Matyu 20

1 Jisas takaw olap agak, God binɨb dɨl kɨlop kod yenɨgab ak, kesɨm debin awl tek gɨnɨgab agak. Bɨ wayn wog nap olap, bɨ ogɨnap am dad apen wog yad ak gɨlaÅ agɨl, man tɨkaknɨŠtɨkjakɨl bɨ ogɨnap dɨnɨg amnɨgab agak. 2 Amɨl binɨb sɨkim jɨmñɨl gɨpal okok apjakɨl, bɨ ogɨnap pɨyow nɨÅɨd, nɨbop mani anɨgɨl tawnɨgayn agɨl, kɨli ayɨp takaw ag adek nokom lɨl, agyokek am wayn wog nop ak gɨ yenɨgabal agak. 3 Pen sub ak yep nab sɨÅak aplanɨgab won ak, binɨb sɨkim jɨmñɨl gɨpal okok jɨ tep amɨl nɨgɨnɨgab, bɨ ogɨnap sek yokɨp yenɨgabal agak. 4 Kɨlop nɨÅɨd anɨb agɨnɨgab, Nɨbi abe am wog yɨp ak gem, wog gɨnɨgabɨm tek, mani anɨb ak nɨbop ñɨnɨgayn agɨnɨgab agak. 5 Agek, am wog nop ak gɨ yenɨgabal agak. Pen subnab awl alaÅ won ak sek, sub kuyan gɨnɨgab won ak sek, ne binɨb sɨkim jɨmñɨl gɨpal okok jɨ tep amɨl, takaw anɨb ak nep agɨl, bɨ ogɨnap sek dek, wog nop ak gɨ yenɨgabal agak. 6 Pen sub saÅɨd amnɨgeb won ak, binɨb sɨkim jɨmñɨl gɨpal okok tepayaÅ amɨl nɨgɨnɨgab, bɨ ogɨnap sek ap yenɨgabal ak nɨm, kɨlop agɨnɨgab, Nɨbi taynen ñɨn awl wog ma gɨl, yokɨp yɨbɨl mɨdebɨm agɨnɨgab agak? 7 Agek nop agɨnɨgabal, Bɨ olap chɨnop wog olap ma ñub agɨnɨgabal agak. Agel agɨnɨgab, Nɨbi abe am wayn wog yɨp ak gɨnɨmɨb agɨnɨgab agak. 8 Pen dugep won ak, bɨawl ne bɨ wog kod mɨdep ne anop agɨnɨgab, Am bɨ wog yɨp gebal okok kɨlop age apel, bɨ kɨdek opal okok mani kɨli ak ned ñɨl, bɨ ned opal okok kɨli ak kɨdek ñɨnɨmɨn agɨnɨgab agak. 9 Agek, bɨ wog kod mɨdep ak, ne bɨ anɨb okok kɨlop suk agek apel, bɨ sub saÅɨd amnaknɨŠap wog gɨnɨgabal okok, ap mani kɨli ak ned dɨnɨgabal agak. 10 Pen kɨli anɨgɨl dɨlaknɨÅ, bɨ ned agek ap wog gɨnɨgabal okok, mani awl ak dɨnɨgabun agɨnɨgabal ak pen, kɨdek dɨlɨg nɨgɨnɨgabal, mani nab anɨb anep dɨnɨgabal agak. 11 Dɨl, day bɨ wayn wog nap nɨb ak ayɨp penpen agɨl agɨnɨgabal, 12 Chɨn taynen bɨ kɨdek opal okok mani dɨpal tek nep dɨpun agɨnɨgabal agak? Man tɨkup won ak tɨkjakɨl, sub sɨj tɨmel nɨgaknɨÅ, wog gon gon yɨlɨk gup ak pen, bɨ apɨl sɨkol won olap wog gesɨpal okok, kɨlop mani ñɨban tek nep chɨnop ñɨban agɨnɨgabal agak. 13 Agel, bɨ wog day nap nɨb ak nɨÅɨd, bɨ kɨli olap nop agɨnɨgab, Bogɨlak, nep gɨ tɨmel ma gɨpin agɨnɨgab agak. Takaw ag adek nokom lɨl, apul tek ñɨbin agɨnɨgab agak. 14 Bɨ kɨdek opal okok, bɨ ned opal okok ayɨp adɨp adɨp ñɨnɨg ñɨnɨgayn, ak tap yad agɨnɨgab agak. Anɨb ak bɨ ogɨnap taydɨl mel agɨnɨgabal agɨnɨgab agak. Kɨlop monmon ñɨbin ak taynen nep mɨlɨk yowup agɨnɨgab agak. Mani ñɨbin ak dad kal nad amnoÅ agɨnɨgab agak. 16 Jisas kesɨm anɨb ak agjuwɨl agak, Binbɨ kasek amnun agɨl ned abal, kɨli kɨdek amnɨgabal agak. Pen binbɨ kɨdek abal okok, kɨlop tawsak lɨl ned amnɨgabal agak. 17 Jisas Jelusalem amɨlɨg, kanɨb nab okok bɨne anep umɨgan ak kɨlop dad gol okok amɨl, ke yelaknɨŠkɨlop agak, 18 Nɨgɨm. Chɨn Jelusalem amon, Bɨ Olap Ãɨne nop mɨmug gɨl, dɨl bɨ God nop sɨbogep bɨawl okok sek, bɨ kɨli Mosis takaw ñu kɨl tɨkak ak nɨgtep gep okok sek kɨlop ñɨnɨgab agak. Ãek, kɨli takaw aglɨl agɨnɨgabal, Bɨ anɨb awl nop paklep agɨnɨgabal agak. 19 Anɨb agɨl, bɨ Juda mel okok kɨlop ñɨnɨgabal agɨlak. Ãel, nop agjuwɨl, nag dɨl pakɨl, dam mab bak alaÅ chɨpɨl pak tɨbɨk lel kumnɨgab ak pen, ñɨn omɨÅal nokom mɨdɨl, tepayaÅ tɨkjakɨnɨgab agak. 20 Pen bɨ Sepedi ñɨne omɨÅal ak kɨlop, nonɨm poÅɨd Jisas yek ak apɨl, kɨgom yɨmɨl agak, Yad takaw olap mɨdek apebin agak. 21 Agek Jisas agak, Takaw anɨb ak tay agak. Agek agak, Yɨp tep gɨnɨgab ak, nad age, kɨdek nad bɨnonɨm mɨdɨl binɨb kod yenɨgaban ñɨn ak, ñɨ yad omɨÅal ak bak nep sɨÅak pɨspɨs besɨgɨnɨmil agak. 22 Anɨb agek Jisas pen kɨlop agak, Nɨbi gos nɨgtep gɨl yɨp ma agnɨgebɨm agak. Ãɨli omɨÅal ñɨg sɨlek yad ñɨÅɨnɨgayn ak abe ñɨÅɨnɨgayl akaÅ agak? Agek, Yaw, ñɨÅɨnɨgul tek lɨnɨgab agɨlek. 23 Agelek agak, NɨÅɨd apil, ñɨg sɨlek ñɨÅɨnɨgayn ak ñɨÅɨnɨgayl agak. Ak pen an ñɨn yɨpɨd kɨd ak besɨgɨnɨgab, an ñɨn aÅɨd kɨd ak besɨgɨnɨgab ak, yad ke ma aglɨnɨgayn agak. Ak God tap ne, ne ke kɨlop nɨgup tek gɨnɨgab agak. 24 Pen Jisas bɨne anep wajɨlem okok, kɨli bɨ madɨlmal agnɨgep anɨb ak nɨÅɨd, kɨlop ag gɨlak. 25 Ag gelak, Jisas kɨlop agek mɨdupsek apel agak, Nɨbi nepɨm, man keke binɨb Juda mel okok, bɨawl yɨbɨl kɨli okok kɨlop kodɨpal agak. Pen bɨawl kɨli okok, kɨli takaw kɨles gɨl agɨl apal, Takaw chɨnop kɨdek gem apal agak. 26 Nɨbi pen anɨb ak tek ma gɨnɨmɨb agak. Bɨ nɨbi olap bɨawl mɨdɨnɨg gonɨmuÅ ak, ne wog gɨñeb nɨbi yonɨmuÅ agak. 27 Pen bɨawl yɨbɨl mɨdɨnɨg gonɨmuÅ ak, binɨb okok mɨdupsek kɨlop monmon yɨbɨl wog gɨñeb yonɨmuÅ agak. 28 Bɨ Olap Ãɨne abe anɨb ak nep tek agak. Yad bɨawl mɨden yɨp wog gɨñɨnɨgel agɨl lum awl ma owak agak. Ne kɨlop gɨñɨnɨg owak agak. Kɨlop kuÅay tawnɨm agɨl gos nɨÅɨd kumak agak. 29 Pen Jisas bɨne okok ayɨp taun Jeliko kelɨg amnɨlaknɨÅ, binɨb kuÅay yɨbɨl nop kɨdek gɨlak. 30 Pen bɨ wɨdɨn koy omɨÅal ak, kanɨb gol sɨÅak besɨg mɨdɨleknɨÅ, Jisas padɨkeb agel nɨÅɨd, meg mɨgan dad aplanɨl agɨlek, Depid Ãɨne, chɨlop mapen nɨÅɨd dɨtep gɨnɨmɨn agɨlek. 31 Agelek, binɨb okok kɨlop omɨÅal nɨÅɨjsek lɨl ag gɨl agɨlak, Takaw pug ma agɨnɨmil agɨlak. Anɨb agelak pen, takaw kɨlop ak ma dɨl, meg mɨgan awl dad aplanɨl agɨlek, Depid Ãɨne, chɨlop mapen nɨÅɨd dɨtep gɨnɨmɨn agɨlek. 32 Anɨb agel, Jisas ap yelek sɨÅak alad gɨl, kɨlop omɨÅal suk agɨl agak, Ãɨlop taydɨnɨm agak? 33 Agek agɨlek, Bɨawl, chɨlop ge wɨdɨn nɨgul agɨlek. 34 Agelek, Jisas kɨlop omɨÅal yɨmug nɨÅɨd, wɨdɨn kɨlop ak dɨnɨgek, won anɨb anep wɨdɨn nɨgɨlek, ne amnaknɨŠkɨdek gɨlek.