawl ne ensel olap agyokek owak. Mɨlek awl sek apɨl kɨlop pakñek jel tɨmel gek pɨlɨkɨlak. 10 Pɨlɨkelak, ensel ak kɨlop agak, Nɨbi ma pɨlɨkɨnɨmɨb agak. Yad nɨbop binɨb okok mɨdupsek takaw tep mɨñmɨñ gep ak dad opin agak. 11 Mɨñɨl bin olap ñapay tɨkup, Depid yolɨgup man ak agak. Bɨ kasɨn gep nɨbi ak nop tɨkup agak. Klays bɨ anɨb ak ne bɨawl mɨdep agak. 12 Nop am pɨyow nɨÅɨd nɨgɨnɨgabɨm, nonɨm nop chech day bad ak kab ñɨl, dɨl bulmakaw tap ñɨbelɨgɨpal paws mɨgan ak lek kɨnek agak. Nɨbi nɨÅɨd anɨb agɨnɨgabɨm, Yawe, nɨÅɨd agup agɨnɨgabɨm agak. 13 Anɨb agaknɨÅ, ensel kuÅay yɨbɨl nep God man ne alaÅ nɨb kasek apɨl, God nop tep agɨl agɨlak, 14 God ne adek alaÅ mɨdeb ak, yɨb nop ak dad aplanɨgun agɨlak. Binɨb an tek lum awl God kɨlop tep agɨnɨgab, mɨdtep gɨnɨgabal agɨlak. 15 Ensel okok adɨkɨd God man ne alaÅ amnɨlaknɨÅ, bɨ chag sipsip mukep okok takaw agnɨg agnɨg gɨl agɨlak, God agek, chɨnop takaw anɨgɨl apal ak, kasek Betlehem amɨl nɨgun agɨlak. 16 Agɨl, kasek amɨl pɨyow nɨgɨlak, Maliya ayɨp Josep ayɨp, ñapay agɨlak anɨb ak, bulmakaw tap ñɨbelɨgɨpal paws mɨgan ak lel kɨnek. 17 NɨÅɨd, ensel ne ñapay anɨb ak takaw agñek nɨgɨlak ak, binɨb okok kɨlop amɨl agñɨlak. 18 Agñelak, binɨb okok nɨÅɨd, gos pal yɨbɨl lɨlak. 19 Pen Maliya ne tap gak anɨb okok mɨdupsek dɨl, gos ne ayaÅ lɨl nɨgɨlɨg yolɨgup. 20 Bɨ chag sipsip mukep okok, ensel ne agak agak tek gek wɨdɨn kɨli ke nɨgɨlak tek, God yɨb nop ak dad aplanɨlɨg nop tep agɨlɨg adɨkɨd amnɨlak, chag sipsip okok yelak. 21 Maliya ñɨ ak tɨkɨl ñɨn anep kugul ak mɨdɨl, mɨnek jel ak wak nope tɨbɨlɨkɨl yɨb lɨlak. Ned ensel ak Maliya ñapay ma yek ñɨn ak nop yɨb ak anɨgɨl lɨnɨmɨn agak tek, yɨb nop ak Jisas agɨlak. 22 Pen bɨlel God takaw kɨles anɨb ak Mosis nɨÅɨd ñu kɨl tɨkak. Tɨkɨl agak, Ãɨ ned tɨkɨnɨgabal okok, God nop ñɨnɨgabal agak. Ak nɨm Maliya ñapay ak tɨkɨl, Juda binɨb gelɨgɨpal tek asɨkɨl, kal ke okok nep yek mɨdtep gɨl, Josep ayɨp God ñapay nop ak ñɨnɨg dad Jelusalem amnɨlek. 24 Pen God takaw kɨles olap agek Mosis ñu kɨl tɨkak. Tɨkɨl agak, Bin ñapay tɨkɨnɨgabal okok mɨdtep gek, yawl malɨg akaÅ, peleb omɨÅal God agnɨgep kal awl ak dad amnɨgabal agak. Damɨl kɨlop ñel, God nop sɨbog ñɨnɨgabal agak. Gos anɨb ak abe nɨÅɨd, yawl omɨÅal sek dad amnɨlek. 25 Anɨb ñɨn ak bɨ suÅtep yɨbɨl gɨl, God nop nɨÅɨd kɨdek golɨgup olap yek. Yɨb ne ak Simiyon, ne Jelusalem yolɨgup. Bɨ olap Yislel binɨb kɨlop gɨtep gɨnɨgab ak nop kod yolɨgup. God Kawnan ak ayɨp mɨdolɨgup ak nɨm, nop ned agak, Bɨ God nop aglup ak, binɨb okok kɨlop dɨl kod yenɨgab ak apek nɨÅɨd, kɨdek kumnɨgaban agak. Agek nɨÅɨd, nɨg yolɨgup. 27 Pen ñɨn anɨb ak God Kawnan ak Simiyon nop gos ñek, God agnɨgep kal awl kab wali kus gɨl yek ak amɨl nɨgak, nonɨm nap Jisas nop dad apɨl, Mosis agak tek gɨnɨg owlek. 28 Kɨlop nɨÅɨd, Jisas nop dɨ kay gɨl, God yɨb nop ak dad aplanɨlɨg agak, 29 Bɨawl, yad wog nep gɨñelɨgɨpin agak. Mɨñɨl yɨp tep gup, mɨdtep gɨpin agak. Anɨb ak yɨp agɨnak tek, mɨñɨl yɨp kelɨge yad kumnɨgayn agak. 30 Ãɨ anɨb ak bɨ kasɨn gep chɨn yenɨgab ak, tep agyoke mɨseÅ apek wɨdɨn yad ke nɨgebin agak. 31 Ãɨ anɨb awl binɨb nad Yislel binɨb kɨlop nep daÅ agɨl ma agyokɨpan, binɨb yokɨp okok kɨlop abe daÅ agɨl agyokɨpan agak. Ne mɨlek nad ak kɨli nɨgel tep gek, chɨnop Yislel binɨb yɨb ak dad aplanɨgabal agak. 33 Takaw anɨb ak agaknɨÅ, nonɨm nap gos pal yɨbɨl lɨlek. 34 Pen ne God nad ge mɨdtep gɨlaÅ agɨl, ñɨ nonɨm Maliya nop agak, Ãɨ nad anɨb ak mɨdaknɨÅ, Yislel binɨb kuÅay nep nab ak pal jakɨl, ogɨnap apyap pakɨnɨgabal, ogɨnap adek alaÅ amnɨgabal agak. God ne Bɨ God nop aglup ak nɨgɨlaÅ agɨl nop agyokak ak pen, nop ma dɨl takaw tɨmel agɨnɨgabal agak. 35 Anɨgɨl, binɨb kuÅay gos tɨmel nab ayaÅ mɨdeb ak, bɨawl ne ownɨgab ñɨn ak, gos kɨli mɨseÅ lɨl yenɨgab agak. Pen mapen nep ak kumnɨgab, baynat tek tɨbɨnɨgab agak. 36 Pen ñɨn anɨb ak bin God gos ñek agñeb olap abe ap yek. Yɨb ne ak Ana. Nap yɨb ak Panuwel. Binɨb Asel agelɨgɨpal jɨj ak tɨk dad apɨl nɨm, Ana nop tɨkɨlak. Pen Ana bin mɨlep yɨbɨl yolɨgup, sub ne ak 84 yɨnak. Ned bɨ dɨl, nɨgɨmɨl ayɨp mɨdel sub anep kugul ak pen, nɨgɨmɨl kumak. God nop gos anep lek, ñɨn kuÅay nep tap ñɨbɨl mel, God agnɨgep kal awl kab wali kus gɨl yek ak mɨgan ayaÅ am mɨdɨl, subnab abe maynab abe God ayɨp agɨlɨg yolɨgup. 38 Pen ne Jisas nop dɨ mɨdelak wulep sɨÅak owak. Apɨl, God nop tep agɨl, binɨb kɨli God chɨnop Jelusalem binɨb gɨñub anɨgɨl dɨnɨgab agɨl nɨgɨlak okok kɨlop agɨlɨg agak, Ãɨ anɨb ak chɨnop dɨnɨgab agak. 39 God agak tek Josep bel tap okok mɨdupsek gɨl, tep adɨkɨd Galili plopens amɨl, taun kɨli Nasalet Jisas nop poÅɨd amnɨlek. 40 Am mɨdɨl, ñɨ anɨb ak pen awl gɨl, kɨles tɨmel yɨbɨl mɨdɨl, gos tep yɨbɨl nɨÅɨd, God nop kod mɨdaknɨŠmɨdtep yɨbɨl gak. 41 Nonɨm nap ayɨp binɨb okok mɨdupsek sub ak sub ak ñɨn awl Pasopa apal ak, Jelusalem am nan gelɨgɨpal. 42 Anɨgɨl nɨm, Jisas sub anep umɨgan ak lek, nonɨm nap ayɨp Jelusalem am mɨdel, 43 ñɨn awl kɨli anɨb ak apɨl padɨkak nɨÅɨd, ñɨn nokom olap adɨkɨd amnɨlek. Kanɨb nab ak amɨl nɨgɨlek, Jisas ayɨp ma apelak. Ne Jelusalem nep yek ak pen, kɨli ma nɨgɨlek. Pen kanɨb nab ak kɨnɨl, numi nɨmam sɨkop ayɨp mɨdeb akaÅ agɨl, pɨyowɨl, 45 nop ma nep nɨÅɨd, pɨyow adɨkɨd Jelusalem amnɨlek. 46 Ãɨn omɨÅal nokom pɨyowɨl nɨgɨlek, ne God agnɨgep kal awl kab wali kus gɨl yek ak mɨgan ayaÅ mɨdek. Mɨdɨl, bɨawl takaw kɨl nɨgep okok ayɨp nab okok besɨgɨl takaw ag yelak. Mɨdɨlɨg, takaw agɨlak anɨb okok nɨÅɨd kɨlop agnɨgak. 47 Binɨb ap nɨg yelak okok, Jisas agak tek nɨÅɨd, ñɨ gos kɨd agɨl nɨÅɨd, takaw agtep yɨbɨl gup ak agɨl, wal agɨlak. 48 Pen nonɨm nap kɨli abe nop nɨÅɨd judɨlek. Nonɨm pen nop agak, Ãɨ. Nap chɨlop taynen anɨge, gos awl yɨbɨl nɨÅɨd pɨyowpul agak. 49 Agek agak, Taynen yɨp pɨyow nɨgɨnɨg opil agak? Bapi yad kal ne yenɨgayn ak ñɨli ma nepil agak? 50 Anɨb agak ak pen, takaw agup ak agɨl ma tɨk nɨgɨlek. 51 Pen ñɨn anɨb ak, nop poÅɨd adɨkɨd taun kɨli Nasalet amelek, ne anɨb okok mɨdɨlɨg, nonɨm nap agelɨgɨpil tek nep nɨÅɨd kɨdek golɨgup. Pen nonɨm ne tap gak anɨb okok mɨdupsek dɨl, gos ne ayaÅ lɨl nɨgolɨgup. 52 Jisas ne awl gɨl, gos nɨgtep yɨbɨl gek, God abe binɨb okok abe nop nɨgɨlak kɨlop tep yɨbɨl gak.