Luk 24

1 Mɨnek Sande man tɨkak won ak, bin tun Jisas ayɨp Galili nɨb owlak okok, kɨli ñɨg kuy tep owep ak gɨlɨtep gɨlak ak dɨl, dad Jisas nop kamɨlak ak amnɨlak. 2 Amɨl nɨgɨlak, kab kolɨm awl chɨp kaw tub mɨgan ak pɨl gɨlak ak, mɨmlokɨd am ke okok yek. 3 Pen kɨli mɨgan anɨb ak amɨl nɨgɨlak, Bɨawl Jisas nop dɨ kamɨlak kaw mɨgan ayaÅ ma yek. 4 Tɨtay dup agɨl, gos pal yɨbɨl lɨlɨg nɨg yelaknɨÅ, bɨ omɨÅal chech kayɨg ñɨñakol gak ak yɨmɨlek okok, kɨli gol sɨÅak jakɨl mɨdelek. 5 Kɨli nɨÅɨd, jel ag pɨlɨkɨl kɨgom yɨmɨl wɨdɨn kɨli lum okyaÅ nɨgɨlaknɨÅ, bɨ omɨÅal anɨb ak agɨlek, Taynen bɨ koÅɨm mɨdeb ak nop chɨp kabal nab anɨb okok pɨyow nɨgebɨm agɨlek? 6 Ne awl ma mɨdeb. Mɨneyɨl tɨkjakup agɨlek. Pen Galili plopens mɨdɨl nɨbop takaw agak ak gos nɨgɨnɨmɨb agɨlek. 7 Nɨbop agak, Kɨli Bɨ Olap Ãɨne nop chen mɨmug gɨ dapɨl, binɨb tap si tap tɨmel gɨpal ak kɨlop yokel, nop mab bak alaÅ chɨpɨl pak tɨbɨk lel kumnɨmuÅ agak agɨlek. Ãɨn omɨÅal nokom mɨdɨl, tɨkjakɨnɨgab agak agɨlek. 8 Anɨb agɨlek nɨÅɨd, gos kɨlop ak pag yɨkek, Jisas ned Galili mɨdɨl takaw agak anɨb ak nɨgɨlak. 9 NɨÅɨd, tep adɨkɨd apɨl, tap gek nɨgɨlak anɨb ak, Jisas bɨ takaw nop dad ameb anep agɨp ak sek, binɨb ne yokɨp ogɨnap sek, kɨlop agñɨlak. Bin tun takaw agñɨlak anɨb ak, Maliya taun Makdala nɨb abe, Jowana abe, Jemis nonɨm ne Maliya abe, bin yokɨp ogɨnap sek. 11 Pen kɨli anɨgɨl agñelak nɨÅɨd, takaw kɨlop ak ma nɨgɨlak. Kɨli tay yepɨs agebal agɨl nɨgɨlak. 12 Pita pen takaw anɨb ak nɨÅɨd, kasek yɨbɨl adaÅ amɨl kamɨlak kab mɨgan ak sɨpsɨp nɨgak, chech nop kam sɨlokɨlak bad okok nep yek. NɨÅɨd, tɨtay dup agɨl gos pal yɨbɨl lɨlɨg nɨÅɨd, tep adɨkɨd amnak. 13 Ãɨn anɨb ak bɨ omɨÅal Jelusalem kelɨgɨl, man sɨkol Emeyus wulep sɨÅak yek amnɨlek. 14 Amɨlɨg, tap tɨtay dak okok takaw ak kɨmɨgel agɨlɨg amnɨlek. 15 Agɨlɨg amnɨlek nɨÅɨd, Jisas kud okok apɨl kɨli ayɨp amnak. 16 Bɨ omɨÅal ak Jisas nop nepɨlep ak pen, God gos kɨlop ak gek Jisas nop nɨgel bɨ ak ke tek lak. 17 Ne kɨlop agnɨÅɨd agak, Ãɨli tɨtay agɨlɨg amebil agak? Anɨb agek kɨlop mapen gek jakɨl yelek, 18 bɨ olap yɨb ne Kliyopas ne agak, Nad nokom ma nepan akaÅ agak? Mɨñɨl ñɨn awl Jelusalem tap geb ak, nad ma nepan akaÅ agak? 19 Agek agak, Tap anɨb ak tay agak? Agek agɨlek, Bɨ God gos ñek agñeb Jisas Nasalet nɨb ak, takaw agtep gɨlɨg gos tep tɨpagɨl nɨÅɨd, tap koÅɨm nɨb ogɨnap gɨlɨg gek agɨlek. God nop tep gɨl, binɨb okok kɨlop tep gɨl gak agɨlek. 20 Anɨgek, gos chɨn nɨÅɨd agɨnok, ne apɨl chɨnop Yislel binɨb dɨl kod mɨdtep gɨnɨgab agɨl nɨgɨnok ak pen, bɨ God nop sɨbogep bɨawl okok sek, bɨnonɨm okok sek, kɨli takaw ag nan gɨlak. Takaw ag nan gɨl nop dɨñel, bɨ kɨli ogɨnap dam mab bak alaÅ chɨpɨl pak tɨbɨk lel kumak agɨlek. Tap anɨb ak mɨyadil gak agɨlek. 22 Mɨñɨl pen tawn won ak, bin chɨn ogɨnap nop kamɨlak kaw tub ak nɨgɨnɨg amɨl, apɨl chɨnop tap tɨtay gup ak agñel nɨÅɨd ju dɨpun agɨlek. 23 Kɨli apal, Chɨp ak ma yek apal agɨlek. Ensel omɨÅal ak apɨl anɨb apil, Ne tɨkjakɨl koÅɨm mɨdeb apil apal agɨlek. 24 Anɨb agel, bɨ chɨn ogɨnap kaw tub amɨl nepal, bin okok apal tek nep yek agɨlek. Pen Jisas nop ma nepal agɨlek. 25 Anɨb agel Jisas agak, Ãɨli gos tep ma nepil agak. Bɨ God gos ñek agñeb okok, kɨli bɨlel agɨl tɨkɨlak ak, taynen nɨÅɨd agɨlak agɨl kasek ma nepil agak? 26 God takaw ak agak tek, Bɨ God nop aglup ak, ne ned yɨpɨl awl dɨl kumnɨmuÅ nɨm, kɨdek bɨawl teplep yɨbɨl kɨles tɨmel ak yenɨgab agak. 27 Anɨb agɨl, kɨlop bɨ omɨÅal takaw nop mɨdupsek agñɨ tep gak. Mosis ne takaw nop tɨkak ak sek, bɨ God gos ñek agñeb okok mɨdupsek takaw nop tɨkɨlak ak sek, takaw mɨdupsek agñɨ tep gak. 28 Pen bɨ omɨÅal anɨb ak man wulep amelek anɨb sɨÅak amjakɨl, Jisas kɨlop kelɨgɨl ne ned amnɨg tek gek, 29 kɨli nop takaw kɨles gɨl agɨlek, Dugep day won ak apobun agɨlek. Sɨb gɨnɨgeb nen, ape chɨl ayɨp mɨdon agɨlek. Agel, kɨli bɨ omɨÅal ayɨp amnɨlak. 30 Kal am mɨdɨl, tap ñɨÅɨnɨg besɨgel, ne tap mɨdup ak dɨl, God nop tep agɨl, tɨpagɨl, kɨlop bɨ omɨÅal ñak. 31 Ãak nɨÅɨd, gos kɨlop ak pag yɨkek, ak Jisas nep agɨl nɨgɨlek nɨÅɨd, kɨmɨgel kul gak. 32 Anɨgek nɨÅɨd anɨb agɨlek, Kanɨb nab okok apɨlɨg, takaw ogɨnap agñɨlɨg, God takaw tɨkɨlak takaw jɨj ak abe agñɨlɨg gek, mapen chɨl ak tɨkjakup agɨlek. 33 Anɨb agɨl, won anɨb ak nep tep adɨkɨd Jelusalem amɨl nɨgɨlek, bɨ Jisas takaw nop dad ameb anep agɨp ak sek, binɨb kɨli ogɨnap sek apnan gɨl mɨdelak. 34 Amjakɨlek nɨÅɨd, kɨlop bɨ omɨÅal agɨlak, NɨÅɨd apun agɨlak. Bɨawl ak kumub ak pen, jɨtep ak tɨkjakɨl, Saymon yek sɨÅak apek nɨgup agɨlak. 35 Agel kɨli pen agɨlek, Chɨl abe kanɨb nab okok amol, ne chɨlop nebeÅ pakek kal chɨl ak ayɨp amnɨnok agɨlek. Tap ñɨÅɨnɨg gɨl, ne tap mɨdup ak dɨl God nop tep agek, ak Jisas nep agɨl nopul agɨlek. 36 Takaw anɨb ak agɨlek nɨÅɨd, Jisas nab anɨb sɨÅak mɨseÅ lɨl agak, Nɨbi mɨdtep gɨnɨmɨb agak. 37 Agek, kɨli chɨp kawnan agɨl pɨlɨkelak 38 kɨlop agak, Taynen yɨp Jisas agɨl ma nɨÅɨd, gos kuÅay nɨgebɨm agak? 39 Anɨb ak ñɨn tob yɨp okok nɨgɨm agak. Yad ke mɨdebin agak. Chɨp kawnan agɨl nepɨm ak yɨp dɨnɨgɨm agak. Yad yɨpɨl tɨÅɨl sek mɨdebin agak. 40 Anɨb agɨlɨg, ñɨn tob ne okok kɨlop yomek nɨÅɨd, 41 kɨli mɨñmɨñ gɨlɨg gos pal lɨlɨg, Jisas nep agɨl gos tam sek nɨgelak kɨlop agak, Nɨbi tap mɨdup ogɨnap mɨdeb akaÅ agak? 42 Agek nop kubsal dap agɨl lak pɨs kɨd ak ñɨl, 43 nɨg mɨdɨlak nɨÅɨd ñɨÅak. 44 Pen ne kɨlop agak, Ned nɨb ayɨp mɨdɨl, nɨbop agñelɨgɨpin, Bɨlel tap okok mɨdupsek yɨp kɨl tɨkɨlak ak, yɨp anɨgɨnɨmuÅ agɨl agñelɨgɨpin agak. Takaw Mosis ñu kɨl tɨkak ak, bɨ God gos ñek agñeb takaw kɨli ak abe, Buk Kɨmep takaw ak abe, tap okok mɨdupsek yɨp anɨgɨnɨmuÅ agɨl agñelɨgɨpin agak. 45 Anɨb agɨl, yad gen kɨli God takaw bɨlel ak nɨgtep gɨlaÅ agɨl, gos teplep yɨbɨl ak ñɨlɨg 46 kɨlop anɨb agak, Takaw anɨb ak bɨlel kɨl tɨkɨl agɨlak, Bɨ God nop aglup ak, yɨpɨl awl dɨl kumɨl ñɨn omɨÅal nokom mɨdɨl tepayaÅ tɨkjakɨnɨgab agɨlak agak. 47 Tɨkjakek, bɨne yɨb ne ak dɨl, kɨli Jelusalem jɨj gɨl, takaw agñɨl ag dad amɨl, takaw anɨb ak binɨb okok mɨdupsek kɨlop agñɨnɨgel agɨlak. Anɨb agñɨnɨgel, Nɨbi tap si tap tɨmel gɨpun ak taynen anɨgɨpun agɨl kelɨgem, God tap tɨmel nɨbop tɨg walɨg gɨyokɨnɨgab agñɨnɨgel agɨlak agak. 48 Nɨbi ke tap gak anɨb okok nepɨm, takaw ak mɨdupsek agñɨnɨmɨb agak. 49 Pen Bapi ned aglak tek, yad tap anɨb ak agyoken nɨbop ownɨgab agak. Jelusalem awl nep mɨdɨl kod mɨdem, God kɨles ne ak alaÅ nɨb apɨl, nɨbop goÅ lɨnɨgab agak. 50 Anɨb agɨl, kɨlop poÅɨd man sɨkol Betani amɨl, ñɨn dad aplanɨlɨg agak, Bapi, nad ge mɨdtep gɨlaÅ agak. 51 God nop anɨgɨl agnɨgaknɨÅ, God nop dad man ne alaÅ amnak. 52 Kɨli nɨÅɨd, kɨgom yɨm gɨlɨg yɨb nop ak dad aplanɨl, mɨñmɨñ tɨmel yɨbɨl gɨlɨg adɨkɨd Jelusalem amnɨlak. 53 Amɨl, mɨnek mɨnek God agnɨgep kal awl kab wali kus gɨl yek ak mɨgan ayaÅ am mɨdɨl, God nop tep agelɨgɨpal.