Luk 22

1 Juda kɨli bilet ma yɨnɨg tanub ñɨbal ñɨn awl ak wulep owak. Ãɨn awl anɨb ak Pasopa agɨlak. 2 Pasopa ñɨn awl anɨb ak wulep gak nɨÅɨd, bɨ God nop sɨbogep bɨawl okok sek, bɨ kɨli Mosis takaw ñu kɨl tɨkak ak nɨgtep gep okok sek, kɨli Jisas nop pakun agɨlak ak pen, binɨb okok kɨlop pɨlɨkɨl taydɨl pakɨnɨgun agɨl nɨg yelak. 3 Agɨl nɨg mɨdɨlaknɨÅ, Satan ne Judas nop nab ayaÅ amnak. Judas ne Jisas bɨ takaw nop dad ameb anep umɨgan bɨ olap mɨdeb. Yɨb ne olap Yiskaliyot. 4 Satan ne Judas nop nab ayaÅ amek, Judas ne am bɨ God nop sɨbogep bɨawl okok sek, bɨ God agnɨgep kal awl polis bɨawl okok sek yelak ak amɨl, Jisas nop tɨtay dɨl chen gɨ dad apɨl nɨbop yokɨnɨgayn agɨl kɨlop agñak. 5 Agek, kɨlop tep gek, nop agɨlak, Nep mani ñɨnɨgabun agɨlak. 6 Agelak, Judas takaw kɨlop yaw agak. Ne won akal tek Jisas binɨb okok ayɨp ma yelak nɨÅɨd, nop chen gɨ dad amɨl bɨawl okok kɨlop ñɨnɨgayn agɨl kod yek. 7 Pen bilet ma yɨnɨg tanub ñɨbal ñɨn anɨb ak apek, chag sipsip ñɨluk olap God nop pak ñɨnɨgun agɨl gos nɨgɨlak. 8 Anɨgɨl, Jisas ne Pita ayɨp Jon ayɨp kɨlop agyokɨl agak, Ãɨli am Pasopa tap mɨdup chɨn ñɨÅeb okok gɨlɨtep gɨnɨmil agak. 9 Agek agɨlek, Nad nepan, chɨl am gɨlɨnɨgul akal agɨlek? 10 Agel agak, Ãɨli taun ak amɨl nɨgɨnɨgayl, bɨ olap ñɨg mal dad apenɨgab agak. Nop nebeÅ pakɨl kal mɨgan amnɨmuÅ ak kɨdek amɨl, 11 bɨ kal nap nɨb ak nop agɨnɨmil, Tisa ne nep agup, Kal mɨgan akal, bɨyad ayɨp Pasopa tap ñɨÅɨnɨgun agup agɨnɨmil agak? 12 Agel bɨ anɨb ak ne kal mɨgan anɨb ak adek alaÅ abañ ñɨluk tap okok sek mɨdeb ñɨlop dam yomek, tap mɨdup okok kal mɨgan anɨb ak gɨlɨnɨmil agak. 13 Agek amɨl nɨgɨlek, agak agak tek nep gek, Pasopa tap ñɨÅɨnɨg gɨlak okok gɨlɨtep gɨlek. 14 Pen ñɨn anɨb ak owaknɨÅ, Jisas chɨn tap ñɨÅɨnɨgun agɨl, bɨ takaw nop dad ameb okok ayɨp besɨg kus gɨl 15 kɨlop agak, Gos yad awl yɨbɨl ak, nɨb ayɨp tap Pasopa ñɨÅɨnɨgabun, kɨdek yad yɨpɨl mab ak dɨnɨgayn agak. 16 Pen yad nɨbop agebin, mɨñɨl ñɨn awl tɨkɨl, tap anɨb ak tepayaÅ ma ñɨbɨl, yokɨp nep mɨden mɨden, tap jɨj ak nɨm mɨseÅ laknɨÅ, God binɨb dɨl kɨlop kod yenɨgab ñɨn ak ownɨgab agak. Kɨdek pen ñɨÅɨnɨgayn agak. 17 Jisas anɨb agɨl, ñɨg wayn kɨnag dɨl God nop tep agɨl agak, Nɨbi ke ñɨg wayn kɨnag anɨb ak dɨl yɨg lɨm agak. 18 Pen nɨbop agebin, mɨñɨl ñɨn awl tɨkɨl ñɨg wayn ak ma ñɨbɨl, yokɨp nep mɨden mɨden God binɨb dɨl kɨlop kod yenɨgab ñɨn ak ownɨgab agak. 19 Anɨb agɨl, tap mɨdup dɨl, God nop tep agɨl, tɨpagɨl kɨlop ñɨlɨg agak, Mubwak yad ak ñen, nɨbop gek mɨdtep gɨnɨgabɨm agak. Nɨbi dɨl gos yɨp nɨgɨlɨg ñɨÅɨnɨmɨb agak. 20 Pen tap ñɨbdɨl, ñɨg wayn kɨnag anɨb nep gɨl agak, Nɨkɨm yɨp sogek kumen nɨm, God nɨbop binɨb yad agɨl dɨnɨgayn agak takaw koÅɨm anɨb ak, am wos gɨnɨgab agak. Ak nɨm, nɨbop ñɨg wayn awl ñebin agak. 21 Nɨbi nɨgɨm. Bɨ yɨp chen gɨ dad amnɨgab ak, yad ayɨp besɨg tap ñɨb mɨdobul agak. 22 Buk Baybol ak bɨlel agɨl tɨkɨlak tek, Bɨ Olap Ãɨne chen gɨ dad amɨl, paklek kumnɨgab agak. Bɨ anɨb ak pen, ne Bɨ Olap Ãɨne nop chen gɨ dad amnɨgab ak, ne tɨtay dɨnɨgab agak. 23 Jisas anɨb agek, bɨne okok kɨli ke nep Yad gɨnɨgayn akaÅ bɨ an anɨgɨnɨgab agɨl, pen agek pen agek gɨlɨg mɨdelak. 24 Won anɨb ak Jisas bɨne okok kɨli ke penpen agɨlɨg yelak. Keke agɨlak, Nad mel, yad bɨawl mɨdebin agɨlak. 25 Pen Jisas kɨlop agak, Binɨb Juda mel okok gapman bɨnonɨm kɨli, binɨb okok kɨlop kɨles gɨl kodɨpal ak pen kɨli apal, Binɨb kɨlop gɨtep yɨbɨl gɨpun apal agak. 26 Pen nɨbi anɨb ak tek ma gɨnɨmɨb agak. Bɨawl nɨbi okok kɨli ñɨsɨkol tek wog gɨnɨgel agak. Bɨawl yɨbɨl okok kɨli bɨ wog gɨñeb tek wog gɨnɨgel agak. 27 Nɨbi gos nɨgtep gɨnɨmɨb agak. Lum awl kodɨpal bɨ ak, tap mɨdup anɨgɨl ñɨbal agak. Bɨawl okok ap besɨgel, bɨ wog gɨñeb okok tap mɨdup kɨlop okok dopal agak. Yad pen nɨbop yokɨp bɨ wog gɨñeb tek ak gɨpin agak. Nɨbi anɨb ak tek gɨnɨmɨb agak. 28 Yɨp mɨÅel yɨbɨl gup ñɨn ak nɨbi ma kelɨgɨpɨm agak. Kod nep yesɨpɨm agak. 29 Anɨgɨpɨm ak, God yɨp agak, Binɨb dɨl kod yenɨgaban agak anɨb ak tek, yad mɨñɨl nɨbop agebin, Binɨb dɨl kod yenɨgabɨm agebin agak. 30 Anɨb ak nɨm, yad binɨb dɨl kɨlop kod yenɨgayn ñɨn anɨb ak, nɨbi abañ yad ak besɨgɨl tap mɨdup ñɨbɨl ñɨg ñɨbɨl bɨawl besɨgep adek okok besɨgɨnɨgabɨm agak. Besɨgɨl, Yislel wagen anep umɨgan ak kɨlop kod yenɨgabɨm agak. 31 Jisas Pita nop agak, Saymon, nad nɨgan agak. Satan ne God nop agnɨgak agak. AgnɨÅɨd, wit mɨdup sogel sogel mɨdup yɨbɨl ak ke lɨl, cheg ak keke dɨyokɨpal tek ak nɨbop gɨnɨgab agak. 32 Pen God nop agnepin tek, yɨp pɨsnep ma kelɨgɨnɨgaban agak. Nad tepayaÅ adɨkɨd yɨp yɨl ownɨgaban ak, namam nad kɨlop agtep ge kɨli abe mɨdtep gɨnɨgel agak. 33 Jisas anɨb agek Pita agak, Bɨawl. Yad nep ma kelɨgɨnɨgayn agak. Chɨl omɨÅal gɨl nep ajol, nep nag lɨl yɨp abe nag lɨnɨgabal agak. Pen nep paklɨl yɨp abe paklɨnɨgabal agak. 34 Agek Jisas agak, Pita. Yad nep agebin. Mɨñɨl sɨbmɨg ayaÅ yawl kakaluk suk ma agɨnɨgab won ak agɨnɨgaban, Jisas nop ma nepin agɨl, takaw won omɨÅal nokom agɨnɨgaban agak. 35 Anɨb agɨl kɨlop agak, Ned nɨbop agyokɨl agɨnek, Mani, wad, tob tɨlup okok dad ma amnɨmɨb agɨnek agak. Yokɨp amnɨmɨb agɨnek agak. Agen abek ñɨn anɨb ak, tap nɨbi ogɨnap yek akaÅ ma yek agak? Agek agɨlak, Mel, yek agɨlak. 36 Agelak Jisas agak, Mɨñɨl pen nɨbi mani, wad mɨdeb ak dad amnɨmɨb agak. Bɨ an tu palkep ma mɨdonɨmuÅ ak, walɨj ne olap bɨ ogɨnap kɨlop ñɨl mani dɨl, tu palkep ak tawnɨmuÅ agak. 37 Pen nɨbop agebin agak. Ned God takaw anɨb ak kɨl tɨkɨlak ak, yɨp anɨgɨnɨmuÅ agak. Tɨkɨl agɨlak, Ne bɨ tap si tap tɨmel gɨpal okok tek yenɨgab agɨl gos nɨgɨnɨgabal agɨl tɨkɨlak. Takaw agɨl tɨkɨlak anɨb ak, mɨñɨl yɨp anɨgɨnɨgeb agak. 38 Anɨb agek agɨlak, Bɨawl. Tu palkep chɨn omɨÅal mɨdeb agɨlak. Agel agak, Mɨñɨl tep agak. 39 Anɨb agɨl seÅ amɨl, mɨnek mɨnek amolɨgup man Olip dum amnak nɨÅɨd, bɨne okok kɨdek gɨlak. 40 Dum anɨb ak amjakɨl kɨlop agak, Gos tɨmel apek tɨmel gɨnɨmɨb tek lup, anɨb ak tek God nop agɨlɨg mɨdenɨmɨb agak. 41 Anɨb agɨl kɨlop kelɨgɨl, keke sɨÅadaÅ amɨl, kɨgom yɨmɨl, God nop agnɨÅɨd 42 agak, Bapi, tap yɨp gɨnɨgeb anɨb ak mel agɨl yɨl, mel agɨnɨmɨn agak. Pen yad gos nepin adek ak ma gɨnɨmɨn, gos nad ke nepan tek gɨnɨmɨn agak. 43 Anɨb agek, ensel olap God man ne alaÅ nɨb apɨl, ke nɨb mɨseÅ lɨl nop kɨles ñak. 44 Anɨgek, nop mɨÅel yɨbɨl gek kɨles tɨmel yɨbɨl gɨl God nop agnɨgaknɨÅ, wɨsɨb ak nɨkɨm tek jakɨl lum ayaÅ yowak. 45 Ne God ayɨp agɨl, tɨkjakɨl bɨne yelak ak amɨl nɨgak, kɨli gos palawl yɨbɨl nɨÅɨd kɨnelak. 46 NɨÅɨd kɨlop agak, Taynen wɨsɨn kɨnebɨm? Tɨkjakɨm agak. Gos tɨmel apek tɨmel gɨnɨmɨb tek lup, anɨb ak tek God nop agɨlɨg mɨdenɨmɨb agak. 47 Jisas takaw anɨb ak agɨlɨg mɨdaknɨÅ, Judas ne bɨ kuÅay yɨbɨl kɨlop poÅɨd owak. Apɨl wulep sɨÅak apjakɨl, Jisas nop kaykol gɨnɨg apek 48 Jisas agak, Judas, Bɨ Olap Ãɨne nop dɨnɨmɨb agɨl, yɨp kaykol gɨnɨgeban akaÅ agak? 49 Anɨb agak nɨÅɨd, bɨne okok tap gɨnɨg gek anɨb ak nɨÅɨd anɨb agɨlak, Bɨawl, chɨn tu palkep dɨl kɨlop pak yuk yokun akaÅ agɨlak? 50 Anɨb agelak, bɨne olap tu palkep ak dɨl bɨ olap ke nop tɨmud yɨpɨd kɨd ak tɨbɨlɨk yokak. Bɨ anɨb ak nop, bɨ God nop sɨbogep bɨawl yɨbɨl ak bɨ wog gɨñeb ne ak. 51 Jisas anɨb ak nɨÅɨd anɨb agak, Anɨb ma gɨnɨmɨb agak. Anɨb agɨl, bɨ anɨb nop tɨmud kɨd dɨnɨgek tepayaÅ suÅ lak. 52 Pen bɨ God nop sɨbogep bɨawl ogɨnap, bɨ God agnɨgep kal awl polis bɨawl ogɨnap, Juda bɨawl ogɨnap, kɨli nop ap dɨnɨg gel kɨlop agak, Nɨbi tu palkep dɨl kul dɨl dad opɨm ak, yɨp bɨ penpen ñagep tek ak nɨÅɨd dɨnɨg opɨm akaÅ agak? 53 Yad nɨbi ayɨp mɨnek mɨnek God agnɨgep kal awl kab wali kus gɨl yek ak mɨgan ayaÅ mɨden, yɨp ma dɨpek agak. Pen mɨñɨl kɨsɨlɨm owup ñɨn nɨbi ak, bɨ kɨcheki yɨl mɨdebɨm ak nɨm yɨp anɨgebɨm agak. 54 Jisas anɨb agek kɨli nop dɨl, dad bɨ God nop sɨbogep bɨawl yɨbɨl kal ne ak amnɨlak. Pita pen kɨdek adaÅ saynsayn amɨl, 55 mab dagɨl yelak kal tam ak wali mɨgan ayaÅ amɨl, binɨb ogɨnap ayɨp besɨg kus gɨ yelak. 56 Mab mɨÅɨlaÅ gɨlɨg, bin kal anɨb ak wog gɨñeb olap Pita nop nɨg dad aplan apyaÅ gɨlɨg agak, Bɨ ak abe Jisas ayɨp mɨdebil agak. 57 Agek Pita agak, Mel. Bɨ anɨb ak yad ma nepin agak. 58 Anɨb agek, yokɨp sɨkol won ak mɨdaknɨÅ, bɨ olap ap nop nɨÅɨd anɨb agak, Nad abe bɨne olap mɨdeban agak. Agek Pita agak, Yad mel agak. 59 Pen kɨdek won olap tapɨn mɨdɨl, bɨ olap pen takaw kɨles tɨmel yɨbɨl gɨl agak, NɨÅɨd apin, bɨ ak Jisas ayɨp yek, ne abe Galili plopens nɨb agak. 60 Agek Pita agak, Takaw apan ak yad ma nepin agak. Anɨb ag mɨdaknɨÅ, yawl kakaluk abe suk agak. 61 Agek, Jisas adɨkɨl Pita nop nɨÅɨjsek lak. Lek, Pita gos ak nɨgak, Jisas ned agak, Mɨñɨl sɨbmɨg ayaÅ yawl kakaluk suk ma agɨnɨgab won ak agɨnɨgaban, Jisas nop ma nepin agɨl takaw won omɨÅal nokom agɨnɨgaban agak. Takaw ak gos nɨgek, 62 kuÅam mɨlep gek, seÅayaÅ amɨl chaÅ awl yɨbɨl lak. 63 Bɨ Jisas nop dɨ mɨdelak okok, chech bad ak dɨl wɨdɨn nop kab ñɨl, nop agjulɨg pakɨlɨg agɨlak, Nad bɨ ke nepan ak, nep an pakeb agɨlak? Chɨnop agñan agɨlak. 65 Anɨgɨl, nop takaw tɨmel gak anɨb ak kuÅay yɨbɨl nep agɨlak. 66 Sub kɨdeyɨl lɨm gak won ak, bɨ Juda bɨawl takaw tɨg asɨkep okok mɨdupsek, bɨ God nop sɨbogep bɨawl okok ayɨp, bɨ kɨli Mosis takaw ñu kɨl tɨkak ak nɨgtep gep okok ayɨp, kɨli takaw agɨnɨg apnan gɨlak. Apnan gɨl Jisas nop dad apɨl agɨlak, 67 Nad Bɨ God nop aglup ak akaÅ agɨlak? Agel kɨlop pen agak, Yad nɨbop agenɨgayn, takaw yad ak ma dɨnɨgabɨm agak. 68 Pen yad nɨbop agnɨgenɨgayn, nɨbi yɨp pen ma agɨnɨgabɨm agak. 69 Pen mɨñɨl ñɨn awl tɨkɨl mɨd dad amɨl, Bɨ Olap Ãɨne am God bɨ kɨles tɨmel mɨdeb ak ñɨn yɨpɨd kɨd okok ken besɨg yenɨgab agak. 70 Anɨb agek bɨ okok mɨdupsek nop agɨlak, Nak ke God Ãɨne agɨlak? Agel agak, Nɨm nɨbi ke apɨm ak agak. 71 Agek agɨlak, Taynen am agnɨÅɨd ap agnɨÅɨd gɨpun agɨlak. Mɨñɨl ne ke agup chɨn nopun agɨlak.