Luk 4

1 Pen Jisas ñɨg Jodan pakɨl adɨkɨd owaknɨÅ, God Kawnan ne ak Jisas nop nab ayaÅ mɨdupsek amnak ak, ne Jisas nop man nep binɨb ma yelak nab okok poÅɨd amnak. 2 Ãɨn anep 40 juwak nɨÅɨd, kɨcheki bɨawl ak ne Jisas yad yɨl owaÅ agɨl, ap nop agnɨgolɨgup. Jisas tap ak ma ñɨbek, anɨb ñɨn ak juwek nop yuwan gak. 3 Kɨcheki bɨawl ak ne nop agak, Nad God Ãɨne mɨdɨl nɨm, kab anɨb awl age bilet tek tɨkɨlaÅ agak. 4 Agek Jisas nop pen agak, Buk Baybol ak tɨkɨl agɨlak, Binɨb okok, kɨli tap mɨdup anep ñɨbebal ak, kɨles ma dɨl pelpel yenɨgel tek ma lup agɨl tɨkɨlak agak. 5 Agek kɨcheki Jisas nop dad dum awl alaÅ olap amɨl, kasek man okok mɨdupsek yomɨl 6 agak, Man teplep okol nɨgan agak. Bɨawl keke kod mɨdebal agak. Yad pen, man anɨb okok mɨdupsek kodɨpin agak. Bɨ olap nop agɨnɨg agɨnɨgayn agak. Anɨb ak nad kɨgom yɨmɨl yɨp agnɨÅɨd kɨdek genɨgaban, man anɨb okol mɨdupsek nep agen, yɨb yenɨgab ak kodɨnɨgaban agak. 8 Agek Jisas pen agak, Buk Baybol ak tɨkɨl agɨlak, Bɨawl God nad ak nop nep kɨgom yɨmɨl agnɨÅɨd, wog nop anep gɨnɨmɨn agɨl tɨkɨlak agak. 9 Anɨb agek, kɨcheki bɨawl ak ne Jisas nop dad Jelusalem amɨl, dam God agnɨgep kal awl adek awl oklaÅ amɨl agak, Buk Baybol ak tɨkɨl agɨlak, God ne agek, ensel ne okok nep kod mɨdtep gɨnɨgabal agɨl tɨkɨlak agak. Apyap pakɨnɨg ge, ñɨn kɨli ak nep dɨ yenɨgabal ak nɨm, kab tob nep puÅɨlɨnɨmuÅ tek ma lɨnɨgab agɨl tɨkɨlak agak. Anɨb ak, nad God Ãɨne mɨdɨl nɨm, pɨdeg lum ayaÅ lan agak. 12 Kɨcheki anɨb agek Jisas agak, Buk Baybol ak tɨkɨl agɨlak, Chɨn Bɨawl God kɨles ne anɨgep tek ma mɨdeb agɨl tɨkɨlak agak. 13 Kɨcheki bɨawl ak ne Jisas nop takaw tay yepɨs okok mɨdupsek ag mel nɨÅɨd, kelɨg amnɨg gɨl, gos ne anep nɨÅɨd agak, Kɨdek ñɨn ogɨnap yad apɨl, takaw yepɨs ogɨnap sek agnɨgɨnɨm agɨl, amnak. 14 Pen God Kawnan ne ak Jisas nop kɨles ñak nɨÅɨd, adɨkɨd am Galili plopens mɨdɨl, tap ogɨnap gek nɨÅɨd, binɨb okok takaw anɨb ak yɨg dad, Galili plopens nab okok mɨdupsek amnɨlak. 15 Ne Juda apnan gɨpal kal okok amɨl takaw agtep gek, bɨ tep yɨbɨl agɨl mɨñmɨñ yɨbɨl gɨlak. 16 Pen Jisas ne Galili plopens nab okok aj aj taun Nasalet, man ne awl gak ak am yek. Juda añɨŠlep ñɨn awl ak apek, ne pel golɨgup tek, Juda apnan gɨpal kal ak amɨl tɨkjakak. 17 Tɨkjakek, nop bɨ God gos ñek agñeb Aysaya ñu kɨl tɨkak buk bad ak dap ñel, dɨ malakɨl, buk nɨm pi ak agɨnɨg gak day ak nɨÅɨd, kɨlop agñak. Takaw anɨb ak agak, 18 God Bɨawl ak, yɨp wog ne ogɨnap aglɨl, Kawnan ne ak yokek yad yɨl apyapɨl yad ayɨp mɨdeb agak. Anɨb ak binɨb yɨmgeptek okok, yad takaw teplep agtep gen nɨgɨnɨgabal agak. Binɨb nag lup mɨdebal okok, wɨsɨb yoken amnɨgabal agak. Binɨb wɨdɨn koy mɨdebal okok, kɨlop gen nɨgɨnɨgabal agak. Binɨb ogɨnap kɨlop gɨ tɨmel gɨpal okok, gɨtep gɨnɨgayn agak. 19 Bɨawl binɨb ne okok mɨdupsek gɨtep gɨnɨgab ñɨn anɨb ak apek, binɨb okok kɨlop agñɨnɨgayn agak. 20 Jisas buk pi ak anɨb ak nɨgɨlɨg agñɨjuwɨl, buk bad ak dɨ yu gɨl, bɨ buk kod mɨdolɨgup anop tepayaŠñɨl besɨgek, binɨb yelak okok mɨdupsek wɨdɨn ak juwɨl nop nep nɨgɨlak. 21 Anɨgɨl nɨgelak Jisas kɨlop agak, God takaw anɨb won ak nepɨm ak, mɨñɨl nɨÅɨd yɨbɨl mɨdeb agak. 22 Anɨb agek nɨÅɨd, Takaw tep yɨbɨl ak nep chɨnop agup agɨl, yɨb nop ak dad aplanɨlɨg gos kuÅay nep nɨgɨlak. Pen gos olap nɨÅɨd agɨlak, Bɨ anɨb awl Josep ñɨne nep agɨlak. 23 Anɨb agel Jisas kɨlop agak, Yad nepin agak. Yɨp agɨnɨgabɨm, Dokta, nak ke mɨñak nep gup ak ge suÅ lɨnɨmuÅ agɨnɨgabɨm agak. Taun Kapeneyam mɨdɨl, tap mageptek ge, yɨd apek nopun tek ak, nab sɨÅawl abe ge nɨgun agɨnɨgabɨm agak. 24 Pen nɨbop nɨÅɨd agebin agak. Bɨ God gos ñek agñeb ak kal ne mɨdɨl agek, kɨli ma nɨgɨnɨgabal agak. 25 Pen nɨgɨm. Bɨ God gos ñek agñeb Yilayja yek ñɨn ak, sub omɨÅal nokom takan anep kagol ak, man ma yɨbɨl pakɨl, tap ma jakɨl, yuwan awl yɨbɨl gak agak. Yislel bin kaÅɨl yuwan gak okok kuÅay nep yelɨgɨpal ak pen, 26 God Yilayja nop agyokek, taun Saydon palawl amɨl, man sɨkol Salepat amnak agak. Amɨl bin kaÅɨl olap nop nɨÅɨd tap ñak agak. 27 Pen anɨb ak tek, kɨdek bɨ God gos ñek agñeb Yilaysa yek ñɨn ak, Yislel binɨb soy ladek lak okok kuÅay yɨbɨl yelak ak pen, binɨb ogɨnap gek suÅ ma lak agak. Bɨ Neman man Siliya palawl nɨb ak, nop nep gek suÅ lak agak. 28 Jisas anɨb agek, binɨb Juda apnan gɨpal kal ak yelak okok nɨgel kɨlop mɨlɨk tɨmel yɨbɨl yowak. 29 Kal kɨli ak dum kabsoy anɨb oklaÅ yek, anɨb ak tek kɨli tɨkjakɨl, Jisas nop lɨpɨg seÅ ken dad kab mɨduÅ soy oklaÅ damɨl, nop lɨpɨg mɨduÅ ayaÅ yokun agɨlak. 30 Pen dɨyokun agel, ne nab anɨb okok tɨkjakɨl amnak. 31 Jisas tɨkjakɨl amɨl, ne Galili plopens taun Kapeneyam ayaÅ amnak. Juda añɨŠlep ñɨn awl ak apek, apnan gɨpal kal ak amɨl, tɨkjakɨl kɨlop takaw agñak. 32 Agñek agɨlak, Ne bɨ yɨb sek, takaw nɨgtep yɨbɨl gɨl agup agɨlak. Anɨb agɨlɨg gos pal awl lɨlak. 33 Pen Juda apnan gɨpal kal ak nab anɨb ak, bɨ kɨcheki mulɨk sɨkɨl yek olap yek. Ne suk awl agɨl agak, 34 Ay, Jisas bɨ Nasalet nɨb agak. Nad tay gɨnɨg opan agak? Chɨnop gɨ tɨmel gɨnɨg opan tek lup agak? Yad nep nepin, God bɨ suÅtep yɨbɨl ne ak opan agak. 35 Pen Jisas kɨcheki mulɨk sɨkɨl yek anop ag gɨl agak, Takaw ma agan agak. Kelɨgɨl amnoÅ agak. Agek, kɨcheki seÅ amɨlɨg bɨ anop dɨl binɨb yelak nab sɨÅak yokɨl amnak. Pen nop ma pakak. 36 Anɨgek, binɨb mɨdupsek nɨg yelak okok kɨli judɨl, agnɨg agnɨg gɨl agɨlak, Bɨ kabɨyam tɨmel anɨb awl, takaw anɨb ak akal nɨb dad apɨl agek, kɨcheki okok pɨlɨk abal agɨlak. 37 Pen Jisas gak takaw anɨb ak man anɨb okok mɨdupsek dad amnɨlak. 38 Pen Jisas Juda apnan gɨpal kal ak kelɨgɨl, Saymon kal ak amnak. Saymon nɨmak ne ak tap awl gɨl, wak okok mɨdupsek mab tek yɨnak ak nɨm, binɨb okok apɨl Jisas nop agɨlak, Nad am ge, mɨñak anɨb ak suÅ laÅ agɨlak. 39 Agel, ne bin tap gup anɨb ak wulep sɨÅak apɨl, tap gak anɨb ak ag gɨl agak, Tap gup awl suÅ laÅ agak. Anɨb agak nɨÅɨd, won anep suÅ lek, bin anɨb ak tɨkjakɨl tap mɨdup kɨlop gɨlɨtep gak. 40 Pen sub saÅɨd amnak won ak, binɨb kɨli tap gak okok, mɨdupsek dad Jisas yek ak apelak, kɨlop nokom nokom dɨnɨgak nɨÅɨd suÅ lak. 41 Pen binɨb kuÅay kɨcheki tap okok mulɨk sɨkɨl yek okok, agyokek seÅ jakɨl, amɨlɨg suk awl agɨl agɨlak, Nad God Ãɨne agɨlak. Anɨb agel kɨlop ag gɨl agak, Nɨbi anɨb ma agɨnɨmɨb agak. Taynen? Kɨli nepal, Jisas ne Bɨ God nop aglup ak, binɨb okok kɨlop dɨl kod yenɨgab. 42 Mɨnek man kɨdeyɨl tɨkak won ak, Jisas man anɨb ak kelɨgɨl, man nep binɨb ma yelak nab okok amnak. Amek binɨb okok kɨdek amɨl, nop pɨyow nɨÅɨd agɨlak, Okok ma amnɨmɨn, chɨn ayɨp mɨdon agɨlak. 43 Anɨb agel Jisas agak, God yɨp agyokek opin tek, am binɨb wakay ogɨnap kɨlop abe agñɨnɨgayn agak. God binɨb dɨl kɨlop kod yenɨgab takaw teplep ak kɨlop agñɨnɨgayn agak. 44 Anɨb agɨl, Juda apnan gɨpal kal okok amɨl, takaw tep anɨb ak kɨlop agñolɨgup.